ପଂଜାବ କଂଗ୍ରେସର ମୁଖ୍ୟମନ୍ତ୍ରୀ ପ୍ରାର୍ଥୀ ନେଇ ତେଜୁଛି ରାଜନୀତି : ହାଇକମାଣ୍ଡ ସୋନିଆଙ୍କୁ ଟାର୍ଗେଟ କଲେ ରାଜ୍ୟ କଂଗ୍ରେସ ଅଧ୍ୟକ୍ଷ ନବଜୋତ ସିଂହ ସିଦ୍ଧୁ
କହିଲେ ଉପରେ ଥିବା ନେତାମାନେ ରାଜ୍ୟରେ ଚାହୁଛନ୍ତି ଦୁର୍ବଳ ମୁଖ୍ୟମନ୍ତ୍ରୀ; ରବିବାର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିବେ ରାହୁଲ
ପଂଜାବରେ କଂଗ୍ରେସର କିଏ ହେବ ମୁଖ୍ୟମନ୍ତ୍ରୀ ଚେହେରା, ଏହାକୁ ନେଇ ଜାରି ରହିଛି ସସପେନ୍ସ । ଆସନ୍ତାକାଲି କଂଗ୍ରେସର ମୁଖ୍ୟମନ୍ତ୍ରୀ ଚେହେରା କିଏ ହେବ ସେନେଇ ଘୋଷଣା କରିବେ ରାହୁଲ ଗାନ୍ଧୀ । ଏହାପୂର୍ବରୁ କଂଗ୍ରେସ ସୁପ୍ରିମୋ ସୋନିଆ ଗାନ୍ଧୀଙ୍କୁ ଟାର୍ଗେଟ କରିଛନ୍ତି ସିଦ୍ଧୁ । ସିଦ୍ଧୁ କହିଛନ୍ତି, ଉପରେ ଥିବା ବଡ ନେତାମାନେ ପଂଜାବରେ ଜଣେ ଦୁର୍ବଳ ମୁଖ୍ୟମନ୍ତ୍ରୀ ଚାହାଁନ୍ତି । କେବଳ ସେତିକି ନୁହେଁ ମୁଖ୍ୟମନ୍ତ୍ରୀ ଚରଣଜୀତ ସିଂହ ଚନ୍ନିଙ୍କୁ ମଧ୍ୟ ଟାର୍ଗେଟ କରିଛନ୍ତି ସିଦ୍ଧୁ । ସେ କହିଛନ୍ତି, ମୁଖ୍ୟମନ୍ତ୍ରୀ ପାଇଁ ଦଳ ସେମିତି ପ୍ରାର୍ଥୀକୁ ବାଛିବା ଉଚିତ୍ ଯିଏ, ସ୍ୱଭାବରେ ସଚ୍ଚୋଟ ଥିବ । ଆଉ ଯାହାର ସ୍ୱଚ୍ଛ ରେକର୍ଡ ଥିବ ।
Kanak News is now on WhatsApp
Join and get latest news updates delivered to you via WhatsApp
ନିଜ ବିଷୟରେ ସିଦ୍ଧୁ କହିଛନ୍ତି ସେ ଜଣେ ସଚ୍ଚୋଟ ନେତା ଆଉ ସେ କାହାକୁ ବି ଭୟ କରନ୍ତି ନାହିଁ । ପଂଜାବ ବାସୀଙ୍କ ହକ୍ ପାଇଁ ଲଢିଆସୁଛନ୍ତି ଆଉ ଆଗକୁ ଲଢୁଥିବେ । ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା ହେବା ପୂର୍ବରୁ ବିବାଦୀୟ ବୟାନ ଦେଇ ଚର୍ଚ୍ଚା ସାଉଁଟିଛନ୍ତି ପଂଜାବ କଂଗ୍ରେସ ଅଧ୍ୟକ୍ଷ ନବଜୋତ ସିଂହ ସିଦ୍ଧୁ । ସେ ଆହୁରି ମଧ୍ୟ କହିଛନ୍ତି, ପଂଜାବରେ କଂଗ୍ରେସର ମୁଖ୍ୟମନ୍ତ୍ରୀ ପ୍ରାର୍ଥୀ ସିଏ ହେବା ଉଚିତ୍ ଯାହା ପାଖରେ ୬୦ଜଣ ବିଧାୟକଙ୍କ ସମର୍ଥନ ରହିଥିବ । ତେବେ କଂଗ୍ରେସ ହାଇକମାଣ୍ଡ ପଂଜାବ ପାଇଁ କାହାକୁ ମୁଖ୍ୟମନ୍ତ୍ରୀ ଚେହେରା ବାଛିବେ, ତାହା ରବିବାର ହିଁ ସ୍ପଷ୍ଟ ହେବ ।