କନକ ବ୍ୟୁରୋ: ଭାରତର ସର୍ବବୃହତ ଆଲୁମିନିୟମ ଉତ୍ପାଦନକାରୀ ବେଦାନ୍ତ ଆଲୁମିନିୟମ ଝାରସୁଗୁଡ଼ାରେ ରାଷ୍ଟ୍ରୀୟ ପୋଷଣ ମାସ ପାଳନ କରିଥିଲା । ଏଥିରେ ମା ମାନଙ୍କୁ ସୁଷମ ଖାଦ୍ୟ, ସୁସ୍ଥ ଅଭ୍ୟାସ, ସନ୍ତୁଳିତ ଖାଦ୍ୟ ଓ ସ୍ୱଦେଶୀ ଖାଦ୍ୟର ମହତ୍ୱ ସଂପର୍କରେ ସଚେତନ କରାଯାଇଥିଲା । ଏହି କାର୍ୟ୍ୟକ୍ରମ ୧୨୫ଟି ଅଙ୍ଗନୱାଡ଼ିରେ ଆୟୋଜିତ ହୋଇଥିଲା ଓ ୨୦୦୦ରୁ ଅଧିକ ମହିଳା ଓ ଶିଶୁ ମାନେ ଉପକୃତ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପ୍ଟେମ୍ବର ମାସରେ ଭାରତ ସରକାରଙ୍କ ପୋଷଣ ବା ରାଷ୍ଟ୍ରୀୟ ପୋଷଣ ମିଶନ ଅଧିନରେ ସାରା ଭାରତରେ ପୋଷକ ମାସ ପାଳନ କରାଯାଇଥାଏ । ଏହି ଅବସରରେ ବେଦାନ୍ତ ଆଲୁମିନିୟମ ଅଙ୍ଗବାଡି କର୍ମଚାରୀ ଓ ପଂଚାୟତରାଜ ପ୍ରତଷ୍ଠାନର ସଦସ୍ୟଙ୍କ ଜରିଆରେ ସ୍ଥାନୀୟ ଗୋଷ୍ଠୀଙ୍କୁ ପୋଷଣ ଉପରେ ବିଭିନ୍ନ ପରାମର୍ଶ ଦେବା ସହିତ ଶିଶୁ, ଗର୍ଭବତୀ ମହିଳା ଓ ସ୍ତନ୍ୟପାନ କରାଉଥିବା ମହିଳାଙ୍କ ଉପରେ ବିଶେଷ ଗୁରୁତ୍ୱ ଦେଇଥିଲେ ।
ଏହି ଅଭିଯାନର ଅଂଶ ସ୍ୱରୂପ ମହିଳାମାନଙ୍କୁ ବିଭିନ୍ନ ସ୍ୱଦେଶୀ ଖାଦ୍ୟର ମହତ୍ୱ ସଂପର୍କରେ ପରାମର୍ଶ ଓ ଏହାର ପ୍ରସ୍ତୁତି ବିଷୟରେ ଉପଯୁକ୍ତ ପ୍ରଶିକ୍ଷଣ ଦିଆଯାଇଥିଲା । ସ୍ଥାନୀୟ ଅଂଚଳରୁ ମହିଳାମାନେ ନିଜେ ପ୍ରସ୍ତୁତ କରୁଥିବା ଖାଦ୍ୟ ସଂପର୍କରେ ପରସ୍ପରଙ୍କ ସହ ଆଲୋଚନା କରିଥିଲେ । ଏହି ଅବସରରେ ଏକ ସ୍ୱାସ୍ଥ୍ୟକର ପ୍ରତିଯୋଗିତା ଆୟୋଜିତ ହୋଇଥିଲା । ଅଙ୍ଗନୱାଡ଼ି କର୍ମଚାରୀ ଓ ସ୍ୱେଛାସେବୀଙ୍କ ଦ୍ୱାରା ମଧ୍ୟ ମା ଓ ଶିଶୁ ମାନଙ୍କ ଉପଯୁକ୍ତ ପୋଷଣ ଉପରେ ଏକ ରାଲିର ଆୟୋଜନ କରାଯାଇଥିଲା । ଆଶା ଓ ଏଏନଏମ କର୍ମଚାରୀଙ୍କ ସହାୟତାରେ ଗର୍ଭବତୀ ମହିଳା ମାନଙ୍କ ପାଇଁ ପରୀକ୍ଷା ମଧ୍ୟ ଆୟୋଜନ କରାଯାଇଥିଲା । କଂପାନି ଦ୍ୱାରା “ପୋଷଣ ବାଟିକା’ ବା ପୋଷଣ ବଗିଚା ସୃଷ୍ଟି କରାଯାଇଥିଲା ।
ବେଦାନ୍ତର ଶୂନ୍ୟ କ୍ଷୁଧା ଅଭିଯାନ ସଂପର୍କରେ ସୁନୀଲ ଗୁପ୍ତା, ସିଇଓ- ବେଦାନ୍ତ ଲିମିଟେଡ, ଝାରସୁଗୁଡ଼ା କହିଥିଲେଯେ-ଆମେ କ୍ଷୁଧା ନିବାରଣ ଓ କୁପୋଷଣ ବିରୁଦ୍ଧରେ ବିଶ୍ୱସ୍ତରୀୟ ଅଭିଯାନ ସହିତ ସାମିଲ ଅଛୁ । ଉତ୍ତମ ଅଭ୍ୟାସ ବଳରେ ଆମେ ଏହି ସମସ୍ୟାକୁ ଦୂର କରିପାରିବା । ପୋଷଣ ମାସ ପାଳନ ଅବସରରେ ଆମ ପକ୍ଷରୁ ବିଭିନ୍ନ କାର୍ୟ୍ୟକ୍ରମ ଜରିଆରେ ପୋଷଣ ଉପରେ ଆମ ଗୋଷ୍ଠୀଙ୍କୁ ସଚେତନ କରାଉଛୁ । ଆଶା କରୁ ଆମର ଏହି ଅଭିଯାନ ଦ୍ୱାରା ପରିବାର ଲୋକମାନଙ୍କ ଭିତରେ ଉପଯୁକ୍ତ ସଚେତନତା ସୃଷ୍ଟି ହୋଇ ପାରିବ ।
