ସମବାୟ ସମିତିରେ ବି ସରପଞ୍ଚ ସ୍ୱାମୀଙ୍କ ରାଜ୍ । ଚାଷୀଙ୍କ ଅଜାଣତରେ ଗଠନ କଲେ ସମିତି । କଟକ ଏଆରସିଏସଙ୍କ ଦ୍ୱାରସ୍ତ ହେଲେ ଚାଷୀ
କନକ ବ୍ୟୁରୋ : କୃଷି ସମବାୟ ସମିତି ଖୋଲିଛି କିଏ? କେଉଁ ଆଧାରରେ କରାଯାଇଛି ସଭାପତି, ସଂପାଦକ ଓ ସଭ୍ୟ ଚୟନ? ସଭ୍ୟମାନେ ଚାଷୀ ନା ଅନ୍ୟ କୌଣସି ବୃତ୍ତିର? ସୂଚନା ଅଧିକାର ଆଇନ୍ ଖୋଲି ଦେଇଛି ସମବାୟ ସମିତିର ସତ । କଟକ ନିଶ୍ଚିନ୍ତକୋଇଲି ବ୍ଲକ ତରତ ଶାସନ ପଂଚାୟତରେ ନବଗଠିତ ଅନନ୍ତ କିଶୋର କୃଷି ସେବା ସମବାୟ ସମିତିରେ ସଭ୍ୟ ଚୟନରେ ବ୍ୟାପକ ଜାଲିଆତି ହୋଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପଂଚାୟତସ୍ତରରେ ଚାଷୀଙ୍କ ସହ ବୈଠକ କରି ଯୋଗ୍ୟତା ଭିତିରେ ଚାଷୀଙ୍କୁ ନେଇ ସମବାୟ ସମିତି ଗଠନ କରିବାର ନିୟମ ରହିଛି । ହେଲେ କଟକ ନିଶ୍ଚିନ୍ତକୋଇଲିରେ ବିନା ବୈଠକରେ ସମବାୟ ସମିତି ଖୋଲିଯାଇଛି । ଏବଂ ସେଠାରେ ମୁଷ୍ଟିମେୟ ବ୍ୟକ୍ତିଙ୍କୁ ସଦସ୍ୟ କରାଯାଇଥିବା ଅଭିଯୋଗ ହୋଉଛି । ତେବେ ଘରେ ନପଶୁଣୁ ଚାଳ ବାଜିବା ଭଳି ଆରମ୍ଭରୁ ଅନିୟମିତତା ହୋଇଥିବା ସମବାୟ ସମିିତିର ଭବିଷ୍ୟତକୁ ନେଇ ଚିନ୍ତା ବଢିଛି । ଗଠନ କରାଯାଇଥିବା ସମିତିକୁ ଅସିଦ୍ଧ ଘୋଷଣା କରି ନୂଆ ସମିତି ଗଢିବାକୁ ଦାବି ହେଉଛି ।
ଚାଷୀଙ୍କ ଉଦେଶ୍ୟରେ ହୋଇଥିବା ସେବା ସମବାୟ ସମିତିର ଜାଲିଆତି ବାବଦରେ ପୁଂଙ୍ଖାନୁପୁଙ୍ଖ ତଦନ୍ତ ହେବାର ଆବଶ୍ୟକତା ରହିଛି ।