ପଶ୍ଚିମବଙ୍ଗ ରାଜ୍ୟପାଳଙ୍କ ନାମରେ ଅସଦାଚରଣ ଅଭିଯୋଗ । ଥାନାର ଦ୍ୱାରସ୍ଥ ହେଲେ କାର୍ଯ୍ୟରତ କର୍ମଚାରୀ ।ପୀଡିତାଙ୍କୁ ନ୍ୟାୟ ଦେବାକୁ ଦାବି ।
କନକ ବ୍ୟୁରୋ: ରାଜ୍ୟପାଳଙ୍କ ନାମେରେ ଅସଦାଚରଣ ଅଭିଯୋଗ । ପଶ୍ଚିମବଙ୍ଗ ରାଜଭବନରେ କାର୍ଯ୍ୟରତ ଜଣେ ମହିଳା ରାଜ୍ୟପାଳ ସିଭି ଆନନ୍ଦ ବୋଷଙ୍କ ଦ୍ୱାରା ଅସଦାଚରଣ ଅଭିଯୋଗ ଆଣିଛନ୍ତି ବୋଲି ତୃଣମୂଳ କଂଗ୍ରେସର ଅନେକ ନେତା ଗୁରୁବାର ଦାବି କରିଛନ୍ତି । ପଶ୍ଚିମବଙ୍ଗ ରାଜ୍ୟପାଳ ଏହି ଅଭିଯୋଗକୁ ଖଣ୍ଡନ କରିବା ସହ ଏହାକୁ କପୋଳକଳ୍ପିତ କାହାଣୀ ବୋଲି କହିଛନ୍ତି । ଟିଏମସି ନେତାମାନେ ଦାବି କରିଛନ୍ତି ଯେ ଅଭିଯୋଗ ଆଣିଥିବା ମହିଳା ଜଣକ କୋଲକାତା ପୋଲିସ ନିକଟରେ ଅଭିଯୋଗ କରିବାକୁ ଯାଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅମିତ ଶାହା ଯଦି ପ୍ରକୃତରେ ନାରୀ କା ସମ୍ମାନରେ ବିଶ୍ୱାସ କରନ୍ତି ତେବେ ସେମାନଙ୍କୁ ନ୍ୟାୟ ଦେବା ଉଚିତ ବୋଲି ତୃଣମୂଳ କଂଗ୍ରେସ ଟ୍ୱିଟ୍ କରିଛି । ପଶ୍ଚିମବଙ୍ଗ ରାଜ୍ୟପାଳ ସିଭି ଆନନ୍ଦ ବୋଷ ଏହି ଅଭିଯୋଗକୁ ଖଣ୍ଡନ କରି ଏହାକୁ ବଦନାମ କରିବାକୁ ଉଦ୍ୟମ ବୋଲି କହିଛନ୍ତି । ସତ୍ୟର ବିଜୟ ହେବ । ବଦନାମ କରି କିଛି ନିର୍ବାଚନୀ ଫାଇଦା ଚାହୁଁଛନ୍ତି, ଭଗବାନ ତାଙ୍କୁ ଆଶୀର୍ବାଦ ଦିଅନ୍ତୁ । କିନ୍ତୁ ସେମାନେ ପଶ୍ଚିମବଙ୍ଗରେ ଦୁର୍ନୀତି ଓ ହିଂସା ବିରୋଧରେ ଲଢ଼େଇକୁ ଅଟକାଇ ପାରିବେ ନାହିଁ ବୋଲି ସିଭି ଆନନ୍ଦ ବୋଷ କହିଛନ୍ତି ।
କୋଲକାତା ପୁଲିସର ଅଧିକାରୀ ଇନ୍ଦିରା ମୁଖାର୍ଜୀ କହିଛନ୍ତି ଯେ, ଗୁରୁବାର ଅପରାହ୍ନ ୫ଟାରେ ରାଜ୍ୟପାଳଙ୍କ ବିରୋଧରେ ଅସଦାଚରଣ ଅଭିଯୋଗ ଆସିଥିଲା । ଏହାର ତଦନ୍ତ କରୁଛୁ । ଏହି ଘଟଣା କେବେ ଘଟିଲା ତାହା ଏବେ ଜଣାପଡିନି । ଅଭିଯୋଗ ଅନୁଯାୟୀ, ରାଜଭବନ ଭିତରେ ଏହି ଘଟଣା ଘଟିଛି । ପୀଡିତା ଅଭିଯୋଗ କରିଛନ୍ତି ଯେ ଅନେକ ଥର ତାଙ୍କୁ ଅସଦାଚରଣ କରାଯାଇଛି । ପୁଲିସ ଅଧିକ ତଥ୍ୟ ଦେବାକୁ ମନା କରିଦେଇଛି ।