ମାଟିରେ ମିଶିବ ୩୨ ମହଲା ଓ ୨୯ ମହଲା କୋଠା । ଧୂଳିସାତ ହେବ ନଏଡାର ଟ୍ୱିନ୍ ଟାୱାର । ଆପଣ ଜାଣିଛନ୍ତି କି, ଟ୍ୱିନ୍ ଟାୱାରର ମାଲିକ କିଏ?
କନକ ବ୍ୟୁରୋ: ମାଟିରେ ମିଶିବ ଟ୍ୱିନ୍ ଟାୱାର । ଆଜି ଦ୍ୱିପହର ଠିକ୍ ୨ଟା ୩୦ ମିନିଟରେ ଏହି ବିଶାଳ କୋଠାରେ ଭୂଇଁରେ ଧୂଳିସାତ ହେବ । ତେବେ ଏଥିପାଇଁ ସମସ୍ତ ପ୍ରସ୍ତୁତି ଶେଷ ହୋଇସାରିଛି । ମାତ୍ର ୯ରୁ ୧୨ ସେକେଣ୍ଡ ଭିତରେ ବିସ୍ପୋରକ ଲଗେଇ ଟ୍ୱିନ୍ ଟାୱାରକୁ ଧ୍ୱଂସ କରାଯିବ । ତେବେ ଆପଣ ଜାଣିଛନ୍ତି କି ଏହି ଟ୍ୱିନ୍ ଟାୱାରର ମାଲିକ କିଏ?
Kanak News is now on WhatsApp
Join and get latest news updates delivered to you via WhatsApp
କୋଟି କୋଟି ଟଙ୍କା ଖର୍ଚ୍ଚ କରି ଏହି ବିଶାଳ କୋଠାର ନିର୍ମାଣ କରାଯାଇଥିଲା । ତେବେ ଏହି ଟ୍ୱିନ୍ ଟାୱାରକୁ ନିର୍ମାଣ କରିଥିବା କମ୍ପାନୀ ହେଉଛି ସୁପରଟେକ୍ କମ୍ପାନୀ । ଯାହାର ମାଲିକ ହେଉଛନ୍ତି ଆରକେ ଅରୋଡା । ତେବେ ଆରକେ ଅରୋଡା ହେଉଛନ୍ତି ୩୪ଟି କମ୍ପାନୀର ମାଲିକ । ସିଭିଲ ଏଭିଏସନ୍ ସହ କନସଲଟାନ୍ସି, ବ୍ରୋକିଙ୍ଗ୍, ଫିଲ୍ମସ, ହାଉସିଂ ଆଦି ଜଗତରେ ମଧ୍ୟ ସେ ନିଜର ପରିଚିତ ହାସଲ କରିଛନ୍ତି ।
୧୯୯୫ ମସିହାରେ ଆରକେ ଅରୋଡା ଏହି କମ୍ପାନୀର ଆରମ୍ଭ କରିଥିଲେ । କମ୍ପାନୀ ପରେ ପରେ ନୋଏଡା, ଗ୍ରେଟର ନୋଏଡା, ଯମୁନା ବିକାଶ ପ୍ରାଧିକରଣ କ୍ଷେତ୍ର, ମିରଟ, ଦିଲ୍ଲୀ-ଏନସିଆରରେ ସହ ଦେଶର ଭିନ୍ନ ଭିନ୍ନ ସହରରେ ଏକାଧିକ ରିୟଲ ଷ୍ଟେଟ୍ ପ୍ରୋଜେକ୍ଟ ଲଞ୍ଚ କରିଥିଲା । ଆଉ ଦେଖୁ ଦେଖୁ ଅରୋଡା ରିୟଲ ଷ୍ଟେଟ୍ ପରିଚିତି ହାସଲ କରିଥିଲା ।
ତେବେ ଆଜି ମାତ୍ର ୯ସେକେଣ୍ଡରେ ଧ୍ୱଂସ ହୋଇଯିବ ଦିଲ୍ଲୀ ନୋଏଡାର ଏହି ଟ୍ୱିନ ଟାୱାର । ନୋଏଡାରେ ବେଆଇନ ଭାବେ ନିର୍ମିତ ବହୁତଳ ବିଶିଷ୍ଟ ସୁପରଟେକ ଟ୍ୱିନ-ଟାୱାର ଆଜି ମାଟିରେ ମିଶିବ । ଅପରାହ୍ନ ୨ଟା ୩୦ରେ ଏହି ଟୁଇନ ଟାୱାର ଭଙ୍ଗାଯିବ । ବିସ୍ପୋରଣ କରି ୯ ସେକେଣ୍ଡ ମଧ୍ୟରେ ଏହାକୁ ମାଟିରେ ମିଶାଇ ଦିଆଯିବ । ଏଥିପାଇଁ ବ୍ୟବହାର ହେବ ୩ ହଜାର ୭ଶହ କେଜି ବିସ୍ଫୋରକ । ଦୁଇଟି ଟାୱାର ମଧ୍ୟରୁ ଗୋଟିଏ ୩୨ ମହଲା ଓ ଅନ୍ୟଟି ୨୯ ମହଲା ରହିଛି । ଟାୱାର୍ସରେ ମୋଟ ୯୧୫ ଫ୍ଲାଟ ରହିଛି ।
ତେବେ ନିୟମ ଉଲ୍ଲଂଘନ ହେବା ପରେ ସୁପ୍ରିମକୋର୍ଟ ଏହାକୁ ଭାଙ୍ଗିବା ପାଇଁ ନିର୍ଦ୍ଦେଶ ଦେଇଛନ୍ତି । ମୁମ୍ବାଇ ଏଡିଫାଇସ ଇଞ୍ଜିନିୟରିଂ ଏହି ଭାଙ୍ଗିବା ଦାୟିତ୍ୱ ନେଇଛି । ଏଥିପାଇଁ ପ୍ରାୟ ୭ ମାସ ଧରି ଏଥିପାଇଁ ଯୋଜନା ପ୍ରସ୍ତୁତ କରିଛି ସଂସ୍ଥା । ପୂର୍ବରୁ ଏହି ସଂସ୍ଥା ୨୦୨୦ରେ କେରଳର କୋଚିରେ ୪ଟି ବଡ଼ କୋଠାକୁ ଭାଙ୍ଗିବା କାମ ସଫଳ ଭାବେ ତୁଲାଇଥିଲା ।