କନକ ବ୍ୟୁରୋ: କୋଭିଡ୍-୧୯ ସଂକ୍ରମଣକୁ ରୋକିବାରେ ଭାରତ ଆଉ ପାଦେ ଆଗକୁ ଯାଇଛି । ଦେଶରେ ପ୍ରଥମ ନାଜାଲ କୋଭିଡ୍ ଟିକାର ଟ୍ରାଏଲ ଶେଷ ହୋଇଛି । ଭାରତ ବାୟୋଟେକ କମ୍ପାନୀ ଏହି ଟିକା ପ୍ରସ୍ତୁତ କରିଥିବା ବେଳେ ଏହାର ଟ୍ରାଏଲ ଶେଷ ହୋଇଛି । ୪ ହଜାର ଜଣଙ୍କ ଉପରେ ଏହାକୁ ପରୀକ୍ଷା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
Bharat Biotech completes clinical development for phase III trials and booster doses for BBV154 intranasal covid vaccine.#BharatBiotech #covid19vaccine #bbv154 #intranasalvaccine #covid19 pic.twitter.com/oh76drnezz
— BharatBiotech (@BharatBiotech) August 15, 2022
ଭାରତ ବାୟୋଟେକ ନିଜର ପ୍ରଥମ ନାଜାଲ କୋଭିଡ-୧୯ ଟିକା ପାଇଁ ଚଳିତ ମାସରେ ଡିସିଜିଆଇ ପାଖରୁ ଲାଇସେନ୍ସ ହାସଲ ପାଇଁ ଆଶା ରଖିଛି । ଭାରତ ବାୟୋଟେକର ଅଧ୍ୟକ୍ଷ ଡା କୃଷ୍ଣା ଏଲା କହିଛନ୍ତି କମ୍ପାନୀ ଭ୍ୟାକସିନ ପାଇଁ ଲାଇସେନ୍ସ ଆବେଦନ କରିବ । ଯଦି ସବୁକିଛି ଠିକ୍ ରହେ ତେବେ ଅଗଷ୍ଟ ଶେଷ ବେଳକୁ କରୋନା ଭୂତାଣୁ ବୁରୋଧରେ ଲୋକଙ୍କ ପାଇଁ ନାଜାଲ ଭ୍ୟାକସିନ ପ୍ରସ୍ତୁତ ହୋଇଯିବ । ତେବେ ଯଦି କରୋନାର ନୂଆ ଭାରିଆଣ୍ଟ ଆସେ ତେବେ ତା ସହ ଲଢେଇରେ ଏହା ସହାୟତା କରିବ ।
ଡା. ଏଲା କହିଛନ୍ତି, ଫାର୍ମରେ ପାଖାପାଖି ୪ ହଜାର ସ୍ୱେଚ୍ଛାସେବୀଙ୍କ ଉପରେ ନାଜାଲ ଭ୍ୟାକସିନର ଟ୍ରାଏଲ ଶେଷ ହୋଇଛି । ବର୍ତ୍ତମାନ ସୁଦ୍ଧା କୌଣସି ପାଶ୍ୱର୍ପ୍ରତିକ୍ରିୟା ସାମ୍ନାକୁ ଆସିନାହିଁ । ଜାନୁଆରୀରେ ଡିସିଜିଆଇ ବୁଷ୍ଟର ଡୋଜ ଭାବେ ଭାରତ ବାୟୋଟେକର ନାଜାଲ କୋଭିଡ୍ ଟିକା ଇଣ୍ଟ୍ରାନାଜାଲର କ୍ଲିନିକାଲ ଟ୍ରାଏଲ ପାଇଁ ମଞ୍ଜୁରୀ ପ୍ରଦାନ କରିଥିଲେ । ଡିସିଜିଆ କୋଭାକ୍ସିନ ସହ ଅର୍ନ୍ତଜାତୀୟ କୋଭିଡ୍ ଟିକାର ତୁଳଣା କରିବା ପାଇଁ ତୃତୀୟ ପର୍ଯ୍ୟାୟ ଟ୍ରାଏଲ ପାଇଁ ଅନୁମତି ପ୍ରଦାନ କରିଥିଲା । ଏହି ପରୀକ୍ଷା ୯ଟି ସ୍ଥାନରେ ଶେଷ ହୋଇଛି ।
ଡା. ଏଲାଙ୍କ ସୂଚନା ଅନୁସାରେ କରୋନା ଟିକାକୁ ଇଞ୍ଜେକସନ ଭାବେ ଦେବା ଫଳରେ ଶରୀରର କିଛି ଅଂଶଙ୍କୁ ସୁରକ୍ଷା ଦିଆଯାଇପାରୁଛି । ତେଣୁ ଭ୍ୟାକସିନ ନେବା ପରେ ମଧ୍ୟ ଅନେକ ଜଣ କରୋନା ସଂକ୍ରମିତ ହେଉଛନ୍ତି । ତେବେ ନାଜାଲ ଭ୍ୟାକସିନ ନେବା ପରେ ଏହା ସାରା ଶରୀରକୁ ସୁରକ୍ଷା ପ୍ରଦାନ କରିଥାଏ । ଯାହା ଫଳରେ କରୋନା ଭୂତାଣୁଠାରୁ ଶରୀରକୁ ଦୂରେଇ ରଖାଯାଇପାରିବ ।