କନକ ବ୍ୟୁରୋ: ଏମିତି ଏକ ଷ୍ଟୋର ଯାହା ସୁଉଚ୍ଚ ପାହାଡରେ ଝୁଲୁଛି । ଏଠିକି ଚା’, ପାଣି ପିଇବାକୁ ଦଉଡିରେ ଚଢି ଯାଆନ୍ତି ଗ୍ରାହକ । ଚା’ ପିଇ ସେମାନଙ୍କ ଥକ୍କାପଣ ଦୂରେଇ ଯାଏ ବୋଲି କୁଅନ୍ତି । ଏଭଳି ଏକ ଷ୍ଟୋର ରହିଛି ଚୀନର ହୁନାନରେ ।
Kanak News is now on WhatsApp
Join and get latest news updates delivered to you via WhatsApp
ହୁନାନ ଅଞ୍ଚଳର ଶିନିଉଝାଇ ନ୍ୟାସନାଲ ଜିଓଲୋଜିକାଲ ପାର୍କରେ ଏଭଳି ଏକ ପାହାଡ ଅଛି ଯାହାର ଉଚ୍ଚତା ୩୯୩ ଫୁଟ । ଏହି ପାହାଡର ମଝିରେ ଝୁଲିବା ଅବସ୍ଥାରେ ରହିଛି ଏକ ଟି ଷ୍ଟୋର । ଯାହାକୁ ଚଳାଉଛନ୍ତି ଜଣେ ମହିଳା । ଏହାକୁ ଦୁନିଆର ସବୁଠୁ ବିପଜ୍ଜନକ ଷ୍ଟୋର ଭାବେ ଜଣାଯାଏ । ଅନ୍ତର୍ଜାତୀୟ ଗଣମାଧ୍ୟମ ଇନସାଇଡର ରିପୋର୍ଟ ମୁତାବକ, ଏଠାକୁ ପର୍ବତାରୋହୀ ରିଫ୍ରେସମେଣ୍ଟ ପାଇଁ ଆସିଥାନ୍ତି । ପୁରା ପାହାଡକୁ ଚଢିବା ମଝିରେ ବ୍ରେକର ଆବଶ୍ୟକତା ପଡେ । ଯାହା ଏହି ଷ୍ଟୋର ପୂରଣ କରେ । ତେବେ ସୋସିଆଲ ମିଡିଆରେ ଏହାର ଫଟୋ ସେୟାର ହେବା ପରେ ଏଯାଏଁ ଏହାକୁ ୫ ହଜାରରୁ ଅଧିକ ଲୋକ ଲାଇକ୍ କରିସାରିଲେଣି । ଏହି ଦୋକାନକୁ ନେଇ ଭିନ୍ନ ଭିନ୍ନ ପ୍ରତିକ୍ରିୟା ମିଳୁଛି । ଏହାକୁ ଅନେକ ବିଶ୍ୱାସ କରିପାରୁନାହାଁନ୍ତି ।