ଆଇପିଏଲ ଫାଇନାଲ ଫାଇଟ୍ ! ଟସ୍ ଜିତି ଚେନ୍ନାଇର ପ୍ରଥମେ ବୋଲିଂ ନିଷ୍ପତ୍ତି ।
ଆଜି ଆଇପିଏଲ୍ ସିଜିନ୍-୧୧ର ଫାଇନାଲ ଟକ୍କର । ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ମୁହାଁମୁହିଁ ହେବେ ସନରାଇଜର୍ସ ହାଇଦ୍ରାବାଦ ଓ ଚେନ୍ନାଇ ସୁପରକିଙ୍ଗ୍ସ । ସନ୍ଧ୍ୟା ୭ଟାରେ ହେବ ମହା ମୁକାବିଲା । ତେବେ ଚେନ୍ନାଇ ସୁପରକିଙ୍ଗସ ପ୍ରଥମେ ଟସ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଛି । ଲିଗ୍ ଶେଷରେ ପ୍ରଥମ ଦୁଇଟି ସ୍ଥାନରେ ରହିଛନ୍ତି ଦୁଇ ଦଳ । ତେଣୁ କଡା ପଡିଆରେ କଡା ଟକ୍କର ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଚେନ୍ନାଇ ତୃତୀୟ ଥର ପାଇଁ ଟାଇଟଲ ହାତେଇବା ଲକ୍ଷ୍ୟରେ ଥିବାବେଳେ ହାଇଦ୍ରାବାଦ ତିନି ବର୍ଷ ଭିତରେ ଦ୍ୱିତୀୟ ଟାଇଟଲ ହାତେଇବା ଲକ୍ଷ୍ୟରେ ରହିଛି । ଚେନାଇ ୨୦୧୦, ୨୦୧୧ରେ ଲଗାତାର ଭାବରେ ଟ୍ରଫି ଜିତିଥିଲା । ନିଲମ୍ବିତ ଚେନାଇର ଅନୁପସ୍ଥିତିରେ ୨୦୧୬ରେ ହାଇଦ୍ରାବାଦ ପ୍ରଥମ ଥର ପାଇଁ ଟାଇଟଲ ବିଜେତା ହୋଇଥିଲା । ଏବେ ୨ବର୍ଷର ନିଲମ୍ବନ ପରେ ଫେରିଥିବା ଚେନ୍ନାଇ ନିଜ ଖ୍ୟାତି ମୁତାବକ ପ୍ରଦର୍ଶନ କରି ଆଉ ଏକ ମୁକୁଟର ଦ୍ୱାରଦେଶରେ ପହଁଚିଛି । ସେହିପରି ଚେନାଇ ୯ଥର ଖେଳି ୭ଥର ଫାଇନାଲକୁ ଯାଇଥିବାବେଳେ ହାଇଦ୍ରାବାଦ ୬ଥର ଖେଳି ଦ୍ୱିତୀୟ ଥର ଫାଇନାଲକୁ ଆସିଛି । ତେବେ ଏପର୍ୟ୍ୟନ୍ତ ଉଭୟ ଦଳ ମଧ୍ୟରେ ହୋଇଥିବା ୯ଟି ମ୍ୟାଚ୍ରୁ ୭ଟିରେ ଚେନାଇ ଜିତିଥିବାବେଳେ ହାଇଦ୍ରାବାଦ ୨ଟିରେ ବିଜୟୀ ହୋଇଛି ।