କନକ ବ୍ୟୁରୋ : ୨୦୨୪ ଲୋକସଭା ନିର୍ବାଚନ ପୂର୍ବରୁ ସମାଜବାଦୀ ପାର୍ଟିକୁ ବଡ ଝଟକା ଲାଗିଛି । ଶନିବାର ଦିନ ଦଳର ବରିଷ୍ଠ ନେତା ଦାରା ସିଂ ଚୌହାନ ଦଳରୁ ଇସ୍ତଫା ଦେଇଛନ୍ତି । ସେ ଗତବର୍ଷ ବିଜେପି ଛାଡି ସମାଜବାଦୀ ପାର୍ଟିରେ ଯୋଗ ଦେଇଥିଲେ । ଦାରା ସିଂ ଚୌହାନ ଏବେ ଦିଲ୍ଲୀରେ ଅଛନ୍ତି । ଆକଳନ କରାଯାଉଛି କି ସେ ଖୁବଶୀଘ୍ର ପୁଣି ବିଜେପିରେ ଯୋଗ ଦେଇପାରନ୍ତି । ହେଲେ ବିଜେପି ଛାଡି ସମାଜବାଦୀ ପାର୍ଟିରେ ଯୋଗ ଦେବା ପରେ ଦାରା ସିଂ ବିଜେପି ଉପରେ ଖୁବ୍ ବର୍ଷିଥିଲେ । ସେତେବେଳେ ସେ କହିଥିଲେ କି ବିଜେପିର ସବକା ସାଥ୍ ସବକା ବିକାଶ କେବଳ ନାରା । କିନ୍ତୁ ବିଜେପି ସମସ୍ତଙ୍କ ସାଥିରେ ରହି କେବଳ କିଛି ଲୋକଙ୍କ ବିକାଶ ପାଇଁ କାମ କରୁଛି ବୋଲି ସେ ଅଭିଯୋଗ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ଦାରା ସିଂ ବିଜେପି ଉପରେ ଅଭିଯୋଗ ଆଣି କହିଥିଲେ କି ଗରିବ ଲୋକଙ୍କ କିଛି ଖାଦ୍ୟ ଓ ଲୋଭ ଦେଖାଇ ସେମାନଙ୍କୁ ଗୋଲାମ କରି ରଖିବାକୁ ବିଜେପି ଷଡଯନ୍ତ୍ର କରୁଛି । ହେଲେ ଏବେ ଗରିବ ଓ ପଛୁଆବର୍ଗର ଲୋକ ବିଜେପିର ଷଡଯନ୍ତ୍ରକୁ ବୁଝିସାରିଛନ୍ତି ।
ଦାରା ସିଂ ସମାଜବାଦୀ ପାର୍ଟିରେ ଯୋଗ ଦେବା ପୂର୍ବରୁ ଯୋଗୀ ଆଦିତ୍ୟନାଥଙ୍କ ମନ୍ତ୍ରୀମଣ୍ଡଳରେ ମନ୍ତ୍ରୀ ଥିଲେ । ଏହାପରେ ସେ ଅଖିଳେଶ ଯାଦବଙ୍କ ଉପସ୍ଥିତିରେ ସମାଜବାଦୀ ପାର୍ଟିରେ ଯୋଗ ଦେଇଥିଲେ ।