ଜି- ୨୦ ସମ୍ମିଳନୀ ଉଦ୍ଦେଶ୍ୟରେ ଆକାଶବାଣୀର ସ୍ୱତନ୍ତ୍ର କାର୍ଯ୍ୟକ୍ରମ । କୋଲକାତା ଆକାଶବାଣୀ ପକ୍ଷରୁ ଅନୁଷ୍ଠିତ ଡ୍ରାମା ଫେଷ୍ଟ୍ ।
କନକ ବ୍ୟୁରୋ: ଭାରତର ଅଧ୍ୟକ୍ଷତାରେ ଜି-୨୦ ସମ୍ମିଳୀନର ଆୟୋଜନକୁ ଦୃ୍ଷ୍ଟିରେ ରଖି ସାରାଦେଶରେ ବିଭିନ୍ନ କାର୍ଯ୍ୟକ୍ରମ ସବୁ ଆୟୋଜିତ ହେଉଛି । ଏହି କ୍ରମରେ ଆକାଶବାଣୀ କେନ୍ଦ୍ରଗୁଡ଼ିକ ପକ୍ଷରୁ ଶିକ୍ଷା ଓ ମନେରଂଜନ କାର୍ଯ୍ୟକ୍ରମର ଆୟୋଜନ ହେଉଛି । ଗତକାଲି ଆକାଶବାଣୀ କୋଲକତା ପକ୍ଷରୁ ଏକ ଡ୍ରାମା ଫେଷ୍ଟ ଓ କର୍ମଶାଳାର ଆୟୋଜିତ ହୋଇଛି । କୋଲକତାର ଜିଡି ବିର୍ଲ୍ଲା ସଭାଘରରେ ଜି- ଟ୍ୱେଣ୍ଟିି ନାଟ୍ୟ ନିର୍ଝର ୨୦୨୩ ଅନୁଷ୍ଠିତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ମମତା ଶଙ୍କର, ପରଣ ବନ୍ଦୋପାଧ୍ୟାୟ, ଜଗନ୍ନାଥ ବାସୁ, ଉର୍ମିଲା ବାସୁଙ୍କ ଭଳି ଖ୍ୟାତାନାମା କଳାକାରମାନେ ପ୍ରଦର୍ଶନ କରିଥିଲେ । ସେହିପରି କୋଲକତା ବିଶ୍ୱବିଦ୍ୟାଳୟ, ଜବଲପୁର ବିଶ୍ୱବିଦ୍ୟାଳୟ, ରବୀନ୍ଦ୍ର ଭାରତୀ ବିଶ୍ୱବିଦ୍ୟାଳୟ, ଜାଭିୟର ବିଶ୍ୱବିଦ୍ୟାଳୟ ସମେତ କଲେଜ ସ୍ତରରେ ହୋଇଥିବା କୁଇଜ୍ ପ୍ରତିଯୋଗିତାର ସଫଳ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଛି । ଜି-୨୦ ସମ୍ମିଳନି ଅବସରରେ ଶିକ୍ଷା ଓ ମନୋରଂଜନର ପ୍ରଚାର ପ୍ରସାର ପାଇଁ ଏଭଳି କାର୍ଯ୍ୟକ୍ରମର ଆୟୋଜନ କରାଯାଉଛି ।