ଗଛରେ ପିଟି ହେଲା କାର : ଦୁର୍ଘଟଣାରେ ୩ ଜଣଙ୍କ ମୃତ୍ୟୁ
କନକ ବ୍ୟୁରୋ : ସଡ଼କ ଦୁର୍ଘଟଣା ନେଲା ଜୀବନ । ନବରଙ୍ଗପୁର ଜିଲ୍ଲା ଉମରକୋଟ ବାସିନୀ ଛକରେ ଭାରସାମ୍ୟ ହରାଇ ଗଛକୁ ପିଟିଲା କାର । ଦୁର୍ଘଟଣାରେ ଚାଲିଗଲା ୩ଜଣଙ୍କ ଜୀବନ ଯାଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ଗୁରୁତରଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଗତକାଲି ବିଳମ୍ବିତ ରାତିର ଘଟିଥିଲା ଏହି ଦୁର୍ଘଟଣା । କାର ଜଗଦଲପୁରରୁ ଫେରୁଥିବ ବେଳେ ଉମରକୋଟ ବ୍ଲକ ବାସିନୀ ଠାରେ ଭାରସାମ୍ୟ ହରାଇ ଏକ ଗଛକୁ ପିଟି ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଗାଡ଼ିରେ ଥିଲେ ରାଇଘର ବ୍ଲକ ସନପୁର ଗାଁର ଗୌରାଙ୍ଗ ରାୟ, ଉମରକୋଟ ବ୍ଲକ ଅଞ୍ଚଳା ଗାଁର ସତ୍ୟ ରଞ୍ଜନ ବେପାରୀ, ତରୁଲତା ବେପାରୀ । ଉମରକୋଟ ପୋଲିସ, ଅଗ୍ନିଶମ ବାହିନୀ ପହଞ୍ଚି ସମସ୍ତଙ୍କୁ ଉଦ୍ଧାର କରି ଉମରକୋଟ ମେଡିକାଲରେ ପହଞ୍ଚାଇଥିଲେ । କିନ୍ତୁ ସେଠାରେ ଡ୍ରାଇଭର ସୁରେଶ ମଣ୍ଡଳ ସହ ଅନ୍ୟ ୨ ଜଣଙ୍କୁ ମୃତ ଘୋଷଣା କରିଥିଲେ ଡାକ୍ତର । ତରୁଲତାଙ୍କ ପ୍ରାଥମିକ ଚିକିତ୍ସା ପରେ ନବରଙ୍ଗପୁରକୁ ସ୍ଥାନାନ୍ତର କରାଯାଇଛି ।