ଗରିବଙ୍କୁ ମାଗଣା ବଣ୍ଟନ ବନ୍ଦ କରିବା ପ୍ରସ୍ତାବ ଉପରେ ବର୍ଷିଲେ ବିଜେପି ସାଂସଦ ବରୁଣ ଗାନ୍ଧୀ, ଜାଣନ୍ତୁ କଣ କହିଲେ
କନକ ବ୍ୟୁରୋ : ବିଜେପି ସାଂସଦ ବରୁଣ ଗାନ୍ଧୀ ପୁଣିଥରେ ନିଜ ଦଳର ସରକାର ଉପରେ ବର୍ଷିଛନ୍ତି । ବିଜେପି ରାଜ୍ୟସଭା ସାଂସଦ ସୁଶୀଲ ମୋଦୀ ସରକାରଙ୍କ ଦ୍ୱାରା ଗରିବ ମାନଙ୍କୁ ଦିଆଯାଉଥିବା କିଛି ମାଗଣା ଉପହାର ବନ୍ଦ କିରବାକୁ ସଂସଦରେ ପ୍ରସ୍ତାବ ରଖିଥିଲେ । ସୁଶୀଲ ମୋଦୀଙ୍କର ଏଭଳି ପ୍ରସ୍ତାବ ଉପରେ ପ୍ରତିକ୍ରିୟା ରଖିଛନ୍ତି ବିଜେପି ସାଂସଦ ବରୁଣ ଗାନ୍ଧୀ । ସେ କହିଛନ୍ତି କି ସାଂସଦମାନେ ଗରିବମାନଙ୍କୁ ସରକାର ମାଗଣାରେ ଯେଉଁ ସହାୟତା ଯୋଗାଇ ଦେଉଛନ୍ତି ତାହା ବନ୍ଦ କରିବାକୁ ପ୍ରସ୍ତାବ ଦେଉଥିବା ସାଂସଦମାନେ ପ୍ରଥମେ ନିଜ ଆଡକୁ ଦେଖନ୍ତୁ । ବରୁଣ ଗାନ୍ଧୀ କହିଛନ୍ତି କି ପ୍ରଥମେ ସାଂସଦମାନଙ୍କୁ ସରକାରଙ୍କ ତରଫରୁ ମିଳୁଥିବା ମାଗଣା ସୁବିଧା ବନ୍ଦ କରିବା ନେଇ ସଂସଦରେ ପ୍ରସ୍ତାବ ଆଣନ୍ତୁ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏହି ମାଗଣା ଯୋଜନା ନୁହେଁ ଏହା ପୂର୍ବରୁ ବି ବରୁଣ ଗାନ୍ଧୀ ଦେଶରେ ବଢୁଥିବା ରୋଷେଇ ଗ୍ୟାସର ଦରବୃଦ୍ଧିକୁ ନେଇ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ । ସେ କହିଥିଲେ କି ଗତ ୫ ବର୍ଷ ମଧ୍ୟରେ ୪.୧୩ କୋଟି ଲୋକ ଏଲପିଜିର ଗୋଟିଏ ଟାଙ୍କି ବି ଭରିବାକୁ ସକ୍ଷମ ହୋଇ ନାହାଁନ୍ତି । ଏହାସହ କେବଳ ୭.୬୭ କୋଟି ଲୋକ ଗୋଟିଏ ଥର ସିଲିଣ୍ଡର ଭରିବାକୁ ସକ୍ଷମ ହୋଇଛନ୍ତି । ସେ କହିଥିଲେ କି ସ୍ୱଚ୍ଛ ଇନ୍ଧନ ବେହେତର ଜୀବନ ଭଳି ସରକାରଙ୍କ ନାରା ଦେଶରେ ସମ୍ପୂର୍ଣ୍ଣ ବିଫଳ ହୋଇଛି ।
श्री सुशील मोदी ने आज सदन में ‘मुफ्तखोरी की संस्कृति’ खत्म करने पर चर्चा का प्रस्ताव रखा है।
पर जनता को मिलने वाली राहत पर उँगली उठाने से पहले हमें अपने गिरेबाँ में जरूर झांक लेना चाहिए।
क्यूँ न चर्चा की शुरूआत सांसदों को मिलने वाली पेंशन समेत अन्य सभी सुविधाएँ खत्म करने से हो? https://t.co/msiSeWkvy8
— Varun Gandhi (@varungandhi80) August 3, 2022
ସେପଟେ ଆଜି ଦେଶର ସର୍ବୋଚ୍ଚ ନ୍ୟାୟାଳୟ ବି ମାଗଣା ବଣ୍ଟନ ରୋକିବା ଉପରେ ସରକାରଙ୍କ ପରାମର୍ଶ ଲୋଡିଛନ୍ତି । ନିର୍ବାଚନ ପୂର୍ବରୁ ରାଜନୈତିକ ଦଳମାନେ ଯେଭଳି ମାଗଣା ଯୋଜନା ଘୋଷଣା କରୁଛନ୍ତି ତାହା ଉପରେ କିଭଳି ରୋକ୍ ଲଗାଯାଇପାରିବ ତାହା ଉପରେ ସେ ସରକାରଙ୍କ ଠାରୁ ପରାମର୍ଶ ମାଗିଛନ୍ତି ।