ପୁଟିନ୍ ସମାଲୋଚକଙ୍କ ଉପରେ ନିର୍ମାଣ ଫିଲ୍ମକୁ ମିଳିଲା ଓସ୍କାର: ଫିଲ୍ମ ‘ନଭାଲନି’କୁ ଶ୍ରେଷ୍ଠ ଡକ୍ୟୁମେଣ୍ଟାରୀ ଫିଚର କାଟାଗୋରିରେ ପୁରସ୍କାର
କନକ ବ୍ୟୁରୋ: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ତୀବ୍ର ବିରୋଧୀ ନଭାଲ୍ନିଙ୍କ ଉପରେ ନିର୍ମାଣ ଫିଲ୍ମକୁ ମିଳିଲା ଓସ୍କାର ଆୱାର୍ଡ । ରୁଷ ରାଷ୍ଟ୍ରପତିଙ୍କ ସମାଲୋଚକ ୪୬ବର୍ଷୀୟ ଆଲେକ୍ସି ନଭାଲ୍ନିଙ୍କ ଉପରେ ନିର୍ମାଣ ଫିଲ୍ମ ‘ନଭାଲ୍ନି’କୁ ଶ୍ରେଷ୍ଠ ଡକ୍ୟୁମେଂଟାରୀ ଫିଚର କ୍ୟାଟେଗୋରୀରେ ଓସ୍କାର ହାସଲ କରିଛି । ଏହାର ନିର୍ଦ୍ଦେଶକ ଡାନିଏଲ ରୋହର ଓ ନଭଲ୍ନିଙ୍କ ସ୍ତ୍ରୀ ୟୁଲିଆ ନଭଲନୟା ଓସ୍କାର ଆୱାର୍ଡ ଗ୍ରହଣ କରିଛନ୍ତି । ଏହି ସମୟରେ ୟୁଲିଆ ଭାବୁକ ହୋଇ କହିଥିଲେ, ନଭଲ୍ନି ସତ ଏବଂ ଗଣତନ୍ତ୍ରକୁ ବଂଚାଇବାକୁ ଉଦ୍ୟମ କରିଥିଲେ । ଏଥିପାଇଁ ତାଙ୍କୁ ଜେଲରେ ଭର୍ତି କରାଯାଇଛି । କେବେ ତାଙ୍କ ଦେଶ ସ୍ୱାଧୀନ ହେବ ସେହି ଦିନକୁ ସେ ଅପେକ୍ଷା କରିଛନ୍ତି ବୋଲି ୟୁଲିଆ କହିଛନ୍ତି । ଆଲେକ୍ସି ନଭଲ୍ନି ହେଉଛନ୍ତି ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ତୀବ୍ର ସମାଲୋଚକ । ଏପରିକି ଏଥିପାଇଁ ତାଙ୍କୁ ହତ୍ୟା କରିବାକୁ ବି ରୁଷିଆ ସରକାର ଉଦ୍ୟମ କରିଥିଲେ ବୋଲି କୁହାଯାଏ । ଏବେ ଦୁଇ ବର୍ଷରୁ ଅଧିକ ସମୟ ଧରି ଜେଲରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁଟିନ ବିରୋଧୀଙ୍କୁ ଓସ୍କାର
– ପୁଟିନଙ୍କ ସମାଲୋଚକ ଆଲେକ୍ସି ନଭଲ୍ନିଙ୍କ ଉପରେ ନିର୍ମାଣ ହୋଇଛି ଫିଲ୍ମ
– ଫିଲ୍ମ ‘ନଭଲ୍ନି’କୁ ମିଳିଛି ଓସ୍କାର
– ଶ୍ରେଷ୍ଠ ଡକ୍ୟୁମେଂଟାରୀ ଫିଚର କ୍ୟାଟେଗୋରୀରେ ଓସ୍କାର
– ନିର୍ଦ୍ଦେଶକ ଡାନିଏଲ ରୋହର ଓ ନଭଲ୍ନିଙ୍କ ସ୍ତ୍ରୀ ୟୁଲିଆ ନଭଲନୟା ପୁରସ୍କାର ଗ୍ରହଣ କଲେ
– ଆମେରିକୀୟ କମ୍ପାନୀ ସିଏନ୍ଏନ୍ ଓ ଏଚ୍ବିଓ ମିଳିତ ଭାବେ ଏହି ଡକ୍ୟୁମେଂଟାରୀ ପ୍ରସ୍ତୁତ କରିଛନ୍ତି
– ସାଇବେରିଆରେ ନଭଲ୍ନିଙ୍କ ବିଷ ଦିଆଯିବା ସହ ରୁଷରେ ତାଙ୍କ ଗିରଫ କରାଯିବାର କାହାଣୀ
– ନଭଲ୍ନି ରୁଷରେ ଗଣତନ୍ତ୍ର ଆଣିବା ଓ ପୁଟିନ ବିରୋଧରେ ସ୍ୱର ଉତ୍ତୋଳନର କାହାଣୀ
– ତାଙ୍କ ଉପରେ କରାଯାଇଥିବା ଅତ୍ୟାଚାର ଓ ସଂଘର୍ଷକୁ ନେଇ ପ୍ରସ୍ତୁତ ହୋଇଛି ଫିଲ୍ମ
– ୨୦୨୦ ଅଗଷ୍ଟରେ ସାଇବେରିଆରେ ନଭଲ୍ନିଙ୍କୁ ମାରିବାକୁ ଷଡଯନ୍ତ୍ର
– ସାଇବେରିଆରେ ନଭଲ୍ନିଙ୍କ ଖାଦ୍ୟରେ ବିଷ ଦିଆଯାଇଥିଲା
– ରୁଷିଆ ସରକାର ଏପରି କରିଥିବା କୁହାଯାଏ
– ନଭଲ୍ନିଙ୍କୁ ଜର୍ମାନୀ ହସ୍ପିଟାଲରେ ଭର୍ତ୍ତି କରାଯାଇଥିଲା
– ୨୦୨୧ରେ ରୁଷ ଫେରିବା ପରେ ତାଙ୍କୁ ଗିରଫ କରାଯାଇଥିଲା
ପୁଟିନ ବିରୋଧୀ ନଭଲନି
– ୨୦୧୧-୧୨ରେ ଆଲେକ୍ସି ନଭଲ୍ନି ରୁଷର ବିରୋଧୀ ଦଳ ନେତା ଭାବେ ଉଭା ହୋଇଥିଲେ
– ରାଷ୍ଟ୍ରପତି ପୁଟିନଙ୍କ ନୀତିକୁ ବିରୋଧ କରିବା ସହ ତାଙ୍କୁ କଡ଼ା ସମାଲୋଚନା କରୁଥିଲେ
– ପୁଟିନଙ୍କ ସମାଲୋଚନା କରି ସାରା ବିଶ୍ୱର ନଜରକୁ ଆସିଥିଲେ
– ୨୦୧୭ରେ ପୁଟିନ ବିରୋଧୀ ବିକ୍ଷୋଭ ପ୍ରଦର୍ଶନ ବେଳେ ଏକାଧିକ ଥର ଗିରଫ ହୋଇଥିଲେ
– ୨୦୧୯ ଜୁଲାଇରେ ମସ୍କୋ ସିଟି ହଲରେ ବିକ୍ଷୋଭ ପାଇଁ ତାଙ୍କୁ ୩୦ଦିନ ଜେଲରେ ଭର୍ତ୍ତି କରାଯାଇଥିଲା
– ଅସୁସ୍ଥତା କାରଣରୁ ପରେ ହସ୍ପିଟାଲରେ ଭର୍ତ୍ତି କରାଯାଇଥିଲା
– ତାଙ୍କୁ ହତ୍ୟା କରିବାକୁ ବିଷ ଦିଆଯାଇଥିବା କୁହାଯାଇଥିଲା
– ୨୦୧୯ ଅକ୍ଟୋବରରେ ତାଙ୍କ ସଙ୍ଗଠନ ‘ଆଂଟି କରପସନ ଫାଉଣ୍ଡେସନ’କୁ ରୁଷରେ ବିଦେଶୀ ଏଜେଂଟ ଘୋଷଣା କରାଯାଇଥିଲା
– ୨୦୨୦ରେ ତାଙ୍କ ସଙ୍ଗଠନକୁ ନିଷିଦ୍ଧ କରାଯିବା ସହ ମସ୍କୋ ଛାଡିବା ଉପରେ କଟକଣା ବି ଲଗାଯାଇଥିଲା
– ୨୦୨୦ ଅଗଷ୍ଟରେ ତାଙ୍କୁ ବିଷ ଦିଆଯାଇଥିବା କୁହାଯାଏ
– ୨୦୨୧ ଜାନୁଆରୀରେ ତାଙ୍କୁ ଗିରଫ କରାଯିବା ପରେ ସେବେଠାରୁ ସେ ଜେଲରେ ଅଛନ୍ତି