ମୋବାଇଲ ବିସ୍ଫୋରଣ ହେବା ଅଘଟଣକୁ ଏଡାଇବେ କେମିତି ? ସତର୍କତାମୂଳକ ପଦକ୍ଷେପ ନେଇ ବିଶେଷଜ୍ଞଙ୍କ ଟିପ୍ସ
କନକ ବ୍ୟୁରୋ : ମୋବାଇଲ ବିସ୍ଫୋରଣ ହେବା ଅଘଟଣକୁ କେମିତି ଏଡାଇ ପାରିବେ । ଏନେଇ ଆଇଟି ଏକ୍ସପର୍ଟ ସତର୍କତାମୂଳକ ପଦକ୍ଷେପ ନେବା ଉପରେ ଟିପ୍ସ ଦେଇଛନ୍ତି । ଯାହାକୁ ଅନୁସରଣ କରି ଆପଣ ମଧ୍ୟ ମୋବାଇଲ ବିସ୍ଫୋରଣ ଭଳି ଅଘଟଣକୁ ଏଡାଇ ସୁରକ୍ଷିତ ରହିପାରିବେ ।
Kanak News is now on WhatsApp
Join and get latest news updates delivered to you via WhatsApp
ମୋବାଇଲ ବ୍ଲାଷ୍ଟ: ଏଡାଇବେ କେମିତି ?
– ମୋବାଇଲକୁ ଚାର୍ଜରେ ବସାଇ କଥା ହୁଅନ୍ତୁ ନାହିଁ
– ରାତି ସାରା ମୋବାଇଲକୁ ଚାର୍ଜ କରନ୍ତୁ ନାହିଁ
– ମୋବାଇଲ ବ୍ରାଣ୍ଡର ବ୍ୟାଟେରି ଓ ଚାର୍ଜର ବ୍ୟବହାର କରନ୍ତୁ
– ମୋବାଇଲରେ ଅନ୍ୟ ବ୍ରାଣ୍ଡର ଚାର୍ଜର, ବ୍ୟାଟେରୀ ଲଗାନ୍ତୁ ନାହିଁ
– ଫୁଲିଯାଇଥିବା ମୋବାଇଲ ବ୍ୟାଟେରିକୁ ବ୍ୟବହାର କରନ୍ତୁ ନାହିଁ
– ବ୍ୟାଟେରି ଫୁଲିଯାଇଥିଲେ ତୁରନ୍ତ ବଦଳାଇ ନିଅନ୍ତୁ
– ତକିଆ ତଳେ ମୋବାଇଲ ରଖି ଶୁଅନ୍ତୁ ନାହିଁ
ମୋବାଇଲରେ ଭିଡିଓ ଦେଖୁଥିବା ସମୟରେ ଅଚାନକ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ଛାତ୍ରୀ ଜଣକ ଗୁରୁତର ଆହତ ହୋଇଥିଲେ । ଚିକିତ୍ସା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଡାକ୍ତର ଝିଅର ଜୀବନ ବଞ୍ଚାଇବାକୁ ସମର୍ଥ ହୋଇନଥିଲେ । ଏଭଳି ଏକ ଅଭାବନୀୟ ଘଟଣା ଘଟିଛି କେରଳର ଥ୍ରିସୁରରେ । ଏ ଘଟଣାରେ ମୃତ୍ୟୁବରଣ କରିଥିବା କୁନିଝିଅର ନାଁ ଆଦିତ୍ୟାଶ୍ରୀ ।
ଆଦିତ୍ୟାଶ୍ରୀ ଥିରୁଭିଲୱାମଲାରେ ଥିବା ଖ୍ରୀଷ୍ଟ ନ୍ୟୁ ଲାଇଫ୍ ସ୍କୁଲରେ ତୃତୀୟ ଶ୍ରେଣୀରେ ପଢ଼ୁଥିଲେ । ଏ ଘଟଣାଟି ଏଥିପାଇଁ ଗୁରୁତ୍ୱ ରଖୁଛି, କାରଣ ପ୍ରତି ଘରେ କୁନିକୁନି ପିଲାମାନେ ମୋବାଇଲ ଦେଖିବାରେ ଅଭ୍ୟସ୍ତ ରହୁଛନ୍ତି । ଘଣ୍ଟା ଘଣ୍ଟା ଧରି ମୋବାଇଲ ଦେଖୁଛନ୍ତି । ଛୋଟ ଛୋଟ ପିଲାମାନେ ଖେଳିବା, ବୁଲିବା ଛାଡି ମୋବାଇଲ ଦେଖୁଛନ୍ତି । ଛୁଟି ଦିନରେ ଏହି ଅଭ୍ୟାସ ଆହୁରି ବଢ଼ି ଯାଉଛି । ଯାହାକି ସେମାନଙ୍କ ପାଇଁ ବିପଦ ବନୁଛି । ଆଉ ପିଲାଙ୍କ ସଉକ କେମିତି ଗୋଟିଏ ଜୀବନ ନେଇପାରେ, ଏହି ଘଟଣାରୁ ସ୍ପଷ୍ଟ ଅନୁମାନ କରିହେଉଛି ।