ବିହାରର ଏକ ବିଶ୍ୱବିଦ୍ୟାଳୟରେ ଅଜବ କାରନାମା, ରାଜ୍ୟପାଳଙ୍କୁ କରିଦେଲେ ପରୀକ୍ଷାର୍ଥୀ
କନକ ବ୍ୟୁରୋ : ବିହାର ଦରଭଙ୍ଗାରେ ତିବା ଲଲିତ ନାରାୟଣ ମିଥିଲା ବିଶ୍ୱ ବିଦ୍ୟାଳୟ ସବୁବେଳେ ତାର କାମ ପରିବର୍ତ୍ତେ କାରନାମାକୁ ନେଇ ଚର୍ଚ୍ଚାରେ ଥାଏ । ପୂର୍ବକଥା ଛାଡି ଏବେକାର କଥା ଯଦି ଆପଣ ଜାଣିବେ ତେବେ ଚକିତ ହୋଇଯିବେ । ଏବେ ଏହି ବିଶ୍ୱବିଦ୍ୟାଳୟ ରାଜ୍ୟପାଳଙ୍କୁ ନିଜ କଲେଜର ପରୀକ୍ଷାର୍ଥୀ କରିଦେଇଛନ୍ତି । ସ୍ନାତୋକ ତୃତୀୟ ପାର୍ଟ ପରୀକ୍ଷାରେ ପିଲାଙ୍କୁ ମିଳିଥିବା ଆଡମିଟ କାର୍ଡରେ ରହିଛି ମହାମହିମ ରାଜ୍ୟପାଳ ଫଗୁ ଚୌହାନଙ୍କ ଫଟୋ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟପାଳ ଫାଗୁ ଚୌହାନଙ୍କ ଫଟୋ ଆଡମିଟ କାର୍ଡରେ ଜାରି କରିବା ପରେ ଏହି ଆଡମିଟ କାର୍ଡ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ଏନେଇ ବିଶ୍ୱବିଦ୍ୟାଳୟର କୁଳସଚିବ ଡାକ୍ତର ମୁସ୍ତାକ ଅହମ୍ମଦ ନିଜେ ବି ଆଶ୍ଚର୍ଯ୍ୟ ହୋଇ ଯାଇଛନ୍ତି । ଏନେଇ ବିଶ୍ୱବିଦ୍ୟାଳୟର ଭୁଲକୁ ସ୍ୱୀକାର କରିଛନ୍ତି କୁଳସଚିବ । ହେଲେ ଏଥିରେ ଛାତ୍ର ଓ ସାଇବର କାଫେ ଉପରେ ସମସ୍ତ ଦୋଷ ଲଦିଛନ୍ତି । ସେ କହିଛନ୍ତି କି ଏଭଳି କାମ ସଂପୃକ୍ତ ଛାତ୍ରଙ୍କ ଦ୍ୱାରା କରାଯାଇଛି । ଛାତ୍ର ଓ ସାଇବର କାଫେ ମିଶି ବିଶ୍ୱବିଦ୍ୟାଳୟକୁ ବଦନାମ କରିବାକୁ ଏଭଳି କରିଥାଇ ପାରନ୍ତି ବୋଲି ସେ କହିଛନ୍ତି ।
ସେପଟେ ଭବିଷ୍ୟତରେ ଏଭଳି ଭୁଲ ଯେଭଳି ନହେବ ସେନେଇ ନଜର ରଖାଯିବ ବୋଲି କୁଳସଚିବ କହିଛନ୍ତି । ସେ କହିଛନ୍ତି କି ବିଶ୍ୱ ବିଦ୍ୟାଳୟରେ ହଜାର ହଜାର ଛାତ୍ର ରହିଥିବାରୁ ସମସ୍ତଙ୍କ ଫଟୋକୁ ନଜର କରିବା ସମ୍ଭବ ନୁହେଁ ।