କନକ ବ୍ୟୁରୋ: ନୂଆ ବର୍ଷ ପୂର୍ବରୁ କରୋନା ଓମିକ୍ରନର ନୂଆ ଭାରିଆଣ୍ଟ ବିଏଫ-୭ ଭାରତ ସମେତ ଆଉ ଦେଶରେ ଚିନ୍ତା ବଢ଼ାଇ ଦେଇଛି । ଏହି ଭାରିଆଣ୍ଟରେ ଅଧିକ ପ୍ରଭାବିତ ହୋଇଛି ଚୀନ । ଚୀନ୍ ବ୍ୟତୀତ ଆମେରିକା ଓ ଜାପାନ ଭଳି ଦେଶରେ ମଧ୍ୟ କୋଭିଡ୍ ସଂକ୍ରମଣ ମାମଲା ଦ୍ରୁତ ଗତିରେ ବଢ଼ିଚାଲିଛି । ଏହାକୁ ଦେଖି ଭାରତରେ ମଧ୍ୟ ଆଲର୍ଟ ଜାରି ହୋଇଛି । ଭାରତରେ ଚୀନ୍ ଭଳି ପରିସ୍ଥିତି ହେବା ନେଇ ଲୋକଙ୍କ ମନରେ ଏକପ୍ରକାର ଭୟ ଦେଖାଦେଇଛି । ଆଉ ପୁଣିଥରେ ଲକଡାଉନ୍ ଓ ସଟଡାଉନ୍ ଭଳି ପରିସ୍ଥିତି ଉପୁଜିବା ନେଇ ଚିନ୍ତାପ୍ରକଟ କରିଛନ୍ତି ଲୋକେ । କିନ୍ତୁ ବିଶେଷଜ୍ଞ କହିବା ଅନୁସାରେ ଭାରତରେ କରୋନାର ସେଭଳି କୌଣସି ବିପଦର ଆଶଙ୍କା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ଚୀନରେ ଏବେ କରୋନା ସ୍ଥିତି ଅଣାୟତ ହୋଇପଡ଼ିଛି, କିନ୍ତୁ ଭାରତରେ ପରିସ୍ଥିତି ନିୟନ୍ତ୍ରଣରେ ଥିବା ବିଶେଷଜ୍ଞ କହିଛନ୍ତି । ଭାରତରେ ଓମିକ୍ରନର ବିଏଫ୍-୭ ଭାରିଆଣ୍ଟ ଜୁଲାଇ ମାସରୁ ଚିହ୍ନଟ ହୋଇସାରିଛି । କିନ୍ତୁ ଏହି ଭାରିଆଣ୍ଟ ଚୀନ୍ ଭଳି ଭାରତ ପାଇଁ ସେତେଟା ଘାତକ ନୁହେଁ । ଗତ ସପ୍ତାହରୁ ଭାରତରେ କରୋନାର ନୂଆ ମାମଲା ହ୍ରାସ ପାଇଥିବା ରେକର୍ଡ କରାଯାଇଛି । ଆଶ୍ୱସ୍ତିକର କଥା ହେଉଛି, ଭାରତରେ ନୂଆ ଭାରିଆଂଟ ବିଏଫ-୭ ଏପର୍ଯ୍ୟନ୍ତ ସେତେଟା ଘାତକ ସାବ୍ୟସ୍ତ ହୋଇନାହିଁ । କିନ୍ତୁ କରୋନା ଯେ ସମ୍ପୂର୍ଣ୍ଣ ଭାବେ ଚାଲିଯାଇଛି, ତାହା ଭାବିବା ଭୁଲ ବୋଲି ବିଶେଷଜ୍ଞ କହିଛନ୍ତି । ସଂକ୍ରମଣ ନିୟନ୍ତ୍ରଣରେ ଥିଲେ ବି ସରକାର ଟେଷ୍ଟିଂ, ସର୍ଭିଲାନ୍ସକୁ ବଢ଼ାଇବାକୁ ରାଜ୍ୟମାନଙ୍କୁ ନିର୍ଦ୍ଦେଶ ଦେଇଛନ୍ତି ।
କେତେ ଅଲଗା ଚୀନ ଓ ଭାରତ ଭାରିଆଂଟ?
