କନକ ବ୍ୟୁରୋ: ଆଜି ଦେଶର ଅମର ବରପୁତ୍ର ତଥା ଅନନ୍ୟ ସ୍ୱାଧୀନତା ସଂଗ୍ରାମୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କର ୧୨୫ ତମ ଜୟନ୍ତି । ଏହି ଅବସରରେ ଚାରିଆଡେ ତାଙ୍କୁ ଦିଆଯାଉଛି ପୁଷ୍ପମାଲ୍ୟ ସମ୍ମାନ । ହେଲେ ଏହାକୁ ନେଇ ପଶ୍ଚିମବଙ୍ଗରେ ଦେଖାଦେଇଛି ଅପ୍ରୀତିକର ପରିସ୍ଥିତି । ନେତାଜୀଙ୍କ ପ୍ରତିମୂର୍ତ୍ତୀରେ ପୁଷ୍ପମାଲ୍ୟ ଦେବାକୁ ଦୁଇ ଗୋଷ୍ଠୀଙ୍କ ମଧ୍ୟରେ ଆରମ୍ଭ ହୋଇଥିଲା ପ୍ରତିଯୋଗିତା । ଏହାକୁ ନେଇ କଥା ଯାଇ ଧସ୍ତାଧସ୍ତିରେ ପହଞ୍ଚିଥିଲା । କ୍ରମେ ପରିସ୍ଥିତି ଏତେ ଜଟିଳ ହୋଇଯାଇଥିଲା ଯେ, ଏହାକୁ ନିୟନ୍ତ୍ରଣ କରିବାକୁ ସେଠାରେ ପହଞ୍ଚିଥିଲା ସୁରକ୍ଷା ବଳ । ବାଧ୍ୟ ହୋଇ ଆରମ୍ଭ ହୋଇଥିଲା ଫାଙ୍କା ଗୁଳିଚାଳନା ଓ ଲାଠିଚାର୍ଜ ।
Kanak News is now on WhatsApp
Join and get latest news updates delivered to you via WhatsApp
#WATCH | Scuffle broke out between TMC and BJP supporters during an event on the 125th birth anniversary of Netaji #SubhasChandraBose, in Bhatpara, West Bengal. pic.twitter.com/kRr6dIJWtl
— ANI (@ANI) January 23, 2022
ଏପରି ଘଟଣା ଘଟିଛି ପଶ୍ଚିମବଙ୍ଗର ବ୍ୟାରାକପୁରରେ । ନେତାଜୀଙ୍କ ପ୍ରତମୂର୍ତ୍ତିରେ ପୁଷ୍ପମାଲ୍ୟ ଦେବାକୁ ସେଠାରେ ପହଞ୍ଚିଥିଲେ ଉଭୟ ଟିଏମସି ଓ ବିଜେପି ନେତା ଓ କର୍ମୀ । ହେଲେ କିଏ ଆଗ ପୁଷ୍ପମାଲ୍ୟ ଦେବ ତାହାକୁ ନେଇ ଦୁଇ ଦଳର କର୍ମୀଙ୍କ ମଧ୍ୟରେ ବଚସା ହୋଇଥିଲା । କ୍ରମେ ପରିସ୍ଥିତି ଏତେ ବିଗିଡି ଯାଇଥିଲା ଯେ, ବିଜେପି ସାଂସଦ ଅର୍ଜୁନ ସିଂହଙ୍କ ସୁରକ୍ଷା ପହଞ୍ଚି ପରିସ୍ଥିତି ନିୟନ୍ତ୍ରଣ କରିବାକୁ ଫାଙ୍କା ଗୁଳିଚାଳନା କରିବା ସହ , ପୋଲିସ ପହଞ୍ଚି ଲାଠିଚାର୍ଜ କରିଥିଲା । ବିଜେପି କର୍ମୀଙ୍କ କହିବା ଅନୁଯାୟୀ, ସିଏମସି କର୍ମକର୍ତ୍ତାମାନେ ଅର୍ଜୁନ ସିଂହଙ୍କୁ ଲକ୍ଷ୍ୟ କରି ପଥର ମାଡ କଲେ । ଏହାପରେ ତାଙ୍କ ସୁରକ୍ଷା କର୍ମୀମାନେ ଫାଙ୍କା ଗୁଳିଚାଳନା କରିବାକୁ ବାଧ୍ୟ ହୋଇଥିଲେ । ଅନ୍ୟପଟେ ବିନା ଦୋଷରେ ଅର୍ଜୁନ ସିଂହଙ୍କ ସୁରକ୍ଷା କର୍ମୀ ୭ ରାଉଣ୍ଡ ଗୁଳିଚଳାଇଥିବା କହିଛନ୍ତି ଟିଏମସି କର୍ମୀ ।