ରାୟଗଡା ବିଷମକଟକ ବିଧାନସଭା କ୍ଷେତ୍ରରେ ବିଷମ ପରିସ୍ଥିତି । ମନ୍ତ୍ରୀ ଜଗନ୍ନାଥ ସାରକାଙ୍କୁ ଟକ୍କର ଦେଉଛନ୍ତି ବିଜେପି ବିଧାୟକ ପ୍ରାର୍ଥୀ ଜଗନ୍ନାଥ ନୁଣ୍ଡୁକା
କନକ ବ୍ୟୁରୋ : ପୂର୍ବ ନିର୍ବାଚନ ଅପେକ୍ଷା ଅଧିକ ରୋଚକ ହେବ ଚଳିତ ନିର୍ବାଚନ । କାରଣ ବିଷମକଟକରେ ଜଗନ୍ନାଥ ବନାମ ଜଗନ୍ନାଥ ଲଢେଇ ଦେଖିବେ ଜନତା । ୨୦ ବର୍ଷର ସଂପର୍କ ତୁଟେଇ ପରସ୍ପର ବିରୋଧୀ ପ୍ରାର୍ଥୀ ହୋଇଛନ୍ତି ମନ୍ତ୍ରୀ ଜଗନ୍ନାଥ ସାରକା ଓ ଜଗନ୍ନାଥ ନୁଣ୍ଡ୍ରୁକା । ବିଜେଡିର ଜଣେ ଟାଣୁଆ ନେତା ଭାବେ ୨୦୧୪ ଓ ୧୯ରେ ଜଗନ୍ନାଥ ସାରକଙ୍କ ପାଇଁ ଭୋଟ ମାଗୁଥିଲେ ଜଗନ୍ନାଥ ନୁଣ୍ଡ୍ରୁକା । ହେଲେ ଏଥର ସେ ବିଜେପିରୁ ବିଧାୟକ ପ୍ରାର୍ଥୀ ହୋଇଛନ୍ତି । ବିଜେଡି ସରକାରଙ୍କ ବିଫଳତା ବଖାଣିବା ସହ ଡବଲ ଇଂଜିନ୍ ସରକାର ଗଠନ ପାଇଁ ଭୋଟରଙ୍କୁ ନିବେଦନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜେଡିର ବିଧାୟକ ପ୍ରାର୍ଥୀ ଜଗନ୍ନାଥ ସାରକା କହିଛନ୍ତି, ୨୪ ସିଂହାସନ ଲଢେଇରେ ଏହାର କୌଣସି ପ୍ରଭାବ ପଡିବ ନାହିଁ । ଭୋଟର ତାଙ୍କ ସହିତ ଅଛନ୍ତି, ବିଜେଡିର ନିଶ୍ଚୟ ବିଜୟ ହେବ । କିନ୍ତୁ ରାଜନୈତିକ ସମୀକ୍ଷକ କହିଛନ୍ତି ଦୁଇ ଜଗନ୍ନାଥ କଳିରୁ ଫାଇଦା ଉଠାଇପାରନ୍ତି ବିରୋଧୀ କଂଗ୍ରେସ ପ୍ରାର୍ଥୀ ନୀଳମାଧବ ହିକକା ।
ବିଷମକଟକ ବ୍ଳକର ଟାଣୁଆ ରାଜନେତା ଜଗନ୍ନାଥ ନୁଣ୍ଡ୍ରୁକା । ପୂର୍ବରୁ ଜିଲ୍ଲା ସ୍ୱତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ଥିଲେ । ବର୍ତ୍ତମାନ ରାଜ୍ୟ ସମବାୟ ବ୍ୟାଙ୍କ ନିର୍ଦ୍ଧେଶକ ଅଛନ୍ତି । ଜଗନ୍ନାଥଙ୍କ ପତ୍ନୀ ଦୁଃଖିନୀ ନୁଣ୍ଡ୍ରୁକା ମୁନିଗୁଡା ବ୍ଳକ ଅଧ୍ୟକ୍ଷା ରହିଛନ୍ତି । ବିଜେଡି ଟିକେଟ ଆଶାୟୀ ଥିଲେ । ହେଲେ ଦଳ ଜଗନ୍ନାଥ ସାରକାଙ୍କୁ ପୁଣି ଥରେ ପ୍ରାର୍ଥୀ କରିବାରୁ ବିଜେଡି ଛାଡି ବିଜେପିରୁ ପ୍ରାର୍ଥୀ ହୋଇଛନ୍ତି ଜଗନ୍ନାଥ ନୁଣ୍ଡ୍ରୁକା ।