ନିର୍ବାଚନ ସମୟରେ ବିରୋଧୀ ପର୍ଯ୍ୟଟକ ଭଳି ଆସିବେ, ନିର୍ବାଚନ ସରିଲେ ଦେଖା ମିଳିବନି । ବୌଦ୍ଧରୁ ବିରୋଧୀଙ୍କୁ ଟାର୍ଗେଟ କଲେ ଭି.କେ ପାଣ୍ଡିଆନ ।
କନକ ବ୍ୟୁରୋ : ବୌଦ୍ଧରେ ବିଜେଡି ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ଭି.କେ ପାଣ୍ଡିଆନ । ଜିଲ୍ଲା ଗସ୍ତ ସମୟରେ ପାଇଥିବା ଆବେଦନର କେତେ କାମ ହୋଇଛି ତାହାର ହିସାବ ଦେବା ସହ ଦଳୀୟ ପ୍ରାର୍ଥୀଙ୍କୁ ଭୋଟ ଦେବାକୁ ଅପିଲ କରିଛନ୍ତି । ଏହାସହ ବିରୋଧୀଙ୍କୁ ଟାର୍ଗେଟ କରି କହିଛନ୍ତି, ନିର୍ବାଚନରେ ବିରୋଧୀ ମାନେ ପର୍ଯ୍ୟଟକ ଭଳି ଆସିବେ । ବଡ ବଡ କଥାେ କହିବେ, ନିର୍ବାଚନ ପରେ ଆଉ ସେମାନଙ୍କର ଦେଖାଦର୍ଶନ ମିଳିବନି । କିନ୍ତୁ ବିଜେଡିର ପ୍ରାର୍ଥୀ ଅଚ୍ୟୁତ ସାମନ୍ତ ଓ ପ୍ରଦୀପ ଅମାତ ଲୋକଙ୍କ ସହ ରହିବେ ।
Kanak News is now on WhatsApp
Join and get latest news updates delivered to you via WhatsApp
ମେ’ ୨୦ରେ ଖରା ହେଉ କି ବର୍ଷା ହେଉ, ଭୋଟ ଦେବାକୁ ନିଶ୍ଚୟ ଆସିବେ ଏବଂ ଶଙ୍ଖ ଚିହ୍ନରେ ଭୋଟ ଦେବାକୁ ଅପିଲ କରିଛନ୍ତି ପାଣ୍ଡିଆନ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲୋକଙ୍କୁ ହିସାବ ଦେବାରେ ବିଶ୍ୱାସ କରନ୍ତି । ଯାହା ବି ଆବେଦନ ମିଳୁଛି ତାହାର ସମାଧାନ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ତେଣୁ ଏଥର ନବୀନଙ୍କ ହାତମୁଠାକୁ ଟାଣ କରିବାକୁ ଶଙ୍ଖ ଚିହ୍ନରେ ଭୋଟ ଦେବାକୁ କହିଛନ୍ତି ପାଣ୍ଡିଆନ ।