ଜେଇଇ ଢାଞ୍ଚାରେ ହେବ ଏକକ ପିଜି ପ୍ରବେଶିକା ପରୀକ୍ଷା : ୨୦୨୩-୨୪ ଶିକ୍ଷାବର୍ଷରୁ ପିଜି ପରୀକ୍ଷା ଓ ନାମଲେଖାରେ ହେବ ପରିବର୍ତ୍ତନ
କନକ ବ୍ୟୁରୋ : ଏଣିକି ଜେଇଇ ଢାଞ୍ଚାରେ ହେବ ଏକକ ପିଜି ପ୍ରବେଶିକା ପରୀକ୍ଷା । ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟରେ ୨୦୨୩-୨୪ ଶିକ୍ଷାବର୍ଷରୁ ପିଜି ପ୍ରବେଶିକା ପରୀକ୍ଷା ଓ ନାମଲେଖାରେ ପରିବର୍ତ୍ତନ କରାଯିବ । କେଉଁ ପଦ୍ଧତିରେ ନାମଲେଖା ହେବ ତାହା ସ୍ଥିର ହୋଇନଥିଲେ ବି ସର୍ବଭାରତୀୟସ୍ତରରେ ଇଞ୍ଜିନିୟରିଂ ପାଠ୍ୟକ୍ରମରେ ନାମଲେଖା ପାଇଁ ହେଉଥିବା ଜେଇଇ ଢାଞ୍ଚାରେ ପରୀକ୍ଷା କରିବାକୁ ଉଚ୍ଚଶିକ୍ଷା ବିଭାଗ ନିଷ୍ପତ୍ତି ନେଇଛି । ଏଥିପାଇଁ ତିନିଟି ସରକାରୀ ବିଶ୍ୱବିଦ୍ୟାଳୟର କୁଳପତିଙ୍କୁ ନେଇ ଏକ କମିଟି ଗଠନ କରଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଉକ୍ତ କମିଟିର ରିପୋର୍ଟ ଆଧାରରେ ପିଜି ନାମଲେଖା ଢାଞ୍ଚା ପ୍ରସ୍ତୁତ କରାଯିବ ବୋଲି ଗତମାସ ପୁରୀ ହୋଇଥିବା ଅନୁଷ୍ଠିତ କୁଳପତିମାଙ୍କ ବୈଠକରେ ନିଷ୍ପତ୍ତି ନିଆଯାଇଛି । ଏକକ ପିଜି ପ୍ରବେଶିକା ପରୀକ୍ଷା ଓ ନାମଲେଖା ପ୍ରକ୍ରିୟାରେ ସମସ୍ୟା ଯୋଗୂ ଛାତ୍ରଛାତ୍ରୀମାନେ ଅସୁବିଧାର ସମ୍ମୁଖୀନ ହେଉଛନ୍ତି । ଯେଉଁଠି ପଢିବାକୁ ପିଲାଙ୍କ ଆଗ୍ରହ ଅଛି ସେଠାରେ ସେମାନଙ୍କୁ ସିଟ୍ ମିଳିନାହିଁ । ଉତ୍କଳ ବିଶ୍ୱବିଦ୍ୟାଳୟରେ ପଢିବାକୁ ଯୋଗ୍ୟତା ଥିବା ଛାତ୍ରଛାତ୍ରୀଙ୍କୁ ଅନ୍ୟ କଲେଜରେ ସିଟ୍ ମିଳିଛି । ତେବେ ନୂଆ ଢାଞ୍ଚାରେ ପରୀକ୍ଷା ହେଲେ ଏସବୁ ସମସ୍ୟା ଦେଖିବାକୁ ମିଳିବ ନାହିଁ ବୋଲି ଆଶା କରାଯାଉଛି ।