– ଭାରତରେ ବିଏଫ୍.୭ ନୁହେଁ, ଏକ୍ସବିବି ଭାରିଆଂଟ ଚିନ୍ତାର ବିଷୟ
– ବିଜେ.୧ ଓ ବିଏ.୨.୭୫ ମିଶ୍ରଣ ହେଉଛି ଏକ୍ସବିବି ଭାରିଆଂଟ
– ଏହି ଭାରିଆଂଟରେ ପ୍ରଭାବ ପକାଇବା ନାହିଁ କରୋନା ଭ୍ୟାକସିନ୍
– ଚୀନରେ ଅନ୍ୟ ଭାରିଆଂଟକୁ ଜନ୍ମ ଦେଇପାରେ ଏକ୍ସବିବି ଭାରିଆଂଟ
– ପ୍ରଭାବରେ ଦେଖା ଦେଇପାରେ ଗୁରୁତର ସ୍ୱାସ୍ଥ୍ୟ ସମସ୍ୟା
ଏତେ ଆସନ୍ତୁ ନଜର ପକାଇବା କେତେ ଘାତକ ବିଏଫ୍.୭?
– କରୋନା ସ୍ପାଇକ୍ ପ୍ରୋଟିନ୍ରେ ଏକ ସ୍ୱତନ୍ତ୍ର ମ୍ୟୁଟେସନ ଦ୍ୱାରା ଓମିକ୍ରନ୍ର ସଂକ୍ରାମକ ସବ୍ଭାରିଆଂଟ ବିଏଫ୍.୭
– ଏହି ମ୍ୟୁଟେସନ୍ ଦ୍ୱାରା ବିଏଫ୍.୭ ଉପରେ ଆଂଟିବଡିର ପ୍ରଭାବ ପଡୁନାହିଁ
– ଟିକାର ସମସ୍ତ ଡୋଜ୍ ନେଇଥିବା ବ୍ୟକ୍ତି ମଧ୍ୟ ସଂକ୍ରମିତ ହୋଇପାରିବେ
– ବିଏଫ୍-୭ରେ ଆକ୍ରାନ୍ତ ବ୍ୟକ୍ତି କମ୍ ସମୟରେ ଅନ୍ୟମାନଙ୍କୁ ସଂକ୍ରମିତ କରିପାରିବେ
– ବିଏଫ୍-୭ର ଆର ଭ୍ୟାଲୁ ୧୦ରୁ ୧୮.୬ ଅର୍ଥାତ୍ ଜଣେ ବ୍ୟକ୍ତି ୧୦ରୁ ୧୮ ଜଣଙ୍କୁ ସଂକ୍ରମିତ କରିପାରିବେ
– ଦୁର୍ବଳ ରୋଗ ପ୍ରତିରୋଧକ ଶକ୍ତି ଥିବା କିମ୍ବା ଅନ୍ୟ ଜଟିଳ ରୋଗରେ ଆକ୍ରାନ୍ତ ବ୍ୟକ୍ତି ଶୀଘ୍ର ଆକ୍ରାନ୍ତ ହେବା ଆଶଙ୍କା
– ଜ୍ୱର, କାଶ, ଗଳା ଦରଜ ଓ ନାକରୁ ପାଣି ଗଳିବା ଭଳି ଲକ୍ଷଣ ଦେଖିବାକୁ ମିଳିବ
ମାର୍ଚ୍ଚ, ୨୦୨୦ରୁ ଏପର୍ଯ୍ୟନ୍ତ ଭାରତରେ ୪କୋଟି ୪୦ ଲକ୍ଷ କୋଟିର ନୂଆ ମାମଲା ଚିହ୍ନଟ ହୋଇସାରିଛି । ବର୍ତମାନ ଭାରତରେ ପାଖାପାଖି ୩ହଜାର ୫୦୦ ଆକ୍ଟିଭ୍ ମାମଲା ରହିଛି । ଗତ କିଛି ଦିନ ସଂକ୍ରମଣ ମାମଲା ମଧ୍ୟ ଲଗାତାର ହ୍ରାସ ପାଉଛି । ତା’ଛଡ଼ା କରୋନା ଟିକାକରଣ ମାମଲାରେ ଭାରତ ବହୁ ଆଗରେ ରହିଛି । ସବୁଦୃଷ୍ଟିରୁ ଭାରତରେ ସ୍ଥିତି ଭଲ ରହିଥିଲେ ବି ସତର୍କ ରହିବାକୁ କୁହାଯାଇଛି ।