ଏହା ଉଲ୍ଲେଖନୀୟଯେ ବେଦାନ୍ତ ଲିମିଟେଡ ଦିଲ୍ଲୀ ହାଫ ମାରାଥନର ଟାଇଟଲ ପ୍ରାୟୋଜକ ଓ ଏହା କର୍ମଚାରୀ, ବ୍ୟବସାୟିକ ସହଯୋଗୀ, ପରିବାର ସମେତ ଦେଶର ବିଭିନ୍ନ ପ୍ରାନ୍ତରୁ ଆସିଥିବା ଲୋକଙ୍କୁ “ଶୂନ୍ୟ କ୍ଷୁଧା’ ପାଇଁ ଉତ୍ସାହିତ କରୁଛି । ଶିଶୁ କ୍ଷୁଧା ଓ ଭାରତରେ ପୁଷ୍ଟିହୀନତାକୁ ଦୂର କରିବା ଲାଗି କଂପାନି ପକ୍ଷରୁ ଏହି କାର୍ୟ୍ୟକ୍ରମରେ ମାରାଥନରେ ଚାଲିଥିବା ପ୍ରତି କିଲୋମିଟର ପାଇଁ ଉଭୟ ଗ୍ରାଉଣ୍ଡ ଓ ପ୍ରାୟତଃ ସାରା ଦେଶର ପିଲାମାନଙ୍କ ପାଇଁ ଭୋଜନ ପାଇଁ ପ୍ରତିଶ୍ରୁତି ଦେଇଛି ।
ଏହି ସଚେତନତାରେ ଅଂଶ ଗ୍ରହଣ କରିଥିବା ଜଣେ ମହିଳା କହିଛନ୍ତିଯେ କଂପାନି ଦ୍ୱାରା ଆୟୋଜିତ ଏହି କାର୍ୟ୍ୟକ୍ରମ ଆମର ମା ଓ ଶିଶୁ ମାନଙ୍କ ପାଇଁ ବହୁ ଉପକାର କରିବ । ମୁଁ ମଧ୍ୟ ମୋର ନବଜାତ ଶିଶୁର ଯତ୍ନ ଓ ତାର ସଠିକ ପୋଷଣ ପାଇଁ ଉପଯୁକ୍ତ ପରାମର୍ଶ ପାଇଥିବାରୁ ବହୁତ ଖୁସି ।
ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୨ ରେ ୨.୨୬ ନିୟୁତ ଟନ୍ ଆଲୁମିନିୟମ ଉତ୍ପାଦନ କରିଥିବା ସଂସ୍ଥା । ବେଦାନ୍ତ ଆଲୁମିନିୟମର ର୍ୟାପଙ୍କ ଡାଓ ଜୋନସ ସସଟାନବିଲିଟି ଇଣ୍ଡେକ୍ସ ୨୦୨୧ରେ ୪ର୍ଥ ର୍ୟା ଙ୍କ ଧାରୀ ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା ।
କଂପାନି ୧.୭୫ ଏମଟିପିଏର ଆଲୁମିନିୟମ ସ୍ମେଲଟର ଓ ୩୬୧୫ ମେଗାୱାଟ ଥର୍ମାଲ ପାୱାର ପ୍ଲାଂଟ କୁ ଝାରସୁଗୁଡ଼ାରେ ପରିଚାଳନା କରୁଛି । ୧ ମିଲିୟନ ଟନ ଉତ୍ପାଦନ ଓ ଏକ୍ସପୋର୍ଟ କ୍ଲବରେ ଏହା ହେଉଛି ଏମାତ୍ର ଭାରତୀୟ ସଂସ୍ଥା । ବେଦାନ୍ତର ଝାରସୁଗୁଡ଼ା ହେଉଛି ଏକ ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦକ । ବେଦାନ୍ତ ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦ ନିର୍ମାଣ କରିବାରେ ଅଗ୍ରଣୀ ଭୂମିକା ନିର୍ବାହ କରିବା ସହ ଔଦ୍ୟୋଗିକ କ୍ଷେତ୍ରରେ ସର୍ବବୃହତ ଜ୍ଞାନକୌଶଳକୁ ଆପଣାଇ ବିଶ୍ୱ ଶ୍ରେଣୀୟ ସ୍ମେଲ୍ଟର, ପାୱାର ପ୍ଲାଂଟ ଓ ଆଲୁମିନା ରିଫାଇନାରୀ କାର୍ୟ୍ୟ କରୁଛି । ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।