ସୁନା ଠାରୁ ମହଙ୍ଗା ଏହି ପ୍ରଜାତିର ଆଳୁ, ଜାଣନ୍ତୁ ଏହି ଆଳୁରେ କଣ ରହିଛି ବିଶେଷତ୍ୱ
କନକ ବ୍ୟୁରୋ : ଆଳୁକୁ ଆମେ ପରିବା ମଧ୍ୟରେ ରାଜା ବୋଲି କହିଥାଉ । କାରଣ ଅଧିକାଂଶ ତରକାରୀରେ ଆଳୁକୁ ହିଁ ବ୍ୟବହାର କରାଯାଇଥାଏ । ହେଲେ କେବେ ବି ଏହାକୁ ରାଜାଭଳି ସମ୍ମାନ ମିଳିନଥାଏ । ଏହାସହ ଆଳୁର ଦାମ କେବେ ବି ଏତେ ବୃଦ୍ଧି ହୋଇ ନଥାଏ ଯେ କେହି ଏହାକୁ ପରିବା ମଧ୍ୟରେ ରାଜା ବୋଲି ଭାବିବ । ହେଲେ ଆଜି ଆମେ ଯେଉଁ ଆଳୁ ବାବଦରେ କହିବାକୁ ଯାଉଛୁ ତାହାକୁ ଖାଇବା ତ ଦୂରର କଥା କିଣିବାକୁ ବି ଆପଣଙ୍କୁ ହଜାରେ ଥର ଭାବିବାକୁ ପଡିବ । ଏହି ଆଳୁର ଦାମ ଏତେ ଯେ ଲୋକ ଆଳୁ କିଣିବା ବେଳେ ସୁନା କିଣିବା ଭଳି ଅନୁଭବ କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ଯେଉଁ ଆଳୁ ବାବଦରେ ଆମେ ଆପଣଙ୍କୁ କହିବାକୁ ଯାଉଛୁ ତାହାକୁ ‘ଲେ ବୋନଟ’ ଆଳୁ ବୋଲି କୁହାଯାଇଥାଏ । ଏହି ଆଳୁରୁ ଆପଣ ଯଦି ଗୋଟିଏ କିଲୋ କିଣିବାକୁ ଯିବେ ତେବେ ଆପଣଙ୍କୁ ୫୦ ହଜାର ଟଙ୍କା ଦେବାକୁ ପଡିବ । ଅର୍ଥାତ ଆପଣ ଗୋଟିଏ କିଲୋ ଆଳୁ ବଦଳରେ ୧୦ ଗ୍ରାମ ସୁନା କିଣିପାରିବେ ମଧ୍ୟ । ହେଲେ ଏତେ ମହଙ୍ଗା ହୋଇଥିଲେ ବି ଏହି ଆଳୁର ଡିମାଣ୍ଡ ସବୁବେଳେ ରହିଛି । ଧନୀଶ୍ରେଣୀର ଲୋକ ଏହି ଆଳୁ କିଣିବାକୁ ନିଜର ଆଭିଜାତ୍ୟ ବୋଲି ଭାବିଥାନ୍ତି ।
‘ଲେ ବୋନେଟ’ ଆଳୁ ମହଙ୍ଗା ହେବା ପଛରେ ଅନେକ କାରଣ ରହିଛି । ପ୍ରଥମ କାରଣ ଭାବେ ଏହି ଆଳୁ ଗୋଟିଏ ବର୍ଷରେ ମାତ୍ର ୧୦ଦିନ ପାଇଁ ବଜାରକୁ ଆସିଥାଏ । ଏହା ବିଶେଷ ଭାବେ ଫ୍ରାନ୍ସର ‘ଇଲେ ଷହ ନୋର୍ମୋଟାୟାର’ ଦୀପରେ ଚାଷ କରାଯାଇଥାଏ । ଏହା ବ୍ୟତୀତ ଅନ୍ୟ କୌଣସି ଜଳବାୟୁରେ ଏହି ଆଳୁ ଚାଷ କରାଯାଇ ନଥାଏ । ଏହି କାରଣରୁ ଏହି ପ୍ରଜାତିର ଆଳୁର ଦାମ ଏତେ ମହଙ୍ଗା ହୋଇଥାଏ ।
କୁହାଯାଉଛି କି, ଏହି ଆଳୁରେ ଏକ ସ୍ୱତନ୍ତ୍ର ପ୍ରକାରର ପୋଷକ ତତ୍ୱ ରହିଛି । ଆଳୁ ବ୍ୟତୀତ ତାର ଚୋପା ବି ବେଶ୍ ଉପକାରୀ । ଖାଇଥିବା ଲୋକ କହନ୍ତି କି ଏହି ଆଳୁରେ ଲେମ୍ବୁ, ଲୁଣ ଓ ଅନ୍ୟକିଛି ପରିବାର ସ୍ୱାଦ ରହିଛି । ଏହି ଆଳୁରୁ ସାଲାଡ, ପୁରୀ ,ସୁପ କ୍ରିମ୍ ପ୍ରସ୍ତୁତ କରାଯାଇଥାଏ ।