କନକ ବ୍ୟୁରୋ : ଗୁଜୁରାଟରେ ପ୍ରବଳ ବର୍ଷା କାରଣରୁ ଅହମଦାବାଦର ଅଧିକାଂଶ ସ୍ଥାନ ଜଳମୟ ହୋଇପଡ଼ିଛି । ବିଭିନ୍ନ ସ୍ଥାନରେ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଏହାରି ଭିତରେ ଭାରତୀୟ କୋଷ୍ଟ ଗାର୍ଡର ଉଦ୍ଧାର କାର୍ଯ୍ୟର ଏକ ଭିଡିଓ ଭାଇରାଲ୍ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
#ବନ୍ୟା_ଭିତରୁ_କୁନି_ଜୀବନ_ବଂଚାଇ_ଆଣିଲେ_ଯବାନ
ବନ୍ୟାର ଛାତି ଭିତରେ ଛାତ ଉପରେ ଫସିଥିବା କଅଁଳ କଢିକୁ କାଢିଆଣିଲେ ବୀର ଯବାନ । ଗୁଜୁରାଟ ବନ୍ୟାରେ ଛାତ ଉପରେ ଫସିଥିବା ୨ ଜଣ ମହିଳା ଓ ଜଣେ ଶିଶୁଙ୍କୁ ବଂଚାଇଲେ ଯବାନ । ଭାଇରାଲ୍ ହେଉଛି ଭିଡ଼ିଓ #KanakNews #GujratFlood pic.twitter.com/D3gddH6hdN— Kanak News (@kanak_news) July 15, 2022
ଭିଡିଓରେ ଦେଖିବାକୁ ମିଳିଛି ଯେ କୋଷ୍ଟ ଗାର୍ଡ ଯବାନମାନେ ବନ୍ୟାଞ୍ଚଳରେ ଫସିଥିବା ଦୁଇ ମହିଳା ଓ ଜଣେ ଶିଶୁକୁ ଉଦ୍ଧାର କରିଛନ୍ତି । ଯବାନମାନେ ନିଜ ଜୀବନକୁ ବାଜି ଲଗାଇ ଯେଉଁଭଳି ଭାବେ ମହିଳା ଓ ଶିଶୁକୁ ଉଦ୍ଧାର କରିଛନ୍ତି, ତାହା ପ୍ରଶଂସାଯୋଗ୍ୟ । ଉଦ୍ଧାର କରିବା ପରେ ମହିଳା ଓ ଶିଶୁକୁ ବିମାନ ଯୋଗେ ସୁରକ୍ଷିତ ସ୍ଥାନରେ ପହଂଚାଇଥିଲେ କୋଷ୍ଟଗାର୍ଡ ଯବାନ ।