ପ୍ରଚଣ୍ଡ ଗରମରୁ ଏବେ ନାହିଁ ଆଶ୍ୱସ୍ତି, ଉତ୍ତର ଭାରତରେ ଏବେ ଜାରିରହିବ ତାତି।
କନକ ବ୍ୟୁରୋ: ଅପ୍ରେଲ ମାସରେ ପ୍ରବଳ ଗରମ ଯୋଗୁ ଲୋକଙ୍କ ଅବସ୍ଥା ସାଂଘାତିକ ହେବାରେ ଲାଗିଛି । ତେବେ ଏଥିରୁ କୌଣସି ପ୍ରକାର ଆଶ୍ୱସ୍ତି ଦେଖିବାକୁ ମିଳିନାହିଁ । ପାଣିପାଗ ବିଭାଗ ପକ୍ଷରୁ ଆଗାମୀ କିଛି ଦିନ ପାଇଁ ଏଭଳି ସ୍ଥିତି ଲାଗିରହିବା ନେଇ ଅନୁମାନ ଲଗାଯାଇଛି । ବିଶେଷ କରି ପୂର୍ବ-ଉପକୂଳ ବର୍ତ୍ତୀ ଅଞ୍ଚଳରେ ଏହି ଗ୍ରୀଷ୍ମ ପ୍ରବାହ ଜାରିରହିବା ନେଇ ଆକଳନ କରାଯାଇଛି । ଲୁ’ର ପ୍ରଭାବ ଜାରିରହିବ ବୋଲି ପାଣିପାଗ ବିଭାଗ ସୂଚନା ଦେଇଛି । ସେପଟେ ପଶ୍ଚିମ ଅଞ୍ଚଳରେ ବର୍ଷା ହେବା ନେଇ ଆକଳନ କରାଯାଉଛି । ଦିଲ୍ଲୀ ଏବଂ ୟୁପିରେ ଲୋକଙ୍କ ଆଶ୍ୱସ୍ତି ମିଳିବାର ସମ୍ଭାବନା ଦେଖିବାକୁ ମିଳୁନାହିଁ ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ ପଶ୍ଚିମବଙ୍ଗ, ବିହାର, ଓଡିଶାର ଅନେକ ଅଞ୍ଚଳରେ ପ୍ରଚଣ୍ଡ ଗରମ ଅନୁଭୂତ ହେବ । ସେପଟେ ପଶ୍ଚିମ ଭାରତ ଏବଂ ଉତ୍ତର ଭାରତର କିଛି ଅଞ୍ଚଳରେ ବିଜୁଳି ଘଡଘଡି ସହ ହାଲୁକାରୁ ମଧ୍ୟମଧରଣର ବର୍ଷା ନେଇ ଆକଳନ କରାଯାଇଛି ।