କନକ ବ୍ୟୁରୋ : ବାହା ହେବାକୁ ରାଜି ନହେବାରୁ ଯୁବତୀଙ୍କୁ ମରଣାନ୍ତକ ଆକ୍ରମଣ । ଏହାସହ ଯୁବତୀଙ୍କ ମାଆଙ୍କୁ ମଧ୍ୟ ଆକ୍ରମଣ କରିଛି ଅଭିଯୁକ୍ତ । ଉଭୟଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତି କରାଯାଇଛି । ନୟାଗଡ଼ ଟାଉନଥାନା ପୁରୁଣା ଘଡ଼ୁଆଳ ଗାଁରେ ଏହି ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ମିିଳିଥିବା ସୂଚନା ଅନୁସାରେ ଘଡ଼ୁଆଳ ଗାଁର ଗୋବର୍ଦ୍ଧନ ବଳିଆରଙ୍କ ଝିଅ ସେହି ଗାଁର ଦିପୁ ପାଳ ନାମକ ଯୁବକ କିଛି ବର୍ଷ ହେଲା ଭଲ ପାଇ ଆସୁଥିଲେ । ୨ ବର୍ଷ ତଳେ ସସ୍ମିତାଙ୍କୁ ଅପହରଣ କରିବା ଅଭିଯୋଗରେ ଦିପୁ ପୋଲିସ ଦ୍ୱାରା ଗିରଫ ହୋଇଥିଲା । ହେଲେ ଜେଲରୁ ଜାମିନରେ ଆସିବା ପରେ ସସ୍ମିତାଙ୍କୁ ବାହା ହେବାକୁ ଜିଦ୍ ଧରିଥିଲା ଅଭିଯୁକ୍ତ ଦୀପୁ । ଏହାସହ କୋର୍ଟରୁ ଅପହରଣ ମାମଲା ଉଠାଇ ଦେବା ପାଇଁ ସସ୍ମିତାଙ୍କ ପରିବାରକୁ କହିଥିଲା । ହେଲେ ସେମାନେ ରାଜି ହୋଇନଥିଲେ । ଗତକାଲି ସଂଧ୍ୟାରେ ମା’ଝିଅ ବାହାରକୁ ଆସିଥିବା ବେଳେ ଅଭିଯୁକ୍ତ ଉଭୟଙ୍କୁ ଲୁହା ରଡ଼ରେ ଆକ୍ରମଣ କରି ଫେରାର ହୋଇଯାଇଥିଲା । ଏନେଇ ଟାଉନ ଥାନାରେ ଅଭିଯୋଗ ହୋଇଛି ।