ପୁଣି ଭିଜେଇବ ଅଦିନିଆ ବର୍ଷା । ୧୧ ରୁ ୧୪ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ବର୍ଷା ସମ୍ଭାବନା
କନକ ବ୍ୟୁରୋ: ୧୧ ତାରିଖରୁ ପୁଣି ଭିଜେଇବ ଅଦିନିଆ ବର୍ଷା । ୧୧ରୁ ୧୪ ପର୍ଯ୍ୟନ୍ତ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଭାଗ । ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଏନେଇ ସୂଚନା ଦେଇ ସତର୍କ କରାଯିବା ସହ ଅମଳ ଫସଲକୁ ସୁରକ୍ଷିତ ସ୍ଥାନରେ ସାଇତି ରଖିବାକୁ ପରାମର୍ଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମା ଝଡର ଆଗମନ ଓ ପୂର୍ବ ଦିଗରେ ବଙ୍ଗୋପସାଗରରୁ ଓଡଶାକୁ ପ୍ରବଳ ମାତ୍ରାରେ ଉଷ୍ମ ଜଳୀୟ ବାଷ୍ପର ଅନୁପ୍ରବେଶ ଯୋଗୁଁ ଆଗାମୀ ୧୧ରୁ ୧୪ ଜାନୁଆରୀ ମଧ୍ୟରେ ବର୍ଷା ସମ୍ଭାବନା ରହିଛି । ଓଡିଶାର ଜିଲ୍ଲାଗୁଡିକରେ ଅନେକ ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ଏବଂ କିଛି ଜିଲ୍ଲାର ଗୋଟିଏ ଦୁଇଟି ସ୍ଥାନରେ କୁଆପଥର ସହ ପ୍ରବଳ ବର୍ଷାର ସମ୍ଭାବନା ରହିଥିବା କହିଛି ଆଞ୍ଚଳିକ ପାଣିପାଗ ବିଭାଗ । ଅର୍ଥାତ ୬ରୁ ୧୧ ସେଣ୍ଟିମିଟର ମଧ୍ୟରେ ବର୍ଷା ହୋଇପାରେ । ଏହି ଅଦିନିଆ ବର୍ଷା ପ୍ରଭାବରେ ଚାଷବାସ ନଷ୍ଟ ହେବା ଆଶଙ୍କା କରି ସତର୍କ ସୂଚନା ଜାରି କରିଛନ୍ତି ସ୍ୱତନ୍ତ୍ର ରିଲିଫ କମିଶନର ।
୧୧ ତାରିଖ, ମଙ୍ଗଳବାର
୭ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ
- ବରଗଡ
- ବଲାଙ୍ଗୀର
- ସୋନପୁର
- ସମ୍ବଲପୁର
- ଝାରସୁଗୁଡା
- ସୁନ୍ଦରଗଡ
- ଦେବଗଡ
୧୨ ତାରିଖ, ବୁଧବାର
୭ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ
- କଳାହାଣ୍ଡି
- କନ୍ଧମାଳ
- ବୌଦ୍ଧ
- ଅନୁଗୁଳ
- ଢେଙ୍କାନାଳ
- କଟକ
- ନୟାଗଡ
୧୩ ତାରିଖ, ଗୁରୁବାର
୯ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ
- କେନ୍ଦୁଝର
- ମୟୂରଭଞ୍ଜ
- ବାଲେଶ୍ୱର
- ଭଦ୍ରକ
- ଯାଜପୁର
- କଟକ
- ଢେଙ୍କାନାଳ
- ନୟାଗଡ
- କନ୍ଧମାଳ
ଆସୁଛି ବର୍ଷା, ଚାଷୀଙ୍କ ପାଇଁ ପରାମର୍ଶ
- ୧୦ ଜାନୁଆରୀ ସୁଦ୍ଧା ଅମଳ ଧାନକୁ ସୁରକ୍ଷିତ ସ୍ଥାନକୁ ନେଇ ଆସନ୍ତୁ
- ଡାଲିଜାତୀୟ ଫସଲର ବିହନ ବୁଣାବୁଣି ୧ ସପ୍ତାହ ଯାଏଁ ସ୍ଥଗିତ ରଖନ୍ତୁ
- ଚିନାବାଦାମ ଓ ସୋରିଷ ଫୁଲ ଧରିବା ସମୟ ହୋଇଥିବାରୁ ଜଳସେଚନ ବନ୍ଦ ରଖନ୍ତୁ
- କୁଆପଥର ମାଡରୁ ରକ୍ଷା ପାଇଁ ପନିପରିବା ତଳିକୁ ଘୋଡାଇ ରଖନ୍ତୁ
- ଅମଳ ଉପଯୋଗୀ ପନିପରିବାକୁ ତୁରନ୍ତ ତୋଳି ଆଣି ସାଇତି ଦିଅନ୍ତୁ
- ବର୍ଷା ଆସୁଥିବାରୁ ସାର ଓ କୀଟନାଶକ ପ୍ରୟୋଗ ସାମୟିକ ବନ୍ଦ କରନ୍ତୁ