‘ହଁ ମୁଁ ଜେଲରୁ ବସି ରଚିଥିଲି ଷଡଯନ୍ତ୍ର’ ଉମେଶ ପାଲ ହତ୍ୟା ମାମଲାରେ ଅତିକର ଦୋଷ ସ୍ୱୀକାର
କନକ ବ୍ୟୁରୋ: ଅତିକ ମହମ୍ମଦ ନିଜ ପୁଅ ଅସଦ ଏବଂ ସୁଟର ଗୁଲାମର ମୃତ୍ୟୁ ପରେ ଭାଙ୍ଗିପଡିଛି । ଅତିକ ନିଜର ଭୁଲ ମାନିନେଇଥିବା ବେଳେ ସେ ହତ୍ୟାକାଣ୍ଡର ପୂରା ପ୍ରସ୍ତୁତି କରିଥିବା କହିଛି । ରିମାଣ୍ଡ କପି ଅନୁସାରେ, ଅଭିଯୁକ୍ତ ଅତିକ ଅହମ୍ମଦ ୨୦୨୩ ଅପ୍ରେଲ ୧୨ ତାରିଖରେ ନିଜ ବୟାନରେ କହିଛି ଯେ, ମୁଁ ଉମେଶ ପାଲ ହତ୍ୟାକାଣ୍ଡର ପୂରା ଷଡଯନ୍ତ୍ର ଜେଲ ଭିତରୁ ରଚିଥିଲି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଅତିକ ନିଜ ପତ୍ନୀ ସାଇସ୍ତା ସହ ସାକ୍ଷାତ ବେଳେ ତାକୁ ନୂଆ ମୋବାଇଲ ତଥା ସିମ ଦେଇଥାନ୍ତା । ଏଥିରେ ଜଣେ ସରକାରୀ ବାବୁ ସାମିଲ ଥିବା ସେ କହିଛି । ତାଙ୍କ ଜରିଆରେ ହିଁ ମୋବାଇଲ ଏବଂ ସିମ ଜେଲ ଭିତରେ ପହଞ୍ଚିବାର ଥିଲା । ଏହା ସହ ଜେଲରେ ବନ୍ଦ ଥିବା ଅସରଫକୁ ମଧ୍ୟ ଜେଲରେ ମୋବାଇଲ ଏବଂ ସିମ ଦେବାର ପୂରା ଯୋଜନା ପ୍ରସ୍ତୁତ ହୋଇଥିଲା ।
ଅତିକ ପୋଲିସକୁ କହିଛି ଯେ, ଆମେ ଜେଲରୁ ହିଁ ଉମେଶ ହତ୍ୟାର ପୂରା ଯୋଜନା ପ୍ରସ୍ତୁତ କରିଛୁ । ସାଇସ୍ତା ସୂଚନା ଦେଇଥିଲା ଯେ, ଉମେଶ ସହିତ ୨ ଜଣ ଗନମ୍ୟାନ ମଧ୍ୟ ରହିଛନ୍ତି । ପ୍ରଥମେ ଉମେଶ ପାଲର ସୁରକ୍ଷାରେ ସାମିଲ ଥିବା ପୁଲିସକୁ ମାରିବାକୁ ନିର୍ଦ୍ଦେଶ ଦିଆଯାଇଥିଲା । ଅର୍ଥାତ ପୋଲିସ ଉପରେ ଆକ୍ରମଣ କରିବାର ପୂରା ଯୋଜନା ପୂର୍ବ ନିର୍ଦ୍ଧାରିତ ଥିଲା । ତେଣୁ ବର୍ତ୍ତମାନ ସ୍ପଷ୍ଟ ହୋଇସାରିଛି ଯେ ଉମେଶ ପାଲ ହତ୍ୟାକାଣ୍ଡରେ ଅତିକ ଏବଂ ଅସରଫ ସାମିଲ ରହିଥିଲେ, ଏହା ସହ ସାଇସ୍ତା ପରବିନର ଭୂମିକା ମଧ୍ୟ ଗୁରୁତ୍ୱପୂର୍ଣ୍ଣ ଥିଲା । ବର୍ତ୍ତମାନ ସାଇସ୍ତା ଫେରାର ରହିଛି । ତାକୁ ଧରିବା ପାଇଁ ଅନେକ ଟିମର ଗଠନ କରାଯାଇଛି । ପ୍ରୟାଗରାଜ ପୋଲିସ ପାଖରେ ସୂଚନା ରହିଛି ଯେ ସାଇସ୍ତା ନିଜ ପୁଅ ଅସଦ ସହ କେଉଁଠାରେ ଅଛି । ପୋଲିସ ଏବେ ମଧ୍ୟ ସେମାନଙ୍କୁ ଖୋଜିବାରେ ଲାଗିଛି ।