ଶୋ’ ଚାଲିଥିବା ସମୟରେ ଦୁଇ ଜଜଙ୍କ ମଧ୍ୟରେ ଲାଗିଲା ଝଗଡା ! ପ୍ରତିଯୋଗୀଙ୍କ ଆଖିରେ ଆସିଲା ଲୁହ ।
ପପୁଲାର ସିଙ୍ଗର ନେହା କକ୍କର ଏବେ ଇଣ୍ଡିଆନ ଆଇଡଲରେ ଜଜ ଭାବରେ ନଜର ଆସୁଛନ୍ତି । ନେହାଙ୍କ ବ୍ୟତୀତ ଗାୟକ ଅନୁ ମଲ୍ଲିକ ଏବଂ ବିଶାଲ ଡଡଲାନି ମଧ୍ୟ ଜଜ ଭାବରେ ନଜର ଆସୁଛନ୍ତି । ଗତ ଏପିସୋଡରେ ଜଣେ ପ୍ରତିଯୋଗୀଙ୍କୁ ନେଇ ନେହା ଏବଂ ଅନୁଙ୍କ ମଧ୍ୟରେ ଝଗଡ଼ା ହେବାକୁ ଲାଗିଲା । ଏହାପରେ ନେହା ସିଟ ଛାଡ଼ି ଷ୍ଟେଜ ପଛକୁ ଚାଲିଗଲେ । ନେହା ଅନୁଙ୍କୁ କହିଲେ ଯେ ଆପଣ ସମସ୍ତ କଥାରେ ଅରାଜି ହେଉଛନ୍ତି । ଯାହା ନ ହେବା ଉଚିତ । ଏହାପରେ ଅନୁ କହୁଛନ୍ତି ଯେ ମୁଁ ମ୍ୟୁଜିକ ବୁଝିପାରେ । ମୁଁ ୪୦ ବର୍ଷ ହେବ ଗୀତ ଗାଉଛି । ଏହାପରେ ବ୍ୟାକ ଗ୍ରାଉଣ୍ଡରୁ ନେହା କହୁଛନ୍ତି ଯେ ମୁଁ ଆଜି ପର୍ୟ୍ୟନ୍ତ ଯେତେ ଗୀତ ଗାଇଛି ସବୁ ହିଟ ହୋଇଛି । ଅନୁ କହୁଛନ୍ତି ମୋର ସବୁ ଗୀତ ସୁପରହିଟ ହୋଇଛି । ନେହା କହୁଛନ୍ତି ମୋତେ ୪୦ ବର୍ଷ ହୋଇନାହିଁ । ୪୦ ବର୍ଷର ଅଭିଜ୍ଞତା କେଉଁଠାରୁ ଆଣିବି । ଏହାପରେ ବିଶାଲ ଅନୁଙ୍କୁ ବୁଝାଇଛନ୍ତି । ଦୁଇ ଜଜଙ୍କ ମଧ୍ୟରେ ଚାଲିଥିବା ଏଭଳି ଝଗଡା ପ୍ରତିଯୋଗୀଙ୍କୁ କାନ୍ଦିବାରେ ବାଧ୍ୟ କରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବାସ୍ତବରେ ଏହା ସତ୍ୟ ନଥିଲା ରାଜସ୍ଥାନର ରେଣୁନଗରରୁ ଆସିଥିବା ଜଣେ ପ୍ରତିଯୋଗୀଙ୍କ ଗୀତ ସେମାନଙ୍କୁ ଭଲ ଲାଗିଥିଲା । ସେମାନେ ଏହା ମଜାରେ କରୁଥିଲେ । ଏହା ପରେ ରେଣୁଙ୍କୁ ୩ ଜଣ ଗୋଲଡେନ ଟିକେଟ ଦେଇଥିଲେ ।