କନକ ବ୍ୟୁରୋ: ଶ୍ରୀମନ୍ଦିର ରତ୍ନଭଣ୍ଡାର କେବେ ଖୋଲିବ? ରତ୍ନଭଣ୍ଡାରରେ ମହାପ୍ରଭୁଙ୍କ ରତ୍ନ, ଅଳଙ୍କାର ସୁରକ୍ଷିତ ଅଛି କି ନାହିଁ? ରତ୍ନଭଣ୍ଡାରର ସ୍ଥିତି କେମିତି ରହିଛି? ଏହା ଜାଣିବା ପାଇଁ କୋଟି କୋଟି ଜଗନ୍ନାଥ ପ୍ରେମୀ ଅପେକ୍ଷା କରିଛନ୍ତି । କିନ୍ତୁ ରତ୍ନଭଣ୍ଡାର ଖୋଲିବା ନେଇ ତତ୍ପରତା ଦେଖାଉନାହାନ୍ତି ଶ୍ରୀମନ୍ଦିର ପ୍ରଶାସନ ଓ ରାଜ୍ୟ ସରକାର । ଯାହାକୁ ନେଇ ଆଜି ଗଜପତି ମହାରାଜାଙ୍କୁ ଭେଟିଛନ୍ତି ବିଜେପିର ଏକ ପ୍ରତିନିଧି ଦଳ । ଆଉ ତୁରନ୍ତ ଖୋଲିବାକୁ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର ରତ୍ନଭଣ୍ଡାର କେବେ ଖୋଲିବ? ରତ୍ନଭଣ୍ଡାରରେ ମହାପ୍ରଭୁଙ୍କ ରତ୍ନ, ଅଳଙ୍କାର ସୁରକ୍ଷିତ ଅଛି କି ନାହିଁ? ରତ୍ନଭଣ୍ଡାରର ସ୍ଥିତି କେମିତି ରହିଛି? ଏହା ଜାଣିବା ପାଇଁ କୋଟି କୋଟି ଜଗନ୍ନାଥ ପ୍ରେମୀ ଅପେକ୍ଷା କରିଛନ୍ତି । କିନ୍ତୁ ରତ୍ନଭଣ୍ଡାର ଖୋଲିବା ନେଇ ତତ୍ପରତା ଦେଖାଉନାହାନ୍ତି ଶ୍ରୀମନ୍ଦିର ପ୍ରଶାସନ ଓ ରାଜ୍ୟ ସରକାର । ଯାହାକୁ ନେଇ ଆଜି ଗଜପତି ମହାରାଜାଙ୍କୁ ଭେଟିଛନ୍ତି ବିଜେପିର ଏକ ପ୍ରତିନିଧି ଦଳ ।
ଦୀର୍ଘ ୪୫ ବର୍ଷ ତଳେ ମହାପ୍ରଭୁଙ୍କ ରତ୍ନଭଣ୍ଡାର ଖୋଲାଯାଇଥିଲା । ରତ୍ନ, ଅଳଙ୍କାର ଗଣତି ହୋଇଥିଲା । କିନ୍ତୁ ତାପରେ ବାରମ୍ବାର ଦାବି ସତ୍ୱେ ଏପର୍ଯ୍ୟନ୍ତ ରତ୍ନଭଣ୍ଡାର ଖୋଲା ଯାଇ ନାହିଁ । ଶ୍ରମନ୍ଦିର ପ୍ରଶାସନ ଓ ରାଜ୍ୟ ସରକାର, ରତ୍ନଭଣ୍ଡାର ଖୋଲିବାକୁ ବିଶେଷ ତତ୍ପରତା ଦେଖାଉ ନାହାନ୍ତି । ଯାହାକୁ ନେଇ ବଢ଼ିବାରେ ଲାଗିଛି ସନ୍ଦେହ, ଆଉ ତେଜିବାରେ ଲାଗିଛି ରତ୍ନଭଣ୍ଡାର ଖୋଲିବା ଦାବି..
କଂଗ୍ରେସର ରଣହୁଙ୍କାର ପରେ ଆଜି ବିଜେପିର ଏକ ପ୍ରତିନିଧି ଦଳ ଗଜପତି ମହାରାଜାଙ୍କୁ ଭେଟି ରତ୍ନଭଣ୍ଡାର ଖୋଲିବା ପ୍ରସଙ୍ଗରେ ଆଲୋଚନା କରିଛନ୍ତି । ରାଜ୍ୟ ବିଜେପିର ପୂର୍ବତନ ସଭାପତି ସମୀର ମହାନ୍ତିଙ୍କ ନେତୃତ୍ୱରେ ବିଜେପି ଟିମ ଗଜପତି ମହାରାଜାଙ୍କୁ ଭେଟିଛନ୍ତି । ଅଗଷ୍ଟ ୪ ତାରିଖରେ ହାଇକୋର୍ଟ ଦେଇଥିବା ନିର୍ଦ୍ଦେଶ ଅନୁସାରେ ତୁରନ୍ତ କମିଟି ଗଠନ କରିବାକୁ ଦାବି କରିଛନ୍ତି । ତେବେ ଯଦି ତୁରନ୍ତ କମିଟି ଗଠନ ନହୁଏ ତାହେଲେ, ପୁଣି ହାଇକୋର୍ଟଙ୍କ ଦ୍ୱାରସ୍ଥ ହେବେ ବୋଲି ଚେତାବନୀ ଦେଇଛନ୍ତି ବିଜେପି ନେତା ।
ବିଜେପି ନେତା ଗଜପତି ମହାରାଜାଙ୍କୁ ଭେଟିବା ଓ ରତ୍ନଭଣ୍ଡାର ଖୋଲିବାକୁ ଦାବି କରିବା ପରେ ବିଜେଡି ଜବାବ ରଖିଛି । ବିଜେପି ରାଜନୈତିକ ଉଦେଶ୍ୟ ରଖି ରତ୍ନଭଣ୍ଡାର ପ୍ରସଙ୍ଗକୁ ସବୁବେଳେ ଚର୍ଚ୍ଚା କରୁଥିବା ଅଭିଯୋଗ କରିଛନ୍ତି ବିଜେଡି ବିଧାୟକ ।
ଶ୍ରୀମନ୍ଦିର ରତ୍ନଭଣ୍ଡାର ଖୋଲିବା ପ୍ରସଙ୍ଗରେ ଏକ କମିଟି ଗଠନ କରିବାକୁ ହାଇକୋର୍ଟ ଗତ ଅଗଷ୍ଟ ମାସରେ ନିର୍ଦ୍ଦେଶ ଦେଇଥିଲେ । ଶ୍ରୀମନ୍ଦିର ପ୍ରଶାସନକୁ ୨ମାସ ଭିତରେ କମିଟି ଗଠନ ପାଇଁ କୋର୍ଟ କହିଥିଲେ । କିନ୍ତୁ ଏହା ଭିତରେ ପ୍ରାୟ ଅଢ଼େଇ ମାସ ବିତି ଯାଇଥିଲେ ବି କମିଟି ଗଠନ ହୋଇନାହିଁ । ଯାହାକୁ ନେଇ ସାଧାରଣରେ ଭିନ୍ନ ଭିନ୍ନ ଚର୍ଚ୍ଚା ବଢ଼ିବାରେ ଲାଗିଛି ।