ଏବେ ଟ୍ରେନରେ ଖାଲିଥିବା ସିଟକୁ ଅଧା ମୂଲ୍ୟରେ ପାଇବେ ଯାତ୍ରୀ ! ଆସିଲା ନୂଆ ନିୟମ
ରେଳରେ ଯାତ୍ରା କରୁଥିବା ଲୋକଙ୍କ ପାଇଁ ଖୁସି ଖବର । ଏବେ ଟ୍ରେନରେ ଖାଲି ପଡ଼ିଥିବା ସିଟ୍ ଗୁଡ଼ିକୁ ଲୋକଙ୍କୁ ରିହାତିରେ ଯୋଗାଇବ ଦିଆଯିବ । ଟ୍ରେନରେ ସଂରକ୍ଷଣ ଚାର୍ଟ ତିଆରି ପରେ ଯାତ୍ରୀ ରିହାତି ସହ ଶସ୍ତାରେ ଟିକେଟ ବୁକ କରିପାରିବେ । ତେବେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ରିହାତି ସୀମା ୫୦ ପ୍ରତିଶତ ପର୍ଯ୍ୟନ୍ତ ପହଞ୍ଚି ପାରିବ । ରେଳବାଇର ଡାଇନାମିଳକ ପ୍ରାଇସିଙ୍ଗ ମଡ଼େଲ ଅନୁସାରେ ଏହି ପ୍ରକାର ପ୍ରସ୍ତାବ ମିଳିଛି । ଟ୍ରେନକୁୁ ୩ଟି ଶ୍ରେଣୀରେ ବିଭକ୍ତ କରିବା ପାଇଁ ମଧ୍ୟ ପ୍ରସ୍ତାବ ଆସିଛି । ଆଉ ଏନେଇ ସମୀକ୍ଷା କରୁଛି ରେଳବାଇର ଉଚ୍ଚସ୍ତରୀୟ କମିଟି । ଯାତ୍ରୀଙ୍କ ସଂଖ୍ୟା କମୁଥିବାରୁ ଏପରି ପ୍ରସ୍ତାବ ଦିଆଯାଇଛି ବୋଲି ଜଣାପଡ଼ିଛି । ଗତ ବର୍ଷ ରେଳବାଇ କିଛି ପ୍ରିିମିୟମ ଟ୍ରେନରେ ଫ୍ଲେକ୍ସି ଫେୟାର ମଡ଼େଲ ଆରମ୍ଭ କରିଥିଲେ । ଏହି ଅନୁସାରେ କିଛି ଟ୍ରେନରେ ଟ୍ରେନର ଭଡ଼ା ବଢ଼ିଥିଲା । ରେଳବାଇ ଭଲ ଆୟ କରିଥିଲେ ମଧ୍ୟ ଯାତ୍ରୀଙ୍କ ସଂଖ୍ୟା କମିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବରୁ ଖବର ଆସିଥିଲା ରେଳମନ୍ତ୍ରୀ ପିୟୁଷ ଗୋୟଲ କହିଥିଲେ, ଏବେ ରେଳଯାତ୍ରାର ଭଡ଼ା ବିମାନ ଯାତ୍ରାର ମଡ଼େଲ ପରି ପ୍ରସ୍ତୁତ ହେବ । ଏହାଦ୍ୱାରା ଭଢ଼ା ବଢ଼ିବ ଆଉ କମିବ ମଧ୍ୟ । ଅର୍ଥାତ୍ ସିଟ୍ ଖାଲି ହେଲେ ଯାତ୍ରୀଙ୍କୁ ଭଡ଼ାରେ ରିହାତି ମିଳିବ । ଏଥିପାଇଁ ଉଚ୍ଚସ୍ତରୀୟ କମିଟି ଗଠନ ହୋଇଥିଲା । ଯାତ୍ରୀଙ୍କ ସୁବିଧା, ସମୟ ଓ କ୍ୟାଟରିଙ୍ଗ ସୁବିଧା ଆଧାରରେ ୩ ଶ୍ରେଣୀରେ ଟ୍ରେନକୁ ବିଭକ୍ତ କରାଯିବ । ଯେଉଁଠି ସୁପର ପ୍ରିମିୟମ୍, ପ୍ରିମିୟମ୍, ଓ ନନ୍ ପ୍ରିୟିୟମ୍ ଟ୍ରେନ ରହିବ । ଏହା ବ୍ୟତୀତ ପୁରା ବର୍ଷରେ ଛୁଟି, ଉତ୍ସବ, ପରୀକ୍ଷା ଆଦି ସମୟରେ ମଧ୍ୟ ଟ୍ରେନକୁ ବିଭିନ୍ନ ଶ୍ରେଣୀରେ ବିଭକ୍ତ କରାଯିବ ।