ଭିଜିଲାନ୍ସ ରେଡ୍ ବେଳେ ମିଳିଲା ପୁଳାପୁଳା ଟଙ୍କା : ଗ୍ରାମ୍ୟ ଉନ୍ନୟନ ବିଭାଗ ନିର୍ବାହୀ ଯନ୍ତ୍ରୀଙ୍କ ଘରୁ ମିଳିଲା ୧ କୋଟି ନଗଦ ଟଙ୍କା
କନକ ବ୍ୟୁରୋ : ଭିଜିଲାନ୍ସ ରେଡ ବେଳେ ମିଳିଲା ପୁଳା ପୁଳା ଟଙ୍କା । ଗ୍ରାମ୍ୟ ଉନ୍ନୟନ ବିଭାଗ ନିର୍ବାହୀ ଯନ୍ତ୍ରୀଙ୍କ ଘରୁ ୪କୋଟିରୁ ଅଧିକ ନଗଦ ଟଙ୍କା ଜବତ କରାଯାଇଛି । ବିହାରର କିଶନଗଂଜ ଗ୍ରାମ୍ୟ ଉନ୍ନୟନ ବିଭାଗର ନିର୍ବାହୀ ଯନ୍ତ୍ରୀ ସଂଜୟ କୁମାର ରାୟଙ୍କ ଘରେ ଚଢାଉ ବେଳେ ୧କୋଟି ନଗଦ ଟଙ୍କା ଜବତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ତାଙ୍କ ପାଟନା ସ୍ଥିତ ଘରେ ମଧ୍ୟ ଚଢାଉ ବେଳେ ୩କୋଟିରୁ ଅଧିକ ଟଙ୍କା ଜବତ ହୋଇଛି । କିଷନଗଞ୍ଜ ସ୍ଥିତ ତାଙ୍କ ବାସଭବନରେ ଚଢାଉ କରି ନଗଦ ଟଙ୍କା ଓ ସୁନା ଗହଣା ଜବତ କରିଛି ଭିଜିଲାନ୍ସ । ଭିଜିଲାନ୍ସ ଡିଏସପି ସୁଜିତ ସାଗର ଏ ନେଇ ସୂଚନା ଦେଇ କହିଛନ୍ତି ଯେ, ତଦନ୍ତ ଚାଲିଥିବା ସହ ସଂଜୟ କୁମାର ରାୟଙ୍କ ନାଁରେ ଏଫଆଇଆର ରୁଜୁ କରାଯାଇଛି । ନଗଦ ୧କୋଟି ଟଙ୍କା, ସୁନା ଗହଣା ସହ ଗୁରୁତ୍ୱପୂର୍ଣ୍ଣ ଭିଜିଲାନ୍ସ କାଗଜପତ୍ର ଜବତ କରିଛି ।