କନକ ବ୍ୟୁରୋ : ତିତିଲି ପାଇଁ କେନ୍ଦ୍ରରୁ ମିଳିବ ୧୦୨୩.୫୯ କୋଟି ଟଙ୍କା । ତିତିଲି ପ୍ରଭାବିତ ଅଞ୍ଚଳ ଗୁଡିକରେ କ୍ଷୟକ୍ଷତିର ଭରଣା ପାଇଁ କେନ୍ଦ୍ରୀୟ ସହାୟତା ମଞ୍ଜୁର କରିଛନ୍ତି କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂ । ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତି ନିଆଯାଇଛି । ଏନଡିଆରଏଫ୍ ପାଣ୍ଠିରୁ ଏହି ସହାୟତା ରାଶି ମିଳିବ ବୋଲି ସୂଚନା ଦେଇଛନ୍ତି ଧର୍ମେନ୍ଦ୍ର ।
Kanak News is now on WhatsApp
Join and get latest news updates delivered to you via WhatsApp
Thank the High Level Committee chaired by @rajnathsingh ji for approving the additional assistance of Rs 1023.59 Cr. from NDRF for Odisha which had been hit by #CycloneTitli. Had requested shri @rajnathsingh ji to expedite consideration of additional assistance from @NDRFHQ . https://t.co/f25FLCqwBe
— Dharmendra Pradhan (@dpradhanbjp) December 17, 2018
ଗତ କିଛି ଦିନ ତଳେ ବାତ୍ୟା ତିତିଲି ପ୍ରଭାବିତଙ୍କ କ୍ଷତିପୂରଣ ପାଇଁ କେନ୍ଦ୍ରୀୟ ସହାୟତା ଯୋଗାଇ ଦେବାକୁ ଗୃହମନ୍ତ୍ରୀ ରାଜନାଥଙ୍କ ସହ ଆଲୋଚନା କରିଥିଲେ ଧର୍ମେନ୍ଦ୍ର ପ୍ରଧାନ । ଏହାପୂର୍ବରୁ ତିତିଲି କ୍ଷୟକ୍ଷତିର ଆକଳନ ପାଇଁ ପ୍ରଭାବିତ ଅଞ୍ଚଳ ବୁଲି ଦେଖିଥିଲେ ୮ ଜଣିଆ କେନ୍ଦ୍ରୀୟ ଟିମ୍ । ଆଉ ପ୍ରଶାସନିକ ଅଧିକାରୀଙ୍କ ସହ ଆଲୋଚନା ପରେ ଏନେଇ ସବିଶେଷ ରିପୋର୍ଟ କେନ୍ଦ୍ର ଗୃହ ମନ୍ତ୍ରାଳୟକୁ ଦେଇଥିଲେ । ତେବେ ତିତିଲି ପ୍ରଭାବିତଙ୍କୁ ଥଇଥାନ କରିବା ପାଇଁ ସେ ସମୟରେ ରାଜ୍ୟ ସରକାର ତୁରନ୍ତ ୧ ହଜାର କୋଟି ଟଙ୍କାର ସହାୟତା ରାଶି ମାଗିଥିଲେ ।
କିନ୍ତୁ ସରକାରୀ ତଥ୍ୟ ଅନୁସାରେ ତିତଲି ପ୍ରଭାବରେ ରାଜ୍ୟରେ ପାଖାପାଖି ୭୭ ଜଣ ପ୍ରାଣ ହରାଇଥିବା ବେଳେ ୨୭୭୦ କୋଟି ଟଙ୍କାର କ୍ଷୟକ୍ଷତି ହୋଇଛି । ପୂର୍ବରୁ ତିତଲି ପ୍ରଭାବିତଙ୍କ ପାଇଁ ଅନେକ ସ୍ୱତନ୍ତ୍ର ପ୍ୟାକେଜ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଯେଉଁଥିରେ ଗଜପତି, ଗଞ୍ଜାମ ଓ ରାୟଗଡ଼ା ଭଳି ଜିଲ୍ଳାରେ ବ୍ୟାପକ କ୍ଷୟକ୍ଷତି ହୋଇଥିବା ରିପୋର୍ଟରୁ ଜଣାପଡ଼ିଥିଲା ।