ବିଶ୍ୱବ୍ୟାଙ୍କର ସତର୍କବାଣୀକୁ ନେଇ ଚିନ୍ତାରେ ଭାରତ, ‘ମଣିଷର ସହିବା ସୀମା ଟପିବ ତାପମାତ୍ରା’
କନକ ବ୍ୟୁରୋ : ପ୍ରତିବର୍ଷ ଦେଶରେ ତାପମାତ୍ରା ବୃଦ୍ଧି ପାଇବାରେ ଲାଗିଛି । ଏହାର କାରଣ ଭାବେ ଜଳବାୟୁ ପରିବର୍ତ୍ତନ ବୋଲି କୁହାଯାଉଛି । ଏଭଳି ଜଳବାୟୁ ପରିବର୍ତ୍ତନ ଫଳରେ ସଠିକ ସମୟରେ ଶୀତ ଅନୁଭବ ହେଉନଥିବା ବେଳେ ବର୍ଷା ହେବାର କିଛି ତାଳମେଳ ରହୁନାହିଁ । ସବୁଠାରୁ ବଡକଥା କି ଜଳବାୟୁ ପରିବର୍ତ୍ତନ ଯୋଗୁଁ ଅସମୟରେ ବନ୍ୟା ଓ ବାତ୍ୟା ଭଳି ସ୍ଥିତି ଦେଖାଦେଉଛି । କିନ୍ତୁ ଏସବୁ ଭିତରେ ବିଶ୍ୱବ୍ୟାଙ୍କ ଯେଉଁ ସତର୍କବାଣୀ ଜାରି କରିଛି ତାହା ଏବେ ଆମ ସମସ୍ତଙ୍କୁ ଭାବିବାକୁ ବାଧ୍ୟ କରିବ । ବିଶ୍ୱ ବ୍ୟାଙ୍କ କହିଛି କି ଖୁବଶୀଘ୍ର ଭାରତରେ ଏଭଳି ପରିସ୍ଥିତି ଦେଖିବାକୁ ମିଳିବ କି, ମଣିଷ ସହ୍ୟ କରିବାର ସୀମା ଟପିବ ତାପମାତ୍ରା ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ବ୍ୟାଙ୍କ ପକ୍ଷରୁ ପ୍ରକାଶିତ ଏକ ରିପୋର୍ଟ ‘କ୍ଲାଇମେଟ ଇନଭେଷ୍ଟମେଣ୍ଟ ଅପର୍ଚୁନିଟିଜ ଇନ ଇଣ୍ଡିଆସ କୁଲିଂ ସେକ୍ଟର’ ରେ କୁହାଯାଇଛି କି ଭାରତରେ ଏବେ ଖୁବଶୀଘ୍ର ଗ୍ରୀଷ୍ମପ୍ରବାହ ଅନୁଭୁତ ହେଉଛି । ଏହାସହ ଗ୍ରୀଷ୍ମପ୍ରବାହ ତାର ଅବଧି ଠାରୁ ଅଧିକ ଦିନ ରହୁଛି । ଏହି କ୍ରମରେ ଆଗକୁ ଏଭଳି ଗ୍ରୀଷ୍ମପ୍ରବାହ ଅନୁଭୁତ ହେବାକୁ ଯାଉଛି କି ଯାହା ମଣିଷ ପାଇଁ ଅସହ୍ୟ ହୋଇପଡିବ ।
ରିପୋର୍ଟରେ କୁହାଯାଇଛି କି ୨୦୨୨ ମାର୍ଚ୍ଚ ମାସରେ ହଠାତ ତାପମାତ୍ରା ବୃଦ୍ଧି ପାଇଥିଲା । ଏହାକୁ ଦେଶର ସବୁଠାରୁ ଅଧିକ ଗରମ ମାର୍ଚ୍ଚମାସ ବୋଲି କୁହାଯାଉଛି । ସେହିଭଳି ଏପ୍ରିଲମାସରେ ମଧ୍ୟ ତାପମାତ୍ରା ରେକର୍ଡ ଭାଙ୍ଗିଥିଲା । ପ୍ରଥମଥର ପାଇଁ ଏପ୍ରିଲମାସରେ ଦିଲ୍ଲୀର ତାପମାତ୍ରା ୪୬ ଡିଗ୍ରୀ ଉପରେ ପହଂଚିଥିଲା । ହେଲେ ଏବେ ବିଶ୍ୱବ୍ୟାଙ୍କ ତାର ରିପୋର୍ଟରେ କହିଛି କି ଏହି ସ୍ଥିତି ଆଗକୁ ଅସମ୍ଭାଳ ହେବାକୁ ଯାଉଛି । ଆଗାମୀ ଦିନରେ ଏଭଳି ତାପମାତ୍ରା ଅନୁଭବ ହେବାକୁ ଯାଉଛି ଯେ ଯାହା କି ଲୋକମାନଙ୍କ ପାଇଁ ଅସହ୍ୟ ହେବ ।