କନକ ବ୍ୟୁରୋ : ବହୁ ଅଙ୍କକଷା ପରେ ଶେଷରେ ପଦ୍ମପୁର ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ଶାସକ ଦଳ ବିଜେଡି । ଦିବଙ୍ଗତ ବିଧାୟକ ବିଜୟ ରଞ୍ଜନ ସିଂ ବରିହାଙ୍କ ବଡ ଝିଅ ବର୍ଷା ସିଂ ବରିହାଙ୍କୁ ପଦ୍ମପୁର ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ବିଜୁ ଜନତା ଦଳ । ଏନେଇ ଦଳ ପକ୍ଷରୁ ପ୍ରେସ ବିଜ୍ଞପ୍ତି ଜାରି କରି ସୂଚନା ଦିଆଯାଇଛି । ଟିକେଟ ମିଳିବା ପରେ ବର୍ଷା ପ୍ରତିକ୍ରିୟାରେ କହିଛନ୍ତି, ପରିବାରରୁ ଜଣଙ୍କୁ ଟିକେଟ ମିଳିଥିବାରୁ ସେ ଖୁସି । ବାପାଙ୍କ କାମକୁ ଦେଖି ତାଙ୍କୁ ଟିକେଟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ପଦ୍ମପୁର ଉପନିର୍ବାଚନରେ ବିଜେଡି ପ୍ରାର୍ଥୀ କରିଥିବା ବର୍ଷା ସିଂ, ଦିବଙ୍ଗତ ବିଧାୟକ ବିଜୟରଞ୍ଜନ ସିଂ ବରିହାଙ୍କ ଝିଅ ହୋଇଥିବାବେଳେ, ବିଜେପି ନେତା ରମାରଞ୍ଜନ ବଳିୟାରସିଂହଙ୍କ ବୋହୁ । ଏଥିସହ ବର୍ଷା ଜଣେ ଉଚ୍ଚଶିକ୍ଷିତ ମହିଳା । ବିଜେବି କଲେଜରେ ସ୍ନାତକ ପରେ ଇତିହାସରେ ସ୍ନାତୋକତ୍ତୋର ଓ ବେଙ୍ଗାଲୁରରେ ଏଲଏଲବି କରିଛନ୍ତି । ଆଉ ବର୍ଷାଙ୍କୁ ଟିକେଟ୍ ଦେଇ ବିଜେଡି ଉଭୟ ଅନୁକମ୍ପା ଓ ମହିଳା ଭୋଟକୁ ନିଜ ସପକ୍ଷରେ ନେବାକୁ ଓ ପଦ୍ମପୁର ଉପନିର୍ବାଚନରେ ବାଜିମାତ କରି ବିଜୟଧାରାକୁ ଫେରିବାକୁ ଲକ୍ଷ୍ୟ ରଖିଥିବା ଚର୍ଚ୍ଚା ହେଉଛି ।
ପଦ୍ମପୁର ଉପନିର୍ବାଚନରେ ବର୍ଷା ସିଂଙ୍କୁ ବିଜେଡି ଟିକେଟ ଦେବା ପରେ ସବୁଠୁ ଅଡୁଆରେ ପଡିଛନ୍ତି ବିଜେପି ନେତା ତଥା ପୂର୍ବତନ ବିଧାୟକ ରମାରଞ୍ଜନ ସିଂ ବଳିୟାରସିଂ । ଏହି ବରିଷ୍ଠ ନେତା ଏଥର କାହା ପାଇଁ ପ୍ରଚାର କରିବେ? ବୋହୂ ପାଇଁ ନାଁ ନିଜ ଦଳ ବିଜେପି ପାଇଁ? ତା ଉପରେ ରହିଛି ସମସ୍ତଙ୍କ ନଜର । ତେବେ ରମାରଞ୍ଜନ ବଳିୟାର ସିଂ କହିଛନ୍ତି, ସେ ବିଜେପିର ଜଣେ ଶୃଙ୍ଖଳିତ କର୍ମୀ । ତେବେ ବୋହୂ ପ୍ରତି ସ୍ନେହ, ସଦିଛା, ଆର୍ଶୀବାଦ ରହିବ ।
ଧାମନଗର ଭଳି ପଦ୍ମପୁର ଉପନିର୍ବାଚନ ବେଶ ରୋଚକ ହେବାକୁ ଯାଉଛି । ପୂର୍ବରୁ ଏହି ଆସନଟି ଶାସକ ଦଳ କବଜାରେ ଥିଲେ ବି ବିଜେପି ଓ କଂଗ୍ରେସ ପ୍ରାର୍ଥୀ ବିଭିନ୍ନ ପ୍ରସଙ୍ଗକୁ ନେଇ ପଦ୍ମପୁର ନିର୍ବାଚନ ତାତିକୁ ବଢ଼ାଇ ଦେଇଛନ୍ତି । ଯାହା ଆଗକୁ ଆହୁରି ରୋଚକ ହେବ ।