ରାଜନୀତିରେ ରାଜ୍ୟସ୍ତରୀୟ ବନ ମହୋତ୍ସବ । ସରକାରୀ କାର୍ଯ୍ୟକ୍ରମକୁ ଡକାନଯିବାରୁ ବର୍ଷିଲେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ।
କନକ ବ୍ୟୁରୋ: କାର୍ଯ୍ୟକ୍ରମରେ ନିମନ୍ତ୍ରଣ ନ କରାଯିବାରୁ ରାଗିଲେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ । ରାଜ୍ୟସ୍ତରୀୟ ବନ ମହୋତ୍ସବକକୁ ନିମନ୍ତ୍ରଣ କରାନଯିବାକୁ ନେଇ ମୁହାଁମୁହିଁ ହୋଇଛନ୍ତି ସାଂସଦ ଅପରାଜିତା ଓ ମନ୍ତ୍ରୀ ଅଶୋକ ପଣ୍ଡା । ଅପରାଜିତା କହିଛନ୍ତି, ସ୍ଥାନୀୟ ସାଂସଦ ଓ କର୍ପୋରେଟରଙ୍କୁ ନିମନ୍ତ୍ରଣ ନକରିବା ଦୁର୍ଭାଗ୍ୟଜନକ ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱରରେ ଆୟୋଜିତ ରାଜ୍ୟସ୍ତରୀୟ ବନ ମହୋତ୍ସବ ମଞ୍ଚ ଉପରେ ଥିଲେ ଜଙ୍ଗଲ ପରିବେଶ ମନ୍ତ୍ରୀ ପ୍ରଦୀପ ଅମାତ, ବିଜ୍ଞାନ ପ୍ରଯୁକ୍ତି ମନ୍ତ୍ରୀ ଅଶୋକ ପଣ୍ଡା, ଭୁବନେଶ୍ୱରର ଅନ୍ୟ ଦୁଇ ବିଧାୟକ । ଭୁବନେଶ୍ୱର ମହାନଗର ନିଗମର ମେୟର ସୁଲୋଚନା ଦାସ ମଧ୍ୟ ଉପସ୍ଥିତ ଅଛନ୍ତି । ହେଲେ, ଏହି ଉତ୍ସବରେ ନଥିଲେ ସ୍ଥାନୀୟ ସାଂସଦ ଅପରାଜିତା ଷଡଙ୍ଗୀ ଓ ସ୍ଥାନୀୟ କର୍ପୋରେଟର । ଯାହାକୁ ନେଇ ଉତ୍ସବ ଆୟୋଜନ ସ୍ଥଳରେ ବିକ୍ଷୋଭ ଓ ପ୍ରତିବାଦ ଦେଖିବାକୁ ମିଳିଛି ।
- ନିମନ୍ତ୍ରଣକୁ ନେଇ ମୁହାଁମୁହିଁ
- ଅପରାଜିତା ବନାମ ବିଜେଡି
ରାଜ୍ୟସ୍ତରୀୟ ବନ ମହୋତ୍ସବକୁ ନିମନ୍ତ୍ରଣ କରାନଯିବାକୁ ନେଇ ମୁହାଁମୁହିଁ ହୋଇଛନ୍ତି ସାଂସଦ ଅପରାଜିତା ଓ ମନ୍ତ୍ରୀ ଅଶୋକ ପଣ୍ଡା । ଅପରାଜିତା କହିଛନ୍ତି, ସ୍ଥାନୀୟ ସାଂସଦ ଓ କର୍ପୋରେଟରଙ୍କୁ ନିମନ୍ତ୍ରଣ ନକରିବା ଦୁର୍ଭାଗ୍ୟଜନକ । ରାଜ୍ୟ ସରକାର ଡରୁଛନ୍ତି ଓ ସଂକୀର୍ଣ୍ଣ ମାନସିକତାର ପରିଚୟ ଦେଉଛନ୍ତି । ଅପରାଜିତାଙ୍କ ଆକ୍ଷେପ ଉପରେ ଜବାବ ରଖିଛନ୍ତି ମନ୍ତ୍ରୀ ଅଶୋକ ପଣ୍ଡା । କହିଛନ୍ତି, କଳିଙ୍ଗ ନଗର କେନ୍ଦ୍ରୀୟ ବିଦ୍ୟାଳୟ ସମୟରେ ମଧ୍ୟ ତାଙ୍କୁ ଡକାଯାଇନଥିଲା କି ନିମନ୍ତ୍ରଣ କାର୍ଡ ଦିଆଯାଇନଥିଲା । କେନ୍ଦ୍ରୀୟ ବିଦ୍ୟାଳୟ ପାଇଁ ମୁଖ୍ୟମନ୍ତ୍ରୀ କୋଟିଏ ପଚିଶ ଲକ୍ଷ ଟଙ୍କା ଦେବା ସହ ଜାଗା ଦେଇଥିଲେ । ସେତେବେଳେ ତାଙ୍କୁ କିମ୍ବା ସ୍ଥାନୀୟ କର୍ପୋରେଟରଙ୍କୁ ଡକାଯାଇନଥିଲା ।
ବନ ମହୋତ୍ସବକୁ ତାଙ୍କୁ ନିମନ୍ତ୍ରଣ କରାଯାଇନଥିବାରୁ ବୁଧବାର ବିଳମ୍ବିତ ରାତିରେ ଟୁଇଟ୍ କରି ଅପରାଜିତା କ୍ଷୋଭ ପ୍ରକାଶ କରିଥିଲେ । ନିମନ୍ତ୍ରଣ କରାଯାଇନଥିଲେ ବି କାର୍ଯ୍ୟକ୍ରମକୁ ଯିବେ ବୋଲି କହିଥିଲେ କିନ୍ତୁ କାର୍ଯ୍ୟକ୍ରମକୁ ଯାଇନଥିଲେ ଅପରାଜିତା । ଅନ୍ୟପଟେ ବିଜେଡିର ଭୁବନେଶ୍ୱରର ତିନି ବିଧାୟକ ନିଜ ଶକ୍ତିି ପ୍ରଦର୍ଶନ କରିଥିଲେ । ନିଜ ସମର୍ଥକମାନଙ୍କ ସହିତ ବିରାଟ ପଟୁଆରରେ କାର୍ଯ୍ୟକ୍ରମକୁ ଆସିଥିଲେ ।
ପୂର୍ବରୁ ରାଜଧାନୀ ପ୍ରତିଷ୍ଠା ଦିବସ କାଯ୍ୟକ୍ରମରେ ମଧ୍ୟ ଅପରାଜିତାଙ୍କୁ ଡକାଯାଇନଥିଲା । ଯାହାକୁ ନେଇ ଅସନ୍ତୋଷ ପ୍ରକାଶ କରିବା ସହ ସେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଥିଲେ । ଏବେ ତାହାର ପୁନରାବୃତି କାହିିଁକି ହେଲା ବୋଲି ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ କରି ଚିଠି ଲେଖିବେ ବୋଲି କହିଛନ୍ତି ଅପରାଜିତା ।