ଦିନକ ପାଇଁ ଜିଲ୍ଲା କମିଶନର ହେଲେ ୧୦ମ ଶ୍ରେଣୀ ଛାତ୍ର: କହିଲେ ଏଭଳି କଥା…
କନକ ବ୍ୟୁରୋ: ଚା’ ବଗିଚାରୁ ପ୍ରଶାସନିକ ଅଧିକାରୀଙ୍କ ସିଟ୍ । ଆସାମ ଶିବସାଗର ଜିଲ୍ଲାର ଜିଲ୍ଲା ଆୟୁକ୍ତ ହେଲେ ୧୦ମ ଶ୍ରେଣୀ ଛାତ୍ର । ଦିନକ ପାଇଁ ଡିଷ୍ଟ୍ରିକ୍ଟ କମିଶନର ଗାଦିରେ ବସିଲେ ୧୦ମ ଶ୍ରେଣୀ ଛାତ୍ର ଭାଗ୍ୟଦୀପ ରାଜଗଡ । ଜିଲ୍ଲା ବିକାଶ ସମିତିର ସ୍ୱତନ୍ତ୍ର ବୈଠକରେ ଭାଗ ନେଇ ଭାଗ୍ୟଦୀପ କହିଲେ କିଛି ଏଭଳି…
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲାର କିଛି ଉଦୀୟମାନ ଛାତ୍ରଛାତ୍ରୀଙ୍କ ଭବିଷ୍ୟତର ଗୌରବ ହେବା ପାଇଁ ଉତ୍ସାହିତ କରିବାକୁ ଶିବସାଗର ଜିଲ୍ଲା ପ୍ରଶାସନ ଆୟୋଜନ କରିଥିଲା ‘ ଆରୋହଣ’ କାର୍ଯ୍ୟକ୍ରମ । ଏହି ଅବସରରେ ଖୋଦ୍ ଜିଲ୍ଲା ଆୟୋଗ ଓ ଅନ୍ୟ ପ୍ରଶାସନିକ ଅଧିକାରୀ ମିଶି ବୋକୋଟା ଦେମୁଗିରି ଡ୍ୟୁରିଟିଙ୍ଗ ଠି ଗାର୍ଡେନ୍ ବାସିନ୍ଦା ଛାତ୍ର ଭାଗ୍ୟଦୀପଙ୍କ ଘରେ ପହଞ୍ଚିଥିଲେ । ତାଙ୍କୁ ନିଜ କାର୍ଯ୍ୟାଳୟକୁ ପାଛୋଟି ଆଣି ନିଜ ଚେୟାରରେ ବସାଇଥିଲେ । ପୁରା ବୈଠକରେ ଭାଗ ନେଇଥିଲେ ଭାଗ୍ୟଦୀପ । କହିଲେ ସେ ମଧ୍ୟ ଭବିଷଞତରେ ଜଣେ ପ୍ରଶାସନିକ ଅଧିକାରୀ ହେବେ ଏବଂ ନିଜ ଅଞ୍ଚଳ ଓ ପୁରା ସମାଜର ବିକାଶ ଦିଗରେ ନିଜକୁ ଉତ୍ସର୍ଗ କରିବେ ।