ପ୍ରଧାନମନ୍ତ୍ରୀଙ୍କ ଶିକ୍ଷାଗତ ଯୋଗ୍ୟତା ପ୍ରମାଣ ପତ୍ର ମାମଲା, ଗୁଜରାଟ ହାଇକୋର୍ଟର ରାୟ ପରେ ପୁଣି ପ୍ରଶ୍ନ ଉଠାଇଲେ କେଜ୍ରିୱାଲ
କନକ ବ୍ୟୁରୋ : ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିୱାଲ କିଛିଦିନ ହେବ ପ୍ରଧାନମନ୍ତ୍ରୀଙ୍କ ଶିକ୍ଷାଗତ ଯୋଗ୍ୟତା ପ୍ରମାଣ ପତ୍ର ନେଇ ମୋଦୀଙ୍କ ଉପରେ ଜୋରଦାର ଆକ୍ରମଣ କରିବାରେ ଲାଗିଛନ୍ତି । ଶନିବାର ଦିନ ଏକ ସାମ୍ବାଦିକ ସମ୍ମିଳନୀ କରି ପୁଣିଥିରେ ପ୍ରଧାନମନ୍ତ୍ରୀଙ୍କୁ ଟାର୍ଗେଟ୍ କରିଛନ୍ତି । ସେ କହିଛନ୍ତି କି, ଦେଶର ପ୍ରଧାନମନ୍ତ୍ରୀ ଶିିକ୍ଷିତ ହେବା ଜରୁରୀ । ଏହାସହ ପ୍ରଧାମନ୍ତ୍ରୀ ନରେନ୍ଦ୍ର ମୋଦୀଙ୍କ ବୟାନ ତାଙ୍କୁ ବିଚଳିତ କରିଥିବା କଥା ସେ କହିଛନ୍ତି । କେଜ୍ରିୱାଲ କହିଛନ୍ତି କି ଶିକ୍ଷିତ ଲୋକ କେବେ ବି ନାଳରୁ ଗ୍ୟାସ ବାହାର କରିବା କଥା କହିବେ ନାହିଁ । ଏହାସହ ବାଦଲ ପଛରେ ରାଡାର କେବେ ବି ଆକ୍ରମଣ କରିବା କଥା ଜଣେ ଶିକ୍ଷିତ ଲୋକ କହିବ ନାହିଁ । ଏଣୁ ପ୍ରଧାନମନ୍ତ୍ରୀଙ୍କୁ ବିଜ୍ଞାନ ବାବଦରେ କିଛି ଜଣାନାହିଁ ବୋଲି କେଜ୍ରିୱାଲ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗୁଜରାଟ ହାଇକୋର୍ଟର ରାୟ ଉପରେ କେଜ୍ରିୱାଲ କହିଛନ୍ତି କି, ଏହି ରାୟରେ ଗୁଜରାଟ ହାଇକୋର୍ଟ କହିଛନ୍ତି କି ପ୍ରଧାନମନ୍ତ୍ରୀଙ୍କ ଶିକ୍ଷାଗତ ଯୋଗ୍ୟତା ଜାଣିବା ଲୋକମାନଙ୍କ ପାଇଁ ଜରୁରୀ ନୁହେଁ । କୋର୍ଟଙ୍କ ଏଭଳି ବୟାନ ଲୋକଙ୍କୁ ସ୍ତବ୍ଧ କରିଛି ବୋଲି ସେ କହିଛନ୍ତି । ତେଣୁ ଶିକ୍ଷିତ ଓ ଅଶିକ୍ଷିତଙ୍କ ମଧ୍ୟରେ କିଛି ପାର୍ଥକ୍ୟ ନାହିଁ ବୋଲି କୋର୍ଟ ପ୍ରମାଣିତ କରିଥିବା କଥା କେଜ୍ରିୱାଲ କହିଛନ୍ତି । କାନାଡାରେ ଏ ପ୍ଲସ ବି କୁ ନେଇ ପ୍ରଧାନମନ୍ତ୍ରୀଙ୍କ ବୟାନ ଓ ପରିବେଶ ପରିବର୍ତ୍ତନ କିଛି ନୁହେଁ ଭଳି ବୟାନ ଦେବା ପରେ ପ୍ରଧାନମନ୍ତ୍ରୀଙ୍କ ଶିକ୍ଷାଗତ ଯୋଗ୍ୟତା ନେଇ ପ୍ରଶ୍ନ ଉଠୁଥିବା କଥା କେଜ୍ରିୱାଲ କହିଛନ୍ତି ।