କନକ ବ୍ୟୁରୋ: ଘୋଷଣା ହେଲା ବିଜେପିର ପ୍ରାର୍ଥୀ ତାଲିକା । ପ୍ରଥମ ପର୍ଯ୍ୟାୟର ବିଜେପିର ୧୧୨ ପ୍ରାର୍ଥୀ ତାଲିକା ଘୋଷଣା ହୋଇଥିବାବେଳେ ଧାମନଗରରୁ ପ୍ରାର୍ଥୀ ହୋଇଛନ୍ତି ସୁରଜ ସୂର୍ଯ୍ୟବଂଶୀ । ଏଥର ପୁଣି ଥରେ ୧୨ ଜଣ ବିଧାୟକଙ୍କ ଉପରେ ଦଳ ଭରସା କରିଛି । ଏହାରି ଭିତରେ ଧାମନଗରରୁ ସୂର୍ଯ୍ୟବଂଶୀଙ୍କ ସହ କଡା ଟକ୍କର ଦେବା ପାଇଁ ବିଜେଡି ନୂଆ ମୁହଁ ଭାବେ ଡକ୍ଟର ସଂଜୟ କୁମାର ଦାସଙ୍କୁ ପ୍ରାର୍ଥୀ ଭାବେ ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
ଧାମ ନଗରରେ ପୂର୍ବତନ ବିଧାୟକ ବିଷ୍ଣୁ ସେଠୀଙ୍କ ଦେହାନ୍ତ ପରେ ତାଙ୍କ ପୁଅ ସୁରଜ ସୂର୍ଯ୍ୟବଂଶୀଙ୍କୁ ଧାମନଗର ଦାୟିତ୍ୱ ଦିଆଯାଇଥିଲା । ଉପନିର୍ବାଚନରେ ବିଜୟୀ ହେବା ପରେ ସୁରଜ ବିଧାୟକ ହୋଇଥିଲେ । ତେବେ ଏହି ନିର୍ବାଚନ ତାଙ୍କର ପ୍ରଥମ ବିଧାନସଭା ନିର୍ବାଚନ । ଦଳ ତାଙ୍କ ଉପରେ ପୁଣି ଭରସା କରିଛି । ତେବେ ଧାମନଗର ନିର୍ବାଚନ ମଣ୍ଡଳୀରେ ଏବେ ବିଜେପିର ଦବଦବା ରହିଥିବା ବେଳେ ବିଜେଡି ସେ ଗଡକୁ ଅକ୍ତିଆର କରିବାରେ ସଫଳ ହେଉଛି କି ନାହିଁ ତାହା ଦେଖିବା ବାକି ରହିଲା ।