ରୋଡ ଶୋ ସମୟରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ କାରକେଡ ଉପରେ ପଥରମାଡ଼ । ଜଗନମୋହନ ରେଡ୍ଡିଙ୍କ ମୁଣ୍ଡ ଓ ଆଖିରେ ଗଭୀର ଆଘାତ ।
କନକ ବ୍ୟୁରୋ: ରୋଡ ଶୋ’ ସମୟରେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ଉପରେ ପଥରମାଡ଼ । ଏହି ପଥରମାଡ଼ରେ ମୁଖ୍ୟମନ୍ତ୍ରୀ ୱାଇଏସ ଜଗନମୋହନ ରେଡ୍ଡିଙ୍କ ମୁଣ୍ଡ ଓ ଆଖିରେ ଆଘାତ ଲାଗିଛି । ମୁଖ୍ୟମନ୍ତ୍ରୀଙ୍କ କାରକେଡରେ ଥିବା ଗାଡି ଗୁଡ଼ିକ ଉପରେ ମଧ୍ୟ ଆକ୍ରମଣ କରାଯାଇଛି । ମୁଖ୍ୟମନ୍ତ୍ରୀ ‘ମେମନ୍ତ ସିଦ୍ଧମ’ ବସ ଯାତ୍ରାରେ ବିଜୟୱାଡା ଦେଇ ଯାଉଥିବା ବେଳେ ବାଟରେ ଦଳୀୟ କର୍ମୀ ମାନଙ୍କ ପକ୍ଷରୁ ତାଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ଏହି ସମୟରେ ମୁଖ୍ୟମନ୍ତ୍ରୀଙ୍କ ଉପରକୁ କେହି ପଥରମାଡ଼ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସିଂହନଗର ବିବେକାନନ୍ଦ ସ୍କୁଲ ନିକଟରେ କେହି ଜଣେ ଅଜଣାବ୍ୟକ୍ତି ଏହି ପଥର ମାଡ଼ କରିଥିବା ବେଳେ ମୁଖ୍ୟମନ୍ତ୍ରୀଙ୍କ ବାମ ଆଖି ଏବଂ ମୁଣ୍ଡରେ ଆଘାତ ଲାଗିଛି । ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡିଙ୍କ ସହଯୋଗୀ ତଥା ବିଧାୟକ ଭେଲାପଲ୍ଲୀ ମଧ୍ୟ ଏହି ଆକ୍ରମଣରେ ଆହତ ହୋଇଛନ୍ତି । ପରେ ଦୁଇ ଜଣଙ୍କୁ ବସ ଭିତରେ ପ୍ରାଥମିକା ଚିକିତ୍ସା କରାଯାଇଛି । ତେବେ ଅଜ୍ଞାତ ବ୍ୟକ୍ତି ଜଣ କାହିଁକି ପଥରମାଡ଼ କରିଛି ତାର କାରଣ ଅସ୍ପଷ୍ଟ ରହିଥିବା ବେଳେ ଏହି ଆକ୍ରମଣରେ ବିରୋଧୀ ଦଳଙ୍କ ହାତ ଥିବା ଅଭିଯୋଗ କରିଛି ୱାଇଏସଆର କଂଗ୍ରେସ । ସେପଟେ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ଉପରେ ଆକ୍ରମଣ ପରେ ଟ୍ୱିଟ୍ କରି ଆଶୁ ଆରୋଗ୍ୟ କାମନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ।