କନକ ବ୍ୟୁରୋ: ସେ ଅକ୍ଷମ ହୋଇ ବି ସକ୍ଷମ। ଦୃଷ୍ଟିହୀନ ମଣିଷ ଦେଖାଉଛନ୍ତି ସମାଜ ରେ ଆତ୍ମନିର୍ଭରଶୀଳ ର ମାର୍ଗ। ପେଟ ର ଭୋକ ଆଗରେ ସବୁକିଛି ହାର ମାନେ। ସେ ସକ୍ଷମ ମଣିଷ ହେଉ ବା ଭିନ୍ନକ୍ଷମ। ଯେତେବେଳେ ବଞ୍ଚିବା ପାଇଁ ସଂଘର୍ଷ ର କଥା ପଡ଼େ ସେତେବେଳେ ଜୀବନ କୁ ବାଜି ଲଗାଇ କାମ କରିବାକୁ ବାଧ୍ୟ ହୁଏ ମଣିଷ। ଏମିତି ଏକ ଦୃଷ୍ଟିହୀନ ମହିଳାଙ୍କୁ ଖୋଜି ପାଇଥିଲା ଆମ କନକ ନିଉଜ୍।
Kanak News is now on WhatsApp
Join and get latest news updates delivered to you via WhatsApp
ଦଇବ ଦେଇଥିବା ଦୁଃଖକୁ ବଳ ବୋଲି ଭାବି ନେଇଛନ୍ତି ଏହି ମହିଳା । ଭୋକ ପାଇଁ ଇଟା ଭାଟିକୁ କରିଛନ୍ତି ଭରସା । ବିଧାତା ଅକାଳରେ ଦୁଇ ପୁଅକୁ ଛଡେଇ ନେବା ସହ ମାଆ ଆଖିରୁ ଜ୍ୟୋତିକୁ ବି ଲିଭେଇ ଦେଇଛି । ତଥାପି ନବରଙ୍ଗପୁର ଉମରକୋଟ୍ ବ୍ଲକ ଅଧିକାରୀଗୁଡା ଗାଁର ଲକ୍ଷ୍ମୀବାଇ ଚନ୍ଦ୍ରକାରାଙ୍କୁ ହରେଇ ପାରିନାହିଁ ଦୁଃସମୟ । ବରଂ ପ୍ରତିକୂଳ ପରିସ୍ଥିତିକୁ ସାମ୍ନା କରି ଇଟା ଗଢି ବଂଚିବା ପାଇଁ ଆତ୍ମବଳ ଯୋଗାଇ ଦେଇଛି ।
ନହେଲେ କଣ ଏମିତି ଅଣ୍ଡାଳି ଅଣ୍ଡାଳି ଇଟ୍ଟା ପକାଇ ପାରିଥାନ୍ତେ ଲକ୍ଷ୍ମୀବାଇ । ଦିବ୍ୟାଙ୍ଗ ହୋଇବି ସ୍ୱାମୀଙ୍କ ସହ ମିଶି ଇଟା ଗଢି ଦୁଇ ନାତୁଣୀ ଓ ଗୋଟିଏ ନାତି ମୁହଁରେ ଆହାର ଦେଉଛନ୍ତି । ଲକ୍ଷ୍ମୀବାଇ ହଜାରେ ଇଟା ଗଢିଲେ ୭୫୦ ଟଙ୍କା ପାଆନ୍ତି । ଆଉ ଘର ଠାରୁ ଇଟା ଭାଟିର ଦୂରତା ଅଧିକ ହେଉଥିବାରୁ ଭାଟି ନିକଟରେ ହୋଇଥିବା ଅସ୍ଥାୟୀ କୁଡିଆରେ ରହୁଛନ୍ତି ।
ପାରିବାଶ୍ୱର୍କ ପରିସ୍ଥିତି ଶାରିରୀକ ଅକ୍ଷମ କରି ଦେଇଥିଲେ ବି, ମହିଳାଙ୍କ ମନରେ ଥିବା ଅଦମ୍ୟ ଇଚ୍ଛାଶକ୍ତି ତାଙ୍କୁ ସକ୍ଷମ କରିଛି । ଆଉ ବର୍ତମାନର ସ୍ଥିତି ଯେତିକି କଷ୍ଟ ଦାୟକ, ସେତିକି ଦୁଃଖ ଦାୟକ ତାଙ୍କ ଜୀବନ ଯାତ୍ରା । ଆଉ ଏହେଉଛି ନବରଙ୍ଗପୁର ଲକ୍ଷ୍ମୀବାଇଙ୍କ ଅକୁହା ବେଦନାର ଆତ୍ମନିର୍ଭରଶୀଳ କାହାଣୀ ।