ପୁଣି ଡାକ୍ତର ଭୂମିକାରେ କଂଗ୍ରେସର ପୂୂର୍ବତନ ବିଧାୟକ ପ୍ରଫୁଲ ମାଝୀ । ପରାଜୟ ପରେ ପୂର୍ବ ପେଶାକୁ ଫେରିଲେ ଭେଟେରାନ ନେତା : କହିଲେ, ଜାରି ରହିବ ଲୋକ ସେବା
କନକ ବ୍ୟୁରୋ : ପୁଣି ଡାକ୍ତର ଭୂମିକାରେ କଂଗ୍ରେସର ପୂୂର୍ବତନ ବିଧାୟକ । କଂଗ୍ରେସର ହେଭିୱେଟ୍ ନେତା ତଥା ତିନି ତିନିଥରର ବିଧାୟକ ପ୍ରଫୁଲ ମାଝୀଙ୍କ ନୂଆ ଲୁକ । ଚଳିତ ନିର୍ବାଚନରେ ପରାଜିତ ହୋଇଥିବା ପ୍ରଫୁଲ୍ଲ ମାଝି ଏବେ ବି ଲୋକଙ୍କ ସେବାରେ ଲାଗିଛନ୍ତି । ସେହି ସମାନ ସ୍ଥାନ ତଳସରା, ଖାଲି ବଦଳି ଯାଇଛି ପଦବୀ । ବିଧାୟକରୁ ଡାକ୍ତର । ଲୋକଙ୍କ ସେବା କରିବା ପାଇଁ ପୁଣି ନିଜ ପେଶାକୁ ଆପଣାଇଛନ୍ତି ଡାକ୍ତର ପ୍ରଫୁଲ ମାଝୀ ।
Kanak News is now on WhatsApp
Join and get latest news updates delivered to you via WhatsApp
ଡାକ୍ତରରୁ ବିଧାୟକ
ପୁଣି ବିଧାୟକରୁ ଡାକ୍ତର
ପେଶାକୁ ଫେରିଲେ ପୂର୍ବତନ ବିଧାୟକ
ପୁଣି ଡାକ୍ତର ଭୂମିକାରେ ନଜର ଆସିଛନ୍ତି କଂଗ୍ରେସର ପୂୂର୍ବତନ ବିଧାୟକ ପ୍ରଫୁଲ ମାଝୀ । ଚଳିତବର୍ଷ ସାଧାରଣ ନିର୍ବାଚନରେ ତଳସରା ଆସନରୁ ପରାଜୟ ପରେ ପୁଣି ପୂର୍ବ ପେଶାକୁ ଫେରିଛନ୍ତି ପ୍ରଫୁଲ । ସୁନ୍ଦରଗଡ ଜିଲ୍ଲାରେ ଜିଲ୍ଲପାଳ ଖଣିଜ ପ୍ରତିଷ୍ଠାନ ପାଣ୍ଠି ( ଡିଏମଏଫ୍) ପକ୍ଷରୁ ନିଯୁକ୍ତ କରିଥିବା ଚୁକ୍ତି ଭିତିକ ଡାକ୍ତରଙ୍କ ଭିତରେ ରହିଛନ୍ତି ପ୍ରଫୁଲ୍ଲ ମାଝୀ । ନିଯୁକ୍ତି ପାଇବା ପରେ ତଳସରା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ମେଡିକାଲ ଅଫିସର ଭାବରେ ଯୋଗଦାନ କରିବା ସହ ରୋଗୀ ସେବା କରୁଛନ୍ତି କଂଗ୍ରେସର ହେଭିୱେଟ୍ ନେତା ତଥା ଡାକ୍ତର ପ୍ରଫୁଲ୍ଲ ମାଝୀ ।
ଡାକ୍ତର ପ୍ରଫୁଲ ମାଝୀ । କେବଳ ସୁନ୍ଦରଗଡ ଜିଲ୍ଲା ନୁହେଁ ସାରା ଓଡିଶା ପାଇଁ ଏକ ପରିଚିତ ନାଁ । ତିନି ତିନି ଥରର ବିଧାୟକ ପ୍ରଫୁଲ୍ଲ ମାଝୀ ଡାକ୍ତରଖାନାରେ ନୂଆ ଦାୟିତ୍ୱ ନେବା ପରେ କହିଛନ୍ତି ଏହା ତାଙ୍କର ପେଶା । ବିଧାୟକ ଥିବା ବେଳେ ଲୋକ ସେବା କରୁଥିଲେ ଏବେ ବି ସେହି ସେବା ଜାରି ରହିବ । ତଳସରା ଜିଲ୍ଲାର ଏକ ଉପାନ୍ତ ,ଅପହଂଚ ଇଲାକା ହୋଇଥିବାରୁ କୋଣସି ଡାକ୍ତର ସେହି ସ୍ଥାନକୁ ଯିବା ପାଇଁ ରାଜି ହୁଅନ୍ତି ନାହିଁ । ଦୀର୍ଘ ବର୍ଷ ହେଲେ ଏହି ଡାକ୍ତରଖାନାରେ ଖାଲି ପଡିଥିଲା ଡାକ୍ତର ପଦବୀ । ତେଣୁ ନୂଆ ଡାକ୍ତରଙ୍କୁ ପାଇ ସ୍ଥାନୀୟ ଲୋକେ ଖୁସି ପ୍ରକାଶ କରିଛନ୍ତି ।