କନକ ବ୍ୟୁରୋ: ହୋମ ଯଜ୍ଞ ପଣ୍ଡିତଙ୍କ ଏବଂ ପରୋହିତଙ୍କର ମନ୍ତ୍ରଧ୍ୱନୀ ସମସ୍ତ ରିତି ନିତିରେ ସମ୍ପର୍ଣ୍ଣ ହୋଇଛି ବର ଏବଂ ଓସ୍ତ ଗଛ ମଧ୍ୟରେ ଏକ ନିଆରା ବିବାହ । ସମ୍ପର୍ଣ୍ଣ ଆଧ୍ୟାତ୍ମିକ ପରିବେଷରେ ବିବାହ କାର୍ଯ୍ୟ ସମ୍ପର୍ଣ୍ଣ ହୋଇଥିବା ବେଳେ ବର ପକ୍ଷ ଏବଂ କନ୍ୟା ପକ୍ଷ ପକ୍ଷରୁ ହୋଇଥିଲା ବିବାହର ଆୟୋଜନ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରାପଡା ଜିଲ୍ଲା ଗରଦପୁର ବ୍ଲକ ବିଚଣା ଗ୍ରାମର ମା ଶାରଳାଙ୍କ ମନ୍ଦିର ନିକଟରେ ପାଳିତ ହୋଇଯାଇଛି ଏକ ନିଆରା ବିବାହ ଉତ୍ସବ । ଏହି ବିବାହ ହୋଇଛି ବର ଆଉ ଓସ୍ତ ପରି ଦୁଇଟି ଗଛ ମଧ୍ୟରେ । ସମ୍ପର୍ଣ୍ଣ ରୀତିନିତି ଏବଂ ହୋମ ଯଜ୍ଞ ସହିତ ପୁରୋହିତ ଏବଂ ପଣ୍ଡିତଙ୍କ ମନ୍ତ୍ରଧ୍ୱନିରେ ଧୁମ ଧାମର ସହିତ ଏହି ବିବାହ କାର୍ଯ୍ୟ ସମ୍ପର୍ଣ୍ଣ ହୋଇଛି । ସମ୍ପୂର୍ଣ୍ଣ କୋଭିଡ କଟକଣା ସହିତ ବିବାହ କାର୍ଯ୍ୟ ସମ୍ପର୍ଣ୍ଣ ହେବା ସହିତ ଭାଜିଭାତର ମଧ୍ୟ ଆୟୋଜନ କରାଯାଇଥିଲା । କନ୍ୟା ପକ୍ଷ ବିବାହର ସମସ୍ତ ଆୟୋଜନ କରିବା ସହିତ ବର ପକ୍ଷ ମଧ୍ୟ ବର ସହତ ବରାଯାତ୍ରୀ ମାନଙ୍କୁ ନେଇ ବିବାହ ପାଇଁ କନ୍ୟା ଘରେ ପହଁଚି ଥିଲେ । ବିଚଣା ଗ୍ରାମର କୁଳମଣି ବେହେରା ବର ମାନେ ବରଗଛର ପିତା ହୋଇଥିବା ବେଳେ ମହାକାଳପଡା ବ୍ଲକ ନଳଦିଆଶାସନ ଗ୍ରାମର ସଲିଳ ପ୍ରଧାନ ହେଉଛନ୍ତି କନ୍ୟା ମାନେ ଓସ୍ତ ଗଛର ପିତା ହୋଇ ବିବାହ ସମ୍ପନ୍ନ କରିଥିଲେ ।
ଗରଦପୁର ବ୍ଲକ ବିଚଣା ଗ୍ରାମର କୁଳମଣି ହେଉଛନ୍ତି ଜଣେ ପରିବେଶପ୍ରେମୀ ଗଛ ଲଗାଇବା ଏବଂ ସେବା ଯତ୍ନ ସହ ବଡ କରିବା ସତେ ଯେପରି ତାଙ୍କର ଏକ ନିଶା । ତାଙ୍କର ଘର ନିକଟରେ ଥିବା ମା ଶାରଳାଙ୍କ ମନ୍ଦିର ସମ୍ମୁଖରେ ଥିବା ରାସ୍ତା କଡରେ ଅନେକ ଦିନ ତଳେ ବର ଏବଂ ଓସ୍ତ ଦୁଇଟି ଗଛ ଲଗାଇଥିଲେ । କୁଳମଣି ଗଛ ଦୁଇଟିର ସେବାଯତ୍ନ ଦେଇ ବଡ କରିବା ସହିତ ତାଙ୍କୁ ନିଜର ସନ୍ତାନ ପରି ଦେଖୁଥିଲେ । ସମାଜକୁ ପରିବେଷ ସଚେତନତା ବାର୍ତା ଦେବା ସହିତ ଗଛ ଲତାକୁ ସ୍ନେହ ଆଦର ସହିତ ବଡ କରି ପରିବେଶକୁ ସୁନ୍ଦର କରି ଗଢି ତୋଳିବାର ଏକ ସ୍ୱପ୍ନ ତାଙ୍କର ଥିଲା ମୁଳଲକ୍ଷ । ବିବାହ କାର୍ଯ୍ୟ ସମ୍ପର୍ଣ୍ଣ ହେବା ପରେ ଝିଅ ବିଦାୟ ସମୟରେ କନ୍ୟା ମାତା ସବିତା ଏବଂ ପିତା ସଲିଳ କାନ୍ଦି ପକାଇଥିବାର ସୁଚନା ଦେଇଛନ୍ତି । ଏପଟେ ନୁଆ ବୋହୁକୁ ଶ୍ୱଶୁର କୁଳମଣି ଏବଂ ଶାଶୁ ଖୁଲଣା ନୁଆ ବୋହୁକୁ ପାଇ ବେଶ୍ ଖୁସି ବ୍ୟକ୍ତ କରିବା ସହିତ ନିଜକୁ ଭାଗ୍ୟବାନ ମନେ କରିଛନ୍ତି ।