ମୁଖ୍ୟମନ୍ତ୍ରୀଙ୍କର କଥା କମ୍, କାମ ବେଶି, ବିରୋଧୀଙ୍କର କଥା ବେଶି, କାମ କମ୍ । ବୌଦ୍ଧ, ସୋନପୁର ଓ ବୀରମହାରାଜପୁରରେ ପାଣ୍ଡିଆନଙ୍କ ଧୂଆଁଧାର ପ୍ରଚାର, ବିରୋଧୀଙ୍କୁ କଲେ ଟାର୍ଗେଟ ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ବୀରମହାରାଜପୁରରେ ସମବେତ ଜନତାଙ୍କୁ ଉଦବୋଧନ ଦେଇ ପାଣ୍ଡିଆନ କହିଛନ୍ତି ଯେ, ମୁଖ୍ୟମନ୍ତ୍ରୀ ସାରା ଓଡିଶାବାସୀଙ୍କୁ ନିଜ ପରିବାର ଭାବେ ଭାବନ୍ତି ଓ ସେମାନଙ୍କ ଉନ୍ନତି ପାଇଁ ଦିନରାତି ପରିଶ୍ରମ କରୁଛନ୍ତି। କଥା କମ୍, କାମ ବେଶି ହେଉଛି ମୁଖ୍ୟମନ୍ତ୍ରୀଙ୍କ ପରିଚୟ। ମୁଖ୍ୟମନ୍ତ୍ରୀ ସବୁବେଳେ ବନ୍ୟା, ବାତ୍ୟା, ମରୁଡି, ସୁଖ ଦୁଃଖ ସବୁଥିରେ ଓଡିଶାବାସୀଙ୍କ ସାଥିରେ ଅଛନ୍ତି ଓ ସେମାନଙ୍କ ପାଇଁ କାମ କରୁଛନ୍ତି । କିନ୍ତୁ ବିରୋଧୀ ଦଳ କେବଳ ଭୋଟ ପାଇଁ ଓଡିଶା ଆସନ୍ତି । ବଡ ବଡ କଥା କୁହନ୍ତି। କିନ୍ତୁ କାମ ଘର ଶୂନ । କଥା ବେଶି କାମ କମ୍ – ହେଉଛି ବିରୋଧୀଙ୍କ ପରିଚୟ। ଭୋଟ ପାଇଁ ସେମାନେ ଆସନ୍ତି। ୫ ବର୍ଷରେ ଥରେ ଆସନ୍ତି। ଘୋଡା ଦେବୁ, ହାତୀ ଦେବୁ କୁହନ୍ତି । ଓଡିଶାକୁ ସ୍ବତନ୍ତ୍ର ରାଜ୍ୟ କରିବେ ବୋଲି କୁହନ୍ତି। କିନ୍ତୁ, ଭୋଟ ସରିଲେ ସବୁ ଭୁଲିଯାନ୍ତି । ବିଜେପି ଦଳର ନିର୍ବାଚନୀ ପ୍ରତିଶୃତି ସଂପର୍କରେ ସ୍ମରଣ କରାଇଦେଇ ପାଣ୍ଡିଆନ କହିଥିଲେ ଯେ ଯୁବକଙ୍କ ପାଇଁ ଦୁଇ କୋଟି ଚାକିରୀ ଓ ଚାଷୀଙ୍କ ପାଇଁ ଧାନର ଏମଏସପି ଦୁଇ ଗୁଣ କରିବା ପ୍ରତିଶୃତି କରିବା କୁଆଡେ ଗଲା ?