ରାଜ୍ୟ କ୍ରିକେଟ ପ୍ରଶାସନରେ ପଶିବେ ପ୍ରଣବ? ଭୋଟର ତାଲିକାରେ ନାଁ ଆସିବା ପରେ ଚର୍ଚ୍ଚା।
କନକ ବ୍ୟୁରୋ: ଓଡିଶା କ୍ରିକେଟ ଆସୋସିଏସନ-ଓସିଏରେ ପ୍ରବେଶ କରିଛନ୍ତି ବିଜେଡି ସାଂଗଠନିକ ସଂପାଦକ ପ୍ରଣବ ପ୍ରକାଶ ଦାସ । ବିଧାୟକଙ୍କୁ ପ୍ରତିନିଧି କରି ପଠାଇଛି ଯାଜପୁର ଜିଲ୍ଲା କ୍ରିକେଟ ଆସୋସିଏସନ୍ । ଯାଜପୁର ଜିଲ୍ଲାରେ କ୍ରିକେଟ ପ୍ରତି ତାଙ୍କ ଅବଦାନ କାରଣରୁ ପ୍ରତିନିଧିତ୍ୱ ମିଳିଥିବା କହିଛନ୍ତି କାର୍ଯ୍ୟକରୀ ସମ୍ପାଦକ । ହେଲେ ୭୩ ଜଣିଆ ତାଲିକାରେ ପ୍ରଣବ ପ୍ରକାଶ ଦାସଙ୍କ ନାଁକୁ ନେଇ ହଟଚମଟ ସୃଷ୍ଟି ହୋଇଛି । ରାଜ୍ୟ ରାଜନୀତିର ଅନ୍ୟତମ କ୍ଷମତାକେନ୍ଦ୍ର, ଏବେ ରାଜ୍ୟ କ୍ରିକେଟ ପ୍ରଶାସନ ଉପରେ ଆଖି ପକାଇଥିବା ଚର୍ଚ୍ଚା ଜୋର ଧରିଛିା
Kanak News is now on WhatsApp
Join and get latest news updates delivered to you via WhatsApp
ଆଗାମୀ ୨୮ରେ ହେବ ଓସିଏ ନିର୍ବାଚନ । ଏଥିପାଇଁ ୭୩ ଜଣିଆ ଭୋଟର ତାଲିକା ଜାରି ହୋଇଥିବାବେଳେ, ଆସନ୍ତାକାଲି ସୁଦ୍ଧା ଆପତି ଅଭିଯୋଗର ଶୁଣାଣି ହୋଇ ଚୂଡାନ୍ତ ତାଲିକା ପ୍ରକାଶ ପାଇବ । ନୂଆ ସମ୍ବିଧାନ ଓ ବିଧି ବ୍ୟବସ୍ଥାକୁ ନେଇ ୨୦୧୯ରେ ଓସିଏରେ ହୋଇଥିଲା ରୋମାଞ୍ଚକର ଲଢେଇ । ବିଶିଷ୍ଟ ଶିଳ୍ପପତି ପଙ୍କଜ ଲୋଚନ ମହାନ୍ତି ସଭାପତି ଏବଂ ଆଶୀର୍ବାଦ ବେହେରାଙ୍କ ପୁଅ ସଂଜୟ ବେହେରା ସଂପାଦକ ଭାବେ ନିର୍ବାଚିତ ହୋଇଥିଲେ । କୁହାଯାଉଛି ମାତ୍ର ୩ଟି ଭୋଟରେ ସଭାପତି ନିର୍ବାଚନ ହାରିଥିଲେ ପ୍ରତିପକ୍ଷ ପ୍ରଦୀପ ଚୌହାନ । ତାଙ୍କ ଗୋଷ୍ଠୀର ନବ ପଟ୍ଟନାୟକ ମଧ୍ୟ ନିର୍ବାଚନରେ ସଫଳ ହୋଇପାରିନଥିଲେ । ୩ବର୍ଷ ପରେ ପୁଣି ନିର୍ବାଚନ ଆସିଥିବାରୁ ପାୱାର ପଲିଟିକ୍ସ ବା କ୍ଷମତା ରାଜନୀତିର ଆଭାସ ମିଳିଲାଣି ।
ଓଡିଶା କ୍ରିକୋଟ ଆସୋସିଏସନ ସହ ଜଡିତ ବ୍ୟକ୍ତି ବିଶେଷଙ୍କ ଅନୁମାନ ଯେ, ରାଜ୍ୟ କ୍ରିକେଟ ପ୍ରଶାସନରେ ପ୍ରଣବଙ୍କ ପ୍ରବେଶ ହେବାକୁ ଯାଉଛି । ସାଧାରଣ ଭୋଟର ଭାବେ ତାଲିକାରେ ପ୍ରଣବ ପ୍ରକାଶଙ୍କ ନାଁ ରହିବାକୁ ସେମାନେ ସହଜରେ ଗ୍ରହଣ କରିନାହାନ୍ତି । ବରଂ ଗତଥର ଅଳ୍ପ ଭୋଟରେ ଜିତିଥିବାରୁ ସଂଜୟ ଗୋଷ୍ଠୀ ପ୍ରଣବଙ୍କୁ ଓସିଏରେ ଏଂଟ୍ରି କରାଇଥିବା ଚର୍ଚ୍ଚା ହେଉଛି । ଏପରି ବି କୁହାଯାଉଛି ଯେ, ପ୍ରତ୍ୟକ୍ଷ ଭାବେ କ୍ଷମତାଧାରୀଙ୍କ ଭିତରେ ଟକ୍କର ହେବନାହିଁ ତଥାପି ଓସିଏ ନିର୍ବାଚନରେ ରାଜନୈତିକ ଶକ୍ତିଙ୍କ ପ୍ରବେଶ ମାହୋଲକୁ ସରଗରମ କରିଛି ।