ଚଳନ୍ତା ଟ୍ରେନରେ ଚାଳକ ଶୋଇପଡିଲେ କଣ ହେବ? ଟ୍ରେନ୍ ଟ୍ରାକରୁ ତଳକୁ ଖସିଯିବ ନା ସୁରକ୍ଷିତ ଗନ୍ତବ୍ୟସ୍ଥଳରେ ପହଞ୍ଚିବ? ଜାଣନ୍ତୁ…
କନକ ବ୍ୟୁରୋ : ପ୍ରତିଦିନ ହଜାର ହଜାର ଲୋକ ଟ୍ରେନରେ ଯାତ୍ରା କରନ୍ତି । ଧନୀ ହେଉ କି ଗରିବ ସବୁ ଶ୍ରେଣୀର ଲୋକ ଏଥିରେ ଯାତ୍ରା କରିଥାନ୍ତି । କାହିଁକି ନା ଦୁର ସ୍ଥାନକୁ ଯିବା ପାଇଁ ବାଇକ୍, ବସ କିମ୍ବା କାର୍ ଅପେକ୍ଷା ଟ୍ରେନରେ ଯାତ୍ରା କରିବା ସହଜ, ଶୀଘ୍ର ଏବଂ ଆରାମଦାୟ ହୋଇଥାଏ । କିନ୍ତୁ କେବେ ଭାବିଛନ୍ତି କି, ଚଳନ୍ତା ଟ୍ରେନରେ ଯଦି ଚାଳକ ଶୋଇ ପଡେ ତାହେଲେ କଣ ହେବ? ଆସନ୍ତୁ ଜାଣିବା…
Kanak News is now on WhatsApp
Join and get latest news updates delivered to you via WhatsApp
ଏକ ଯାତ୍ରୀବାହି ଟ୍ରେନରେ ପ୍ରତିଦିନ ୧୦୦୦ରୁ ୧୫୦୦ ଲୋକ ଯାତ୍ରା କରିଥାନ୍ତି । ଏଭଳି ସ୍ଥିତିରେ ଚାଳକ ଉପରେ ଯାତ୍ରୀଙ୍କ ସୁରକ୍ଷାକୁ ନେଇ ଦାୟୀତ୍ୱ ବଢିଯାଇଥାଏ । ଯଦି ଆପଣ କେବେ ଟ୍ରେନରେ ଯାତ୍ରା କରିଛନ୍ତି ତେବେ ନିଶ୍ଚୟ ଦେଖିଥିବେ ଟ୍ରେନରେ ୨ଜଣ ଚାଳକ ରହିଥାନ୍ତି । ଟ୍ରେନରେ ମୁଖ୍ୟ ଡ୍ରାଇଭରଙ୍କୁ ଲୋକୋ ପାଇଲଟ୍ କୁହାଯାଇଥାଏ ଏବଂ ତାଙ୍କର ସହଯୋଗୀଙ୍କୁ ଆସିଷ୍ଟାଣ୍ଟ୍ ଲୋକୋ ପାଇଲଟ୍ କୁହାଯାଇଥାଏ । ଯଦି ଚଳନ୍ତା ଟ୍ରେନରେ ଲୋକେ ପାଇଲଟ୍ ଶୋଇପଡନ୍ତି କିମ୍ବା କୌଣସି କାରଣରୁ ଅଚାନକ୍ ତାଙ୍କର ଦେହ ଖରାପ ହୋଇଯାଏ ତେବେ ସେଭଳି ପରିସ୍ଥିତିରେ ଆସିଷ୍ଟାଣ୍ଟ୍ ଲୋକୋ ପାଇଲଟ୍ ଟ୍ରେନକୁ ସମ୍ଭାଳିଥାଏ । ଏବଂ ଟ୍ରେନକୁ ଗନ୍ତବ୍ୟସ୍ଥଳରେ ପହଞ୍ଚାଇଥାଏ ।
ଏଠି ପ୍ରଶ୍ନ ଉଠୁଛି ଯଦି ଦୁଇଜଣ ଡ୍ରାଇଭର ଶୋଇଯାଆନ୍ତି ତାହେଲେ କଣ ହେବ? ଚିନ୍ତା କରିବାର କୌଣସି କଥା ନାହିଁ । ଚଳନ୍ତା ଟ୍ରେନରେ ଯଦି ଦୁଇଜଣ ଚାଳକ ବି ଶୋଇଯାଆନ୍ତି ତାହେଲେ ବି କୌଣସି ଅସୁବିଧା ହେବ ନାହିଁ । ଭାରତୀୟ ରେଳବାୟୀ ଯାତ୍ରୀଙ୍କ ଜୀବନ ବଞ୍ଚାଇବା ପାଇଁ ସ୍ୱତନ୍ତ୍ର ବ୍ୟବସ୍ଥା କରି ରଖିଛି । ରେଳବାଇ ରେଳ ରେଳ ଇଞ୍ଜିନରେ ବିଜିଲେନ୍ସ କଣ୍ଟ୍ରୋଲ ଡିଭାଇଜ୍ ଲଗାଇ ରଖିଥାଏ । ଟ୍ରେନ୍ ଇଞ୍ଜିନରେ ଲାଗିରହିଥିବା ଏହି ଡିଭାଇଜ୍ ଡ୍ରାଇଭର୍ ଉପରେ ନଜର ରଖିଥାଏ । ଯଦି ଟ୍ରେନ୍ ଚାଳକ ଗୋଟେ ମିନିଟ୍ ଯାଏଁ କୌଣସି ପ୍ରତିକ୍ରିୟା ନକରନ୍ତି ତାହେଲେ ମାତ୍ର ୧୭ ସେକେଣ୍ଡ ମଧ୍ୟରେ ଏକ ଅଡିଓ ଭିଜୁଆଲ୍ ଇଣ୍ଡିଗେସନ୍ ଆସିଥାଏ । ଇଣ୍ଡିଗେସନ୍ ଆସିବା ମାତ୍ରେ ବଟନ୍ ଦବାଇ ଡ୍ରାଇଭରକୁ ଏହାର ଉତ୍ତର ଦେବାକୁ ପଡିଥାଏ । ଯଦି ଡ୍ରାଇଭର ଏହାର ଉତ୍ତର ନଦିଏ ତେବେ ୧୭ ସେକେଣ୍ଡ ମଧ୍ୟରେ ଟ୍ରେନରେ ଅଟୋମେଟିକ୍ ବ୍ରେକ୍ ଲାଗିବା ଆରମ୍ଭ ହୋଇଯାଇଥାଏ । ଏବେ ଆସନ୍ତୁ ଜାଣିବା ଏହି ସେନ୍ସର ସିଷ୍ଟମ୍ କେମିତି କାମ କରିଥାଏ ।
ଲୋକ ପାଇଲଟ୍ ଯେତେବେଳେ ଟ୍ରେନ୍ ଚଲାଉଥାଏ, ସେତେବେଳେ ଟ୍ରେନକୁ ମଝିରେ ମଝିରେ ସ୍ପିଡ୍ ଏବଂ ସ୍ଲୋ କରିବାକୁ ପଡିଥାଏ । ଅଥବା ହର୍ଣ୍ଣ ମାରିବାକୁ ପଡିଥାଏ । ଏପରି କରିବା ଦ୍ୱାରା ଇଞ୍ଜିନରେ ଲାଗିଥିବା ସେନ୍ସର ଜାଣିପାରିଥାଏ କି ଲୋକୋ ପାଇଲଟ୍ ଠିକ୍ ଭାବରେ ଟ୍ରେନକୁ ଚଲାଉଛନ୍ତି । ତେବେ ଯଦି ଟ୍ରେନରେ ଯାତ୍ରା କଲା ବେଳେ ଆପଣଙ୍କ ମନରେ ବି ଏଭଳି ଭୟ ଜାତ ହୁଏ ତାହେଲେ ଚିନ୍ତା କରିବାର କୌଣସି କଥା ନାହିଁ । ଟ୍ରେନର ଅତ୍ୟାଧୁନିକ ସିଷ୍ଟମ୍ ଯାତ୍ରୀଙ୍କୁ ସୁରକ୍ଷିତ ଗନ୍ତବ୍ୟସ୍ଥଳରେ ପହଞ୍ଚାଇଥାଏ ।