ଆସନ୍ତାକାଲି ରାତିରେ ଭୁବନେଶ୍ୱରରେ ପହଞ୍ଚିବେ ମୋଦୀ । ପୁରୀରେ କରିବେ ରୋଡ ସୋ’, କଟକରେ ଜନସଭା । ସିଲ ହେବ ବାଲିଯାତ୍ରା ପଡ଼ିଆକୁ ସଂଲଗ୍ନ ରାସ୍ତା ।
ମୁତୟନ ହେବେ ୩୦ପ୍ଲାଟୁନ ଫୋର୍ସ
କନକ ବ୍ୟୁରୋ: ଆସନ୍ତାକାଲି ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଭୁବନେଶ୍ୱରରେ ରାତ୍ରିଯାପନ କରିବା ପରେ ୨୦ ତାରିଖରେ ପୁରୀ ଯାଇ ମହାପ୍ରଭୁ ଜଗନ୍ନାଥଙ୍କ ଆଶୀର୍ବାଦ ନେବେ । ଏହା ପରେ ପୁରୀରେ ପ୍ରଧାନମନ୍ତ୍ରୀଙ୍କର ରୋଡ ସୋ କାର୍ଯ୍ୟକ୍ରମ ରହିଛି । ଏହା ପରେ ସକାଳ ୯ଟା ୩୦ରେ ଅନୁଗୁଳ ଓ ୧୧ଟା ୩୦ରେ କଟକରେ ଜନସଭାକୁ ସମ୍ବୋଧନ କରିବେ । କଟକ ବାଲିଯାତ୍ରା ପଡ଼ିଆରେ ଜନସଭାକୁ ସମ୍ବୋଧନ କରିବେ ମୋଦୀ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀଙ୍କ ଗସ୍ତ ପାଇଁ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ନେଇ ସୂଚନା ଦେଇଛନ୍ତି ପୋଲିସ କମିଶନର ସଂଜୀବ ପଣ୍ଡା । ବାଲିଯାତ୍ରା ପଡ଼ିଆ ଓ ନିକଟସ୍ଥ ହେଲିପ୍ୟାଡକୁ ସନ୍ଧାନୀ କୁକୁର, ବୋମା ନିଷ୍କ୍ରିୟକାରୀ ଦଳ ଓ ଆଂଟି ସେବୋଟେଜ ଟିମ୍ ଯାଂଚ କରୁଛନ୍ତି । କାଲି ବାଲିଯାତ୍ରା ପଡ଼ିଆକୁ ସଂଯୋଗ କରୁଥିବା ରାସ୍ତାକୁ ସିଲ୍ କରାଯିବ । ସୁରକ୍ଷାରେ ମୁତୟନ ହେବେ ୩୦ ପ୍ଲାଟୁନ ଫୋର୍ସ । କଟକ ଡିସିପି ଆର ପ୍ରକାଶଙ୍କ ନେତୃତ୍ୱରେ ୩ଜଣ ଡିଏସପି, ୬ଜଣ ଅତିରିକ୍ତ ଡିସିପି, ୧୮ ଏସିପି, ୪୦ ଇନ୍ସପେକ୍ଟର ଓ ୧୫୦ ଜଣ ଅଫିସର ରହିବେ । କଟକ ବାଲିଯାତ୍ରା ପଡ଼ିଆ ନୋ ଫ୍ଲାଇଂ ଜୋନ୍ ଓ ନୋ ଡ୍ରୋନ ଜୋନ୍ ହେବ । ହାଇ ରାଇଜିଂ ବିଲଣ୍ଡିରୁ ସ୍ନାଇପର ସୁଟର ରହିବେ ।