ହେତୁବାଦ ନାଁରେ ଧର୍ମୀୟ ଭାବନାକୁ କୁଠାରଘାତ, ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ଛତିଶା ନିଯୋଗ ନାୟକ।
କନକ ବ୍ୟୁରୋ: ମୁଖ୍ୟମନ୍ତ୍ରୀଙ୍କୁ ଛତିଶା ନିଯୋଗ ନାୟକଙ୍କ ଚିଠି । ହେତୁବାଦ ନାମରେ ଶ୍ରୀ ଜଗନ୍ନାଥ ମହାପ୍ରଭୁ ଓ ହିନ୍ଦୁ ଧର୍ମୀୟ ଭାବନା ତଥା ଆସ୍ଥାକୁ ବିରୋଧ କରାଯାଇଥିବା ଅଭିଯୋଗ କରିଛନ୍ତି । ଛତିଶା ନିଯୋଗ ନାୟକ ଜନାର୍ଦ୍ଦନ ପାଟ୍ଟଯୋଶୀ ମହାପାତ୍ର ମୁଖ୍ୟମନ୍ତ୍ରୀଙ୍କୁ ଏହି ଚିଠି ଲେଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ଲେଖିଛନ୍ତି ଯେ, ଗତ ସୂର୍ଯ୍ୟପରାଗ ଏବଂ ଚନ୍ଦ୍ରଗ୍ରହଣରେ କିଛି ବ୍ୟକ୍ତି ଶହ ଶହ ବର୍ଷର ପ୍ରଥା ତଥା ପରମ୍ପରାକୁ ବିରୋଧ କରି ହିନ୍ଦୁ ଧର୍ମୀୟ ଭାବନାକୁ କୁଠାରଘାତ କରାଯାଇଛି । ତଥାକଥିତ ହେତୁବାଦୀମାନେ ଏଭଳି କରିବା ସହ ଧର୍ମୀୟ ଭାବନା ସହ ଖେଳିଛନ୍ତି । ଭଗବାନଙ୍କ ଚରିତ୍ର ସଂହାର କରିବା ସହ ଅନ୍ୟାନ୍ୟ କାମ କରିଥିବାରୁ ସେମାନଙ୍କ ବିରୋଧରେ ରାଜ୍ୟ ସରକାର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉବୋଲି ସେ ଦାବି କରିଛନ୍ତି । ଯଦି ଏଭଳି ନହୁଏ ତେବେ ଆଗାମୀ ଦିନରେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହେବା ନେଇ ଚେତାବନୀ ଦିଆଯାଇଛି ।