ଓଡ଼ିଆ ସିନେମା ‘ଦମନ’ ଦେଖି ଖୁସି ହେଲେ ଆଶ୍ରମର ଅନ୍ତେବାସୀ। ପାରଳାଖେମୁଣ୍ଡିର ଇଞ୍ଜିନିୟର ଅନ୍ତେବାସୀଙ୍କ ସହ ବାଣ୍ଟିଲେ ଖୁସି।
କନକ ବ୍ୟୁରୋ: ଓଡ଼ିଆ ସିନେମା ଦମନ’ଦେଖି ଖୁବ ଖୁସି ହୋଇଛନ୍ତି ଆଶ୍ରମର ଅନ୍ତେବାସୀ । ସାରାରାଜ୍ୟରେ ଚହଳ ସୃଷ୍ଟି କରିଥିିବା ଓଡ଼ିଆ ଫିଲ୍ମ ଦମନ’ ଦେଖିବାକୁ ଯାଇଥିଲେ ଆଶ୍ରମ ଅନ୍ତେବାସୀ । ଦୀର୍ଘ ଦିନରେ ଏହିଭଳି ଏକ ମୌଳିକ କାହାଣୀ ନେଇ ପ୍ରସ୍ତୁତ ହୋଇଛି ଦମନ’ । ଏହି ଫିଲ୍ମ ପାରଳାଖେମୁଣ୍ଡିର ଯୁବକ ତଥା ଇଂଜିନିୟର ଦେବୀ ପ୍ରସାଦଙ୍କୁ ବେଶ ପ୍ରଭାବିତ କରିଥିଲା । ଆଉ ଏହି ଖୁସିକୁ ସେ ବାଣ୍ଟିଥିଲେ ଅନାଥ ଆଶ୍ରମର ପିଲାଙ୍କ ସହିତ । ନବଜୀବନ ଆଶ୍ରମର ପିଲାମାନଙ୍କ ସହିତ ମୁଭି ଦମନ ଦେଖିଥିଲେ । ଦୁର୍ଗମ ଅଞ୍ଚଳରେ ସେବା ମନୋଭାବ ରଖିଥିବା ଡାକ୍ତର କିଭଳି ଚିକିତ୍ସା । ସେବା ଯୋଗାଉଛନ୍ତି ତାହା ଏଥିରେ ଦେଖାଯାଇଛି । ଦିନକୁ ଦିନ ଓଡ଼ିଆ ଫିଲ୍ମର ମାନ କମୁଥିବା ବେଳେ ଭିନ୍ନ ଏହି ଦମନ’ ଫିଲ୍ମ ଦେଖିବା ସହ ପିଲାମାନଙ୍କୁ ବି ଦେଖାଇଛନ୍ତି ସେ ।
Kanak News is now on WhatsApp
Join and get latest news updates delivered to you via WhatsApp
୮୩ ଜଣ ଅନ୍ତେବାସୀଙ୍କୁ ନେଇ ସିନେମା ହଲ୍ ଯାଇଥିଲେ । ଯଦିଓ ଆଶ୍ରମ ଗୁଡିକରେ ପିଲାମାନଙ୍କୁ ରହିବାରୁ ନେଇ ଖାଇବା ପିଇବା ଆଦି ଦିଆଯାଉଛି । ହେଲେ ସେମାନଙ୍କୁ ଅନ୍ୟ ସୁବିଧାରୁ ବଞ୍ଚିତ କରାଯାଉଛି । ସେମାନଙ୍କ ମନୋରଞ୍ଜନ ପାଇଁ ଏହିଭଳି କିଛି ମନୋରଞ୍ଜନଧର୍ମୀ କାର୍ଯ୍ୟକ୍ରମ ଦେଖାଇ ପାରିଲେ ସେମାନ ବହୁତ କିଛି ଶିଖିପାରିବେ । ଏନେଇ ବିଭିନ୍ନ ସ୍ତରରୁ କିଛି ନା କିଛି ପ୍ରୟାସ ହେବା ଦରକାର ।