ଗୋବିନ୍ଦଙ୍କ ଆତ୍ମହତ୍ୟାର ହେଉ ସିବିଆଇ ତଦନ୍ତ । ଧର୍ମେନ୍ଦ୍ର କହିଲେ, ହାଜତ ମୃତ୍ୟୁ ଆଦୌ ଭଲ ଲକ୍ଷଣ ନୁହେଁ, ଯାହା ଅଧିନରେ ଗୃହ ବିଭାଗ ଅଛି ସେମାନେ ଉତ୍ତର ଦେବା ଉଚିତ୍ ।
କନକ ବ୍ୟୁରୋ : ଗୋବିନ୍ଦ ସାହୁ ଆତ୍ମହତ୍ୟା ମାମଲାରେ ସିବିଆଇ ତଦନ୍ତ ଦାବି କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସାରା ରାଜ୍ୟରେ ଚହଳ ପକାଇଥିବା ଗୋବିନ୍ଦ ସାହୁ ଆତ୍ମହତ୍ୟା ଘଟଣାରେ କେନ୍ଦ୍ରମନ୍ତ୍ରୀ କହିଛନ୍ତି ଯେତେବେଳେ ହାଜତ କିମ୍ବା ଜେଲରେ ମୃତ୍ୟୁ ହୁଏ, ସେତେବେଳେ ଅନେକ ପ୍ରଶ୍ନ ଉଠେ । ଏହା ଯୋଜନାବଦ୍ଧ ମୃତ୍ୟୁ ନା ସଂଯୋଗ ତାହା ପରବର୍ତୀ ଅନୁସନ୍ଧାନର ବିଷୟ । କିନ୍ତୁ ହାଜତ ମୃତ୍ୟୁ ଆଦୌ ଭଲ ଲକ୍ଷଣ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ଗୃହ ବିଭାଗ, ଆଇନ ବିଭାଗ, ଯେଉଁମାନଙ୍କ ଅଧିନରେ ପୋଲିସ ବିଭାଗ ରହିଛି, ସେମାନେ ଏନେଇ ଉତ୍ତର ଦେବା ଉଚିତ୍ । ଗୋବିନ୍ଦ ସାହୁ ମୃତ୍ୟୁର ତଦନ୍ତ ନ୍ୟାୟ ସଙ୍ଗତ ହେବା ଉଚିତ୍ । ସେହିପରି ମମିତା ମେହେର ମାମଲାରେ ବି ଡିଏନଏ ରିପୋର୍ଟ ଅସାମଞ୍ଜସ୍ୟ ଆସିବା ଘଟଣାକୁ ଆହୁରି ରହସ୍ୟମୟ କରୁଛି । ରାଜ୍ୟ ସରକାର ଏହାର ନିରପେକ୍ଷ ତଦନ୍ତ କରନ୍ତୁ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।