ବଡ ପଦ ସମ୍ଭାଳିବାକୁ ପ୍ରସ୍ତୁତ ହେଉଛନ୍ତି ଅଶୋକ ଗେହଲଟ । କହିଲେ, ପଦ ବଡ ନୁହେଁ କିନ୍ତୁ ଦଳ ଯାହା ଦାୟିତ୍ୱ ଦେବ ଗ୍ରହଣ କରିବି
କନକ ବ୍ୟୁରୋ : ଦେଶର ସର୍ବପୁରାତନ ରାଜନୈତିକ ଦଳର କିଏ ହେବ ଅଧ୍ୟକ୍ଷ ? ଦଳର ହାଇକମାଣ୍ଡ କାହା ମୁଣ୍ଡରେ ଢାଳିବେ ସୁନା କଳଶ ? ଏହାକୁ ନେଇ ଏବେ ଦେଶର ରାଜନୀତି ବେଶ୍ ସରଗରମ ରହିଛି । ଏହି କ୍ରମରେ ପୂର୍ବରୁ ରାହୁଲ ଗାନ୍ଧୀଙ୍କ ନାମ ସର୍ବାଗ୍ରେ ଥିବା ବେଳେ ଏବେ କିନ୍ତୁ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଓ ଦଳର ବରିଷ୍ଠ ନେତା ଶଶି ଥରୁରଙ୍କ ନାମ ଆଗକୁ ଆସିଛି । ଏନେଇ ପ୍ରଥମେ ଶଶି ଥରରୁ ସୋନିଆ ଗାନ୍ଧୀଙ୍କୁ ଭେଟିଥିବା ବେଳେ ଆଜି ଅଶୋକ ଗେହଲଟ ସୋନିଆ ଗାନ୍ଧୀଙ୍କୁ ଭେଟିବାକୁ ଦିଲ୍ଲୀ ପହଂଚିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗେହଲଟ ଦିଲ୍ଲୀ ପହଂଚିବା ପରେ ଗଣମାଧ୍ୟମକୁ ଯେଉଁ ପ୍ରତିକ୍ରିୟା ଦେଇଛନ୍ତି ଏଥିରୁ ଧିରେ ଧିରେ ସ୍ପଷ୍ଟ ହେବାରେ ଲାଗିଛି ଯେ ଅଶୋକ ଗେହଲଟ ହିଁ କଂଗ୍ରେସର ପରବର୍ତ୍ତୀ ଅଧ୍ୟକ୍ଷ ହୋଇପାରନ୍ତି । ଜଣେ ବ୍ୟକ୍ତି ଗୋଟିଏ ପଦ ନିୟମ ଉପରେ ଅଶୋକ ଗେହଲଟ କହିଛନ୍ତି କି ଯେତେବେଳେ ଦଳର ହାଇକମାଣ୍ଡ ନୋମିନେଟ କରୁଛନ୍ତି ତ ସେତେବେଳେ ଜଣେ ବ୍ୟକ୍ତି ୨ ଟି ପଦରେ ରହିପାରିବେ । ଏହା ଏକ ଖୁଲା ନିର୍ବାଚନ, ଏଥିରେ କେହି ବି ଭାଗ ନେଇପାରିବେ ।
ସେପଟେ ଏକ ଟ୍ୱିଟ୍ କରି ଅଶୋକ ଗେହଲଟ କହିଛନ୍ତି କି, ଆଜି ପର୍ଯ୍ୟନ୍ତ ପାର୍ଟି ମୋତେ ସବୁକିଛି ଦେଇଛି । ଗତ ୪୦-୫୦ ବର୍ଷ ମଧ୍ୟରେ ମୁଁ ଦଳର ଅନେକ ପଦ ପଦବୀରେ ରହିଆସିଛି । ମୋ ପାଇଁ ପଦ ପଦବି କିଛି ଗୁରୁତ୍ୱ ରଖେନାହିଁ । ହେଲେ ଦଳ ଏବେ ମୋତେ ଯେଉଁ ପଦ ଦେବ ତାହାକୁ ସୂଚାରୁରୂପେ ପାଳନ କରିବି ବୋଲି ସେ ଟ୍ୱିଟରରେ ଲେଖିଛନ୍ତି ।