ଚନ୍ଦ୍ରଯାନ ୩ ପାଇଁ କାଉଣ୍ଟଡାଉନ୍ ଆରମ୍ଭ : ଆସନ୍ତାକାଲି ଶ୍ରୀହରିକୋଟାରୁ ହେବ ଉତକ୍ଷେପଣ; ଚନ୍ଦ୍ରର ଅପହଞ୍ଚ ଅଞ୍ଚଳରେ ପହଞ୍ଚିବାକୁ ଲକ୍ଷ୍ୟ
କନକ ବ୍ୟୁରୋ : ଚନ୍ଦ୍ରଯାନ ୩ ପାଇଁ କାଉଣ୍ଟଡାଉନ୍ ଆରମ୍ଭ । ଆସନ୍ତାକାଲି ଅପରାହ୍ଣ ୨ଟା ୩୫ରେ ଶ୍ରୀହରିକୋଟାରୁ ଉତକ୍ଷେପଣ ହେବ । ଚନ୍ଦ୍ରର ଅପହଞ୍ଚ ଅଞ୍ଚଳରେ ପହଞ୍ଚିବାକୁ ଲକ୍ଷ୍ୟ ରଖାଯାଇଛି । ୨୪ ଘଣ୍ଟା ଧରି ଚାଲିଥିବା ‘ଲଞ୍ଚ ରିହର୍ସାଲ୍’ ଶେଷ ହୋଇଛି ବୋଲି ଇସ୍ରୋ ମଙ୍ଗଳବାର ଟ୍ୱିଟ୍ କରିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତର ତୃତୀୟ ଚନ୍ଦ୍ର ଅନୁସନ୍ଧାନ ମିସନ ଚନ୍ଦ୍ରଯାନ-୩ ଏଲ୍ଭିଏମ୍୩ ଲଞ୍ଚରର ଚତୁର୍ଥ କାର୍ଯ୍ୟକ୍ଷମ ମିସନରେ ଉତ୍କ୍ଷେପଣ ପାଇଁ ପ୍ରସ୍ତୁତ ହୋଇ ରହିଛି। ଏହା ଚନ୍ଦ୍ରଯାନ-୨ର ଏକ ଫଲୋଅପ୍ ମିସନ ଯାହା ଚନ୍ଦ୍ରପୃଷ୍ଠରେ ସୁରକ୍ଷିତ ଅବତରଣ କରି ଭ୍ରମଣ କରିବାର ସମସ୍ତ କ୍ଷମତା ପ୍ରଦର୍ଶନ କରିବ। ସୂଚନାଯୋଗ୍ୟ, ଏକ ସଫ୍ଟୱେର୍ ତ୍ରୁଟି କାରଣରୁ ସେପ୍ଟେମ୍ବର ୨୦୧୯ରେ ଚନ୍ଦ୍ରଯାନ-୨ କ୍ରାସ୍-ଲ୍ୟାଣ୍ଡିଂ କରିଥିଲା ।
ଇସ୍ରୋ କହିଛି ଯେ, ରୋଭର ସଫଳତାର ସହିତ ଚନ୍ଦ୍ରରେ ଅବତରଣ କରିବାକୁ ସୁନିଶ୍ଚିତ କରିବାକୁ ଏହା ପୂର୍ବ ବିଫଳତାରୁ ଶିକ୍ଷା କରି ଏକ ତ୍ରୁଟି-ରହିତ ଡିଜାଇନ ବାଛିଛି। ଇସ୍ରୋ ଚେୟାରମ୍ୟାନ୍ ଏସ୍ ସୋମନାଥ କହିଛନ୍ତି ଯେ, ଚନ୍ଦ୍ରଯାନ-୨ରେ ଏକ ସଫଳତା-ଭିତ୍ତିକ ଡିଜାଇନ୍ ବଦଳରେ ସ୍ପେସ୍ ଏଜେନ୍ସି ଚନ୍ଦ୍ରଯାନ-୩ରେ ଏକ ବିଫଳତା-ଭିତ୍ତିକ ଡିଜାଇନ ବାଛିଛି, ଯାହା ଏକ ସଫଳ ଅବତରଣକୁ ସୁନିଶ୍ଚିତ କରିବ ।
ଚନ୍ଦ୍ରଯାନ-୨ର ବିକ୍ରମ ଲ୍ୟାଣ୍ଡରରେ କ’ଣ ତ୍ରୁଟି ଥିଲା ସେ ବିଷୟରେ ଇସ୍ରୋ ମୁଖ୍ୟ ସୂଚନା ଦେଇଛନ୍ତି । ସୋମନାଥ କହିଛନ୍ତି ଯେ, ଏଥର ଅବତରଣ କ୍ଷେତ୍ରକୁ ୫୦୦ ମିଟର x ୫୦୦ ମିଟରରୁ ଚାରି କିମି x ୨.୫ କିମି ପର୍ଯ୍ୟନ୍ତ ସମ୍ପ୍ରସାରିତ କରାଯାଇଛି । ତେଣୁ ଏହା ଯେକୌଣସି ସ୍ଥାନରେ ଅବତରଣ କରିପାରିବ, ଏହା ଏକ ନିର୍ଦ୍ଦିଷ୍ଟ ବିନ୍ଦୁକୁ ଟାର୍ଗେଟ କରିବ ନାହିଁ। ଯଦି ପ୍ରଦର୍ଶନ ଖରାପ ହୁଏ ତେବେ ଏହା ସେହି ଅଞ୍ଚଳର ଯେକୌଣସି ସ୍ଥାନରେ ଅବତରଣ କରିପାରିବ। ଚନ୍ଦ୍ରଯାନ-୩ରେ ମଧ୍ୟ ଅଧିକ ଇନ୍ଧନ ଅଛି ।
ତେଣୁ ଏହାର ଏକ ବିକଳ୍ପ ଅବତରଣ ସ୍ଥାନକୁ ଯିବା ପାଇଁ ଅଧିକ କ୍ଷମତା ଅଛି। ବିକ୍ରମ ଲ୍ୟାଣ୍ଡର ବର୍ତ୍ତମାନ ଅନ୍ୟ ପୃଷ୍ଠରେ ଅତିରିକ୍ତ ସୌର ପ୍ୟାନେଲ ରଖିଛି । ଏହା ଅଧିକ ଶକ୍ତି ଉତ୍ପାଦନ କରିବ । ଚନ୍ଦ୍ରଯାନ-୩ରେ ଅଛି ଏକ ସ୍ୱଦେଶୀ ପ୍ରପଲ୍ସନ ମଡ୍ୟୁଲ୍, ଲ୍ୟାଣ୍ଡର ମଡ୍ୟୁଲ୍ ଓ ଏକ ରୋଭର । ପ୍ରପଲ୍ସନ ମଡ୍ୟୁଲ୍ ଲ୍ୟାଣ୍ଡର ଓ ରୋଭରକୁ ଇଞ୍ଜେକ୍ସନ୍ ଅର୍ବିଟ୍ରୁ ୧୦୦ କିମି ଚନ୍ଦ୍ର କକ୍ଷପଥ ପର୍ଯ୍ୟନ୍ତ ବହନ କରିବ